बाळांना गुदगुदल्या करणे किती योग्य? शरीरात नक्की काय होते, तज्ज्ञांंनी केला खुलासा

लहान बाळांना बरेचदा गुदगदल्या केल्या जातात. पण यामुळे बाळावर काय परिणाम होतो माहीत आहे का? डॉक्टरांनी याबाबत अधिक माहिती दिली आहे, बाळांंच्या शरीरावर नक्की काय होते?

बाळांना गुदगुल्या केल्याने त्रास होतो का? (फोटो सौजन्य - iStock)

Follow Us:

Follow Us:

• लहान बाळांना गुदगुदल्या करणं योग्य की अयोग्य?
• गुदगुदल्या केल्याने बाळांना त्रास होतो का?
• गुदगुदल्या केल्याने काय होते 

हो तुम्ही योग्य वाचलं आहे. खरंतर आपण आजपर्यंत अनेकदा बाळांना गुदगुदल्या केल्या आहेत. पण यामुळे बाळाला त्रास होत असेल हा विचार कधीच कोणाच्या मनात आला नसेल. पण आरोग्य तज्ज्ञांकडून जाणून घेऊया की लहान मुलांना गुदगुल्या का करू नयेत आणि ते त्यांच्यासाठी कसे हानिकारक असू शकते.

मुलांना संस्कारी आणि यशस्वी बनविण्यासाठी Nita Ambani च्या 5 पॅरेंटिंग टिप्स ठरतील 100 टक्के योग्य

मुलाला गुदगुल्या करणे योग्य का नाही?

डॉ. मनन व्होरा यांनी त्यांच्या इंस्टाग्राम हँडलवर यासंदर्भात एक व्हिडिओ शेअर केला आहे. या व्हिडिओमध्ये, डॉक्टर स्पष्ट करतात की जेव्हा आपण मुलाला गुदगुल्या करतो तेव्हा ते मोठ्याने हसतात. परंतु हे हास्य बहुतेकदा शरीराची प्रतिक्षेप क्रिया किंवा नैसर्गिक प्रतिक्रिया असते. याचा अर्थ असा नाही की मूल खरोखर आनंदी आहे. खरंतर डॉक्टरांनी सांगितले की, बाळाला गुदगुदल्या करणे योग्य नाही. 

मुलाच्या शरीरावर गुदगुल्या झाल्यावर काय होते?

• श्वास घेणे थांबतेः  डॉ. व्होरा स्पष्ट करतात की गुदगुल्या करताना, मुलाचा श्वास काही क्षणांसाठी थांबू शकतो
• स्नायूंचा ताणः हे केल्याने मुलाच्या शरीराचे स्नायू घट्ट होतात, ज्यामुळे शरीर आराम करत नाही
• हृदयाचे ठोके वाढणेः गुदगुदल्या केल्यामुळे हृदयाचे ठोके वाढू शकतात, जे लहान मुलांसाठी धोकादायक आहे
• ताणतणावाचे संप्रेरक वाढणेः गुदगुदीमुळे मुलाच्या शरीरात ताणतणावाचे संप्रेरक वाढतात, ज्यामुळे मुलाला अस्वस्थ वाटू शकते
• मनाचा गोंधळः या सर्वांव्यतिरिक्त, यामुळे मुलाचा मेंदू मजा आणि चिंता यात फरक करू शकत नाही

डॉक्टर म्हणतात की या स्थितीत, मूल त्यांना कसे वाटते ते तोंडी व्यक्त करू शकत नाही. ते बाहेरून हसत असतील, परंतु त्यांच्या शरीरात चिंता आणि अंतर्गत ताण जाणवू शकतो. हे जास्त वेळ केल्याने मुलामध्ये असुरक्षितता किंवा भीतीची भावना देखील निर्माण होऊ शकते. म्हणून, विशेषतः लहान बाळांना गुदगुल्या करणे टाळा. लहान बाळांना हसवायचे असेल तर तुम्ही त्यांना गाणे म्हणून दाखवणे, त्यांच्याशी बोलणे, त्यांच्यासमोर खेळणे आणि तुम्ही हसून दाखवणे असे पर्याय निवडू शकता. तुमच्या चेहऱ्यावरील हावभाव बघून बाळ नक्कीच हसू शकते. त्यासाठी त्यांना गुदगुल्या करायची अजिबात गरज नाही. 

Parenting Tips: तुमची मुलं होतील अधिक युनिक, पालकांनी फॉलो करा या टिप्स

डॉ. मनन व्होराचा व्हिडिओ पहा 

 

View this post on Instagram

 

A post shared by Dr. Manan Vora (@dr.mananvora)

Web Title: Is tickling babies harmful experts gave advice in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com