Recipe : नाश्ता बनेल पौष्टिक! उरलेल्या डाळीपासून सकाळच्या नाश्त्यासाठी बनवा चविष्ट पराठा

Leftover Dal Paratha Recipe : उरलेल्या डाळीपासून बनवलेले हे पराठे फक्त उरलेलं अन्नच वाया जाण्यापासून वाचवत नाहीत, तर चवदार आणि पोषक नाश्त्याचा पर्याय बनतात. पुढच्यावेळी डाळ उरली तर ही रेसिपी नक्की ट्राय करा.

(फोटो सौजन्य: Pinterest)

Follow Us:

Follow Us:

• अनेक घरांमध्ये डाळ आवर्जून बनवली जाते, पण हिच डाळ शिळी झाली की तिला फेकून दिली जाते
• या उरलेल्या डाळीपासून तुम्ही चवदार असे पराठे तयार करु शकता
• उरलेल्या डाळीपासून तयार केलेले हे पदार्थ चविष्टच लागत नाही तर आरोग्यासाठी पाैष्टकही ठरतात

सध्या जेवणाची चव वाढवेल झणझणीत अन् चटपटीत ‘मसाला मिरची’; जाणून घ्या रेसिपी

साहित्य:

• उरलेली डाळ – १ कप
• गव्हाचे पीठ – २ कप (गरजेनुसार)
• बारीक चिरलेला कांदा – १
• बारीक चिरलेली कोथिंबीर – २ टेबलस्पून
• बारीक चिरलेली हिरवी मिरची – १
• आले-लसूण पेस्ट – १ टीस्पून
• हळद – ¼ टीस्पून
• लाल तिखट – ½ टीस्पून
• मीठ – चवीप्रमाणे
• तेल किंवा तूप – भाजण्यासाठी

कृती:

• यासाठी सर्वप्रथम उरलेली डाळ एका भांड्यात घ्या. ती घट्ट नसेल तर थोडे पीठ वाढवावे, आणि जर फार घट्ट असेल तर थोडे पाणी घालून मऊसर करावे.
• त्यात बारीक चिरलेला कांदा, कोथिंबीर, मिरची, आले-लसूण पेस्ट, हळद, लाल तिखट आणि मीठ घाला. सगळं एकत्र चांगलं मिसळा.
• गव्हाचे पीठ त्यात घालून सर्व घटक एकत्र मळा. थोडं तेल घालून मऊसर पीठ बनवा.
• मळलेलं पीठ १०-१५ मिनिटे झाकून ठेवा. नंतर छोटे गोळे तयार करा.
• प्रत्येक गोळा थोड्या पिठात घोळवून पराठ्यासारखा लाटा. फार पातळ नको आणि फार जाडही नको.
• तवा गरम करून त्यावर लाटलेला पराठा ठेवा. दोन्ही बाजूंनी थोडं तेल किंवा तूप लावून सोनेरी रंग येईपर्यंत भाजा.
• तयार पराठे गरमागरम दही, लोणचं किंवा चटणीसोबत सर्व्ह करा.
• डाळ जर मसालेदार असेल तर पराठ्यात जास्त मसाले घालू नयेत.
• हे पराठे लहान मुलांसाठीही उत्तम आहेत; त्यात थोडं चीज घातल्यास त्यांना अधिक आवडतील.
• हे पराठे प्रवासात नेण्यासाठीही उत्तम डबा पदार्थ ठरतात.

Web Title: Make delicious paratha from leftover dal recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com