अळूवडी, कोथिंबीर वडी नाही यंदा घर बनवून पहा कुरकुरीत कोबीची वडी; चवीला लज्जतदार घरातील सर्वांनाच करेल खुश

कोबीची भाजी खायला आवडत नसेल तर याची कुरकुरीत वडी बनवून पहा. कोबीमध्ये अनेक पोषक घटक असतात जे अनेक आजारांवर मात करण्यास मदत करतात. कोबीची कुरकुरीत वडी तुमच्या जेवणाची चव आणखीनच वाढवेल.

(फोटो सौजन्य: Pinterest)

Follow Us:

Follow Us:

वडी हा महाराष्ट्राचा एक लोकप्रिय आणि पारंपरिक असा पदार्थ आहे. तुम्ही आजवर अनेकदा अळूवडी किंवा कोथिंबीर वडी खाल्ली असेल मात्र तुम्ही कधी कोबीची वडी खाल्ली आहे. आम्ही तुम्हाला सांगतो की, कोबीच्या भाजीपासून तयार केलेली ही वडी चवीला फार अप्रतिम लागते. कोबीमध्ये अनेक जीवनसत्त्वे, खनिजे आणि अँटीऑक्सिडंट्स असतात जे आजरांवर मात करण्यास मदत करतात. तुम्हाला कोबीची भाजी खायला आवडत नसेल तर तुम्ही यापासून कुरकुरीत आणि चविष्ट अशी कोबीची वडी तयार करू शकता.

दुपारच्या जेवणाची चव लागेल सुंदर! झटपट घरी बनवा चमचमीत टोमॅटोचे भरीत, नोट करून घ्या रेसिपी

कोबीची वडी ही एक पारंपरिक आणि चविष्ट महाराष्ट्रीयन डिश आहे. ही वडी कोबी आणि बेसनाचे मिश्रण वापरून तयार केली जाते. कुरकुरीत, मसालेदार आणि पौष्टिक असलेल्या या वड्या चहा सोबत खायला फारच छान लागतात. खास करून पावसाळ्यात किंवा थंडीच्या दिवसांत गरमागरम कोबी वड्या म्हणजे एक अप्रतिम स्नॅक आहे. चला तर मग जाणून घेऊया यासाठी लागणारे साहित्य आणि कृती.

साहित्य

• कोबी (किसलेली) – 2 कप
• बेसन – 1 कप
• तांदळाचे पीठ – 2 टेबलस्पून
• आलं-लसूण पेस्ट – 1 टेबलस्पून
• हिरवी मिरची पेस्ट – 1 टेबलस्पून
• हळद – ½ टीस्पून
• लाल तिखट – 1 टीस्पून
• जिरे – ½ टीस्पून
• हिंग – 1 चिमूट
• मीठ – चवीनुसार
• कोथिंबीर – 2 टेबलस्पून (बारीक चिरलेली)
• तेल – तळण्यासाठी

कृती

• कोबीची वडी तयार करण्यासाठी सर्वप्रथम कोबी धुवून चिरून घ्या
• यांनतर एका भांड्यात किसलेली कोबी, बेसन, तांदळाचे पीठ आणि सर्व मसाले घाला.
• त्यात आलं-लसूण पेस्ट, हिरवी मिरची पेस्ट, कोथिंबीर आणि मीठ मिसळा.
• सर्व साहित्य नीट मिक्स करून घट्टसर पीठ भिजवा. गरज असेल तर थोडंसं पाणी घालू शकता.
• आता एका वाफवण्याच्या पात्राला तेल लावून त्यात हे मिश्रण थापून घ्या.
  वाफेवर १५-२० मिनिटं शिजवा.
• थंड झाल्यावर त्या वडीचे चौकोनी किंवा आपल्या आवडीच्या आकारात तुकडे करा.
• कढईत तेल गरम करून हे तुकडे कुरकुरीत होईपर्यंत तळून घ्या.
• तुम्ही या वड्या एअर फ्रायमध्ये देखील शिजवू शकता.
• तयार वडी पुदिनीची चटणी किंवा नारळाच्या चटणीसह खाण्यासाठी सर्व्ह करा.

Web Title: Make cripsy cabbage vadi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com