१० मिनिटांमध्ये घरी बनवा लोणावळा स्टाईल शेंगदाण्याची चिक्की, उपवासासाठी बनवा स्पेशल पदार्थ

उपवासाच्या दिवशी साबुदाणा खिचडी किंवा इतर कोणतेही पदार्थ बनवताना शेंगदाण्याचा वापर केला जातो. आज आम्ही तुम्हाला लोणावळा स्टाईल शेंगदाणा चिक्की बनवण्याची सोपी रेसिपी सांगणार आहोत.

१० मिनिटांमध्ये घरी बनवा लोणावळा स्टाईल शेंगदाण्याची चिक्की

Follow Us:

Follow Us:

लोणावळ्याला फिरायला गेल्यानंतर सगळ्यात आधी आठवणीत येणारा पदार्थ म्हणजे लोणावळा स्पेशल चिक्की. लहान मुलांपासून अगदी मोठ्यांपर्यंत सगळ्यांचं चिक्की खायला खूप आवडते. शेंगदाणा चिक्की, राजगिऱ्याची चिक्की, तिळाची चिक्की इत्यादी अनेक वेगवेगळ्या प्रकारच्या चिक्की बाजारात उपलब्ध आहेत. मात्र नेहमीच बाजारात विकत मिळणारी चिक्की आणून खाण्यापेक्षा घरी बनवलेली चिक्की खावी. उपवासाच्या दिवशी नेहमीच साबुदाणा खिचडी खाऊन कंटाळा आल्यानंतर तुम्ही शेंगदाण्याची चिक्की खाऊ शकता. याशिवाय शेंगदाणे खाणे आरोग्यासाठी अतिशय प्रभावी आहे. शरीरात निर्माण झालेली लोहाची कमतरता भरून काढण्यासाठी शेंगदाणे खावेत. तसेच या पदार्थाच्या सेवनामुळे शरीरात ऊर्जा कायम टिकून राहते. चला तर जाणून घेऊया सोप्या पद्धतीमध्ये लोणावळा स्टाईल शेंगदाणा चिक्की बनवण्याची सोपी रेसिपी.(फोटो सौजन्य – istock)

कोणत्याही भाजीसोबत खा याची चव तुम्हाला नाराज करणार नाही; जाणून घ्या Cheese Garlic Naan ची सोपी, चविष्ट रेसिपी!

साहित्य:

• शेंगदाणे
• तूप
• गूळ
• वेलची पावडर

कृती:

• शेंगदाणा चिक्की बनवण्यासाठी सर्वप्रथम, कढईमध्ये गरम करून त्यात शेंगदाणे खमंग भाजून घ्या. शेंगदाणे भाजताना कायमच गॅस मंद आचेवर ठेवावा.
• शेंगदाणे व्यवस्थित भाजून झाल्यानंतर ताटात काढून थंड होण्यासाठी ठेवा. शेंगदाण्याची साल काढून मिक्सरमधून जाडसर बारीक वाटून घ्या.
• कढईमध्ये किसून घेतलेलं गूळ टाकून व्यवस्थित मिक्स करा. गूळ पूर्णपणे वितळल्याशिवाय त्यात कोणताही पदार्थ टाकू नये.
• गूळ पूर्णपणे विरघळल्यानंतर त्यात वेलची पावडर आणि शेंगदाण्याचा कूट टाकून मिक्स करा.
• सर्व मिश्रण व्यवस्थित मिक्स झाल्यानंतर गॅस मंद आचेवर ठेवा. मोठ्या ताटाला तूप लावून घ्या. तयार केलेले चिक्कीचे मिश्रण ताटात ओतून सेट करा.
• चिक्की व्यवस्थित सेट होण्यासाठी १५ मिनिटं बाजूला ठेवा आणि सुरीच्या सहाय्याने तुम्हाला हवे तसे तुकडे करा.
• तयार आहे सोप्या पद्धतीमध्ये बनवलेली लोणावळा स्टाईल शेंगदाणा चिक्की.

Web Title: How to make peanut chikki at home simple food recipe peanut recipe shravan special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com