लहान मुलांच्या नाश्त्यासाठी झटपट बनवा चविष्ट शेंगदाणा चाट, आवडीने खातील पदार्थ

शेंगदाणे खाणे आरोग्यासाठी अतिशय पौष्टिक आहे. यामध्ये असलेले घटक शरीरासाठी फायदेशीर ठरतात. त्यामुळे आज आम्ही तुम्हाला शेंगदाणा चाट बनवण्याची सोपी रेसिपी सांगणार आहोत. चला तर जाणून घेऊया.

लहान मुलांच्या नाश्त्यासाठी झटपट बनवा चविष्ट शेंगदाणा चाट

Follow Us:

Follow Us:

सकाळी उठल्यानंतर लहान मुलांच्या नाश्त्यासाठी नेहमी नेहमी काय बनवावं? हे अनेकदा सुचत नाही. लहान मुलांना नेहमीच बाहेरचे चमचमीत पदार्थ खायला खूप आवडतात. मात्र मुलांच्या आरोग्यासाठी सतत बाहेरचे पदार्थ खाणे अतिशय हानिकारक आहे. मुलांच्या वाढीसाठी आणि हाडांच्या आरोग्यासाठी घरी बनवलेले पौष्टिक पदार्थ फायदेशीर ठरतात. त्यामुळे लहान मुलांना तुम्ही नाश्त्यात शेंगदाणा चाट बनवून देऊ शकता. लहान मुलं शेंगदाणे आवडीने खातात. अजूनही बऱ्याच घरांमध्ये लहान मुलांना शेंगदाणे आणि गूळ खाण्यास दिले जाते. यामुळे शरीरातील लोहाची कमतरता भरून निघते आणि रक्ताची कमतरता जाणवत नाही. सकाळच्या घाईगडबडीमध्ये मुलं शाळेत जाताना उपाशी जातात. मात्र मुलांना उपाशी पाठ्वण्यापेक्षा झटपट शेंगदाणा चाट बनवावा. चला तर जाणून घेऊया शेगदाणा चाट बनवण्याची सोपी रेसीपी.(फोटो सौजन्य – iStock)

१५ मिनिटांमध्ये सकाळच्या नाश्त्यासाठी बनवा हॉटेल स्टाईल ‘चवदार व्हाईट सॉस पास्ता’, नोट करून घ्या रेसिपी

साहित्य:

• शेंगदाणे
• कांदा
• टोमॅटो
• लाल तिखट
• मीठ
• लिंबाचा रस
• चाट मसाला
• हिरवी मिरची
• गाजर
• काकडी

पुरण तयार करून शिल्लक राहिलेल्या कटापासून बनवा झणझणीत कटाची आमटी, नोट करून घ्या

कृती:

• शेंगदाणा चाट बनवण्यासाठी सर्वप्रथम, वाटीभर शेंगदाणे कोमट पाणी करून भिजत ठेवा. त्यानंतर कुकरच्या भांड्यात पाणी घेऊन शेंगदाणे टाका आणि उकडवून घ्या.
• मोठ्या वाटीमध्ये बारीक चिरून घेतलेला कांदा, टोमॅटो, गाजर आणि काकडी व्यवस्थित मिक्स करा.
• त्यानंतर त्यात बारीक चिरून घेतलेली हिरवी मिरची, लाल तिखट, चाट मसाला आणि चवीनुसार मीठ टाकून मिक्स करा.
• सगळ्यात शेवटी तयार केलेल्या चाटमध्ये उकडवून घेतलेले शेंगदाणे, लिंबाचा रस आणि कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले शेंगदाणा चाट. हे चाट लहान मुलांच्या आरोग्यासाठी अतिशय पौष्टिक आहे.

Web Title: How to make peanut chat at home cooking tips breakfast recipe easy food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com