रात्री केलेली एक चूक ठरू शकते त्रासदायक (फोटो सौजन्य - iStock)
आपल्या पचनसंस्थेचा आपल्या संपूर्ण शरीरावर कोणत्या ना कोणत्या प्रकारे परिणाम होतो. म्हणूनच आपल्याला आपल्या पचनसंस्थेमध्ये सुधारणा करण्याची नितांत आवश्यकता आहे. आपण दिवसा आणि रात्री खाण्यात अनेकदा चुका करतो, ज्याचा थेट आपल्या पचनावर नकारात्मक परिणाम होतो. विशेषतः रात्री, दिवसभर थकवल्यानंतर अनेकदा खूप आरामात आणि उशीरा जेवतो आणि थेट झोपायला जातो.
पण तुम्हाला माहिती आहे का की रात्रीच्या अशा वाईट सवयी तुमच्या आतड्यांना खूप नुकसान पोहोचवू शकतात? आतड्यांना झालेल्या नुकसानीमुळे शरीरात अनेक आजार सुरू होऊ शकतात. म्हणूनच या लेखात आम्ही तुम्हाला रात्रीच्या काही चुकांबद्दल सांगणार आहोत, ज्यामुळे तुमचे आतडे सडू शकते आणि तुम्ही अधिक आजारी पडू शकता, जाणून घ्या महत्त्वाची माहिती (फोटो सौजन्य – iStock)
रात्रीची सर्वात मोठी चूक
रात्रीचे जड जेवण आणि उशीरा जेवणे
रात्रीच्या वेळी आपण सर्वात मोठी चूक करतो ती म्हणजे आपण अन्न उशिरा खातो आणि लगेच झोपायला जातो. ही सवय सामान्य वाटते, पण त्याचा परिणाम खूप गंभीर असू शकतो. रात्री तुम्ही पोटभर अन्न खाल्ल्यानंतर जेव्हा तुम्ही झोपता तेव्हा शरीराला अन्न पचवण्यासाठी वेळ मिळत नाही, ज्यामुळे अन्न पचत नाही आणि दीर्घकाळात आतड्यांमध्ये गॅस, सूज, आम्लता आणि विषारी पदार्थ तयार होऊ लागतात. या सर्व गोष्टींचा हळूहळू तुमच्या आतड्यांवर खूप गंभीर परिणाम होतो, ज्यामुळे अनेक आजारांचा धोका निर्माण होऊ शकतो असे आयुर्वेदिक डॉक्टर माधव भागवत यांनी सांगितले.
गट हेल्थ खराब झाल्यानंतर त्वचेवर येतात पुरळ! चेहऱ्यावर आलेले अॅक्ने घालवण्यासाठी घरगुती उपाय
काय होते नुकसान
आतड्यांसंबंधी समस्यांमुळे आपल्याला अनेक समस्यांना तोंड द्यावे लागू शकते. जेव्हा पचनसंस्था योग्यरित्या काम करत नाही, तेव्हा अन्न आतड्यांमध्ये बराच काळ राहते. ते हळूहळू आंबायला लागते, ज्यामुळे वायू आणि आम्ल तयार होते आणि आतडे कुजू लागतात. आपल्या आतड्यांमध्ये चांगले बॅक्टेरिया असतात, जे पचन आणि रोगप्रतिकारक शक्ती निरोगी ठेवतात. परंतु जेव्हा अन्न योग्यरित्या पचत नाही तेव्हा आतड्यांमध्ये वाईट बॅक्टेरिया वाढू लागतात. यामुळे आतड्यांचे आरोग्य बिघडते आणि पोटाच्या समस्या वारंवार येऊ लागतात.
जेव्हा अर्धे पचलेले अन्न शरीरात बराच काळ राहते तेव्हा ते विषारी पदार्थ तयार करते. हे विषारी पदार्थ केवळ पोटातच नव्हे तर संपूर्ण शरीरात जळजळ आणि आजार निर्माण करू शकतात. पोटाला जड अन्न खाल्ल्यानंतर झोपल्याने झोपेशी संबंधित समस्यादेखील उद्भवू शकतात, कारण अशा परिस्थितीत शरीर झोपेऐवजी पचनामध्ये ऊर्जा खर्च करते आणि त्याचा संपूर्ण परिणाम हा आपल्या शरीरावर होताना दिसतो.
200 कोटी लोकांच्या लिव्हरमध्ये भरलेत घाणेरडे फॅट्स, 4 पदार्थ खाऊन आजाराला करा छुमंतर
काय लक्षात ठेवावे
काय खावे आणि काय टाळावे
रात्री जास्त तळलेले किंवा मसालेदार पदार्थ खाणे टाळा. जेवल्यानंतर लगेच झोपू नका किंवा लोळू नका. तसेच, रात्रीच्या जेवणासोबत गोड पदार्थ किंवा कोल्ड्रिंक्स खाणे हानिकारक असू शकते. रात्रीचे जेवण जास्त उशीर करू नका. जेवण आणि झोप यामध्ये किमान दोन तासांचे अंतर असणे आवश्यक आहे. तरच तुम्ही स्वतःला निरोगी ठेऊ शकता.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
