पेपराइतकीच पातळ, मऊ, रेस्टॉरंट-स्टाईल ‘रुमाली रोटी’ घरी कशी तयार करायची? नोट करा रेसिपी

Rumali Roti Recipe : रेस्टॉरंटमध्ये जाताच मागिवली जाणारी रुमाली रोटी तुम्ही घरी देखील सोप्या पद्धतीमध्ये तयार करू शकता. यासाठी फक्त थोडा संयम आणि टेक्निकची गरज आहे.

(फोटो सौजन्य: Pinterest)

Follow Us:

Follow Us:

“भारतीय जेवणात विविध प्रकारच्या रोट्या, पराठे आणि भाकऱ्या आढळतात. पण त्यापैकी एक खास आणि रेस्टॉरंट-स्टाईल रोटी म्हणजे रुमाली रोटी. नावाप्रमाणेच ही रोटी अतिशय पातळ, मऊ आणि लवचिक असते अगदी रुमालासारखी! म्हणूनच तिला “रुमाली रोटी” म्हणतात. उत्तर भारतातील मुगलई आणि पंजाबी पदार्थांसोबत ही रोटी सर्व्ह केली जाते, विशेषतः बटर चिकन, पनीर बटर मसाला, किंवा कोरमा सारख्या रिच ग्रेव्ही डिशेससोबत.

Recipe : हिवाळ्यात हा एक लाडू खाल तर संपूर्ण शरीर होईल बळकट, गुडघे, पाठ आणि सांधेदुखीपासून मिळेल आराम

रुमाली रोटीची खासियत म्हणजे तिची बनवण्याची पद्धत. ती मोठ्या आकारात पातळ लाटली जाते आणि तिला उलट्या कढईवर (किंवा तांब्या सारख्या पृष्ठभागावर) झटपट शेकले जाते. त्यामुळे ती हलकी, मऊ आणि सुगंधी लागते. घरच्या घरीही ही रोटी अगदी सहज तयार करता येते. फक्त थोडं संयम आणि योग्य टेक्निक गरजेची असते. चला तर मग घरच्या घरी रुमाली रोटी बनवण्याची पद्धत जाणून घेऊया.

साहित्य :

• मैदा – २ कप
• गव्हाचं पीठ – ½ कप (ऑप्शनल, मऊपणा वाढवण्यासाठी)
• मीठ – ½ टीस्पून
• तेल – १ टेबलस्पून
• कोमट पाणी – आवश्यकतेनुसार
• कोरडा मैदा – लाटण्यासाठी

कृती :

• यासाठी सर्वप्रथम एका मोठ्या भांड्यात मैदा, गव्हाचं पीठ आणि मीठ घाला. थोडं थोडं कोमट पाणी घालत मऊ आणि लवचिक पीठ मळा. शेवटी त्यावर तेल घालून पुन्हा मळून घ्या. ओलसर कपड्याने झाकून ३० मिनिटे विश्रांती द्या.
• पीठ थोडं मळून छोटे-छोटे गोळे बनवा. प्रत्येक गोळ्याचा आकार लिंबाएवढा ठेवा.
• पाटावर थोडा कोरडा मैदा पसरवा आणि गोळा अगदी पातळ लाटा. रोटी जितकी पातळ असेल तितकी ती रुमाली रोटीला शोभेल.
• एका मोठ्या उलटलेल्या कढईला गॅसवर ठेवा आणि ती मध्यम आचेवर गरम करा. कढईचा पृष्ठभाग गुळगुळीत आणि स्वच्छ असावा.
• गरम झालेल्या कढईवर रोटी हलक्या हाताने टाका. काही सेकंदात रोटीवर छोटे फुग दिसतील. मग ती उलटवा आणि दुसऱ्या बाजूनेही काही सेकंद शेकून घ्या. रोटीला भाजू देऊ नका , ती फक्त मऊ आणि पातळ राहिली पाहिजे.
• तयार रोटी गरम असतानाच रुमालासारखी दुमडून ठेवा.
• ही मऊ आणि सुगंधी रोटी गरम गरम सर्व्ह करा, ही रोटी पनीर बटर मसाला, डाळ मखनी किंवा चिकन
• ग्रेव्हीसोबत अप्रतिम लागते.
• रोटी पातळ लाटताना मैदा कमी वापरा, नाहीतर ती कोरडी होईल.
• कढई खूप गरम किंवा थंड नको , मध्यम तापमानच योग्य.
• हवे असल्यास पीठात थोडं दूध मिसळल्याने रोटी अजून मऊ होते.

Web Title: How to make hotel style thin soft rumali roti at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com