Vitamin Deficiency: दातदुखी, तोंडाची दुर्गंधीपासून झालात हैराण? 3 विटामिन्सच्या कमतरतेने होऊ शकतात दुष्परिणाम

अनेकदा दातांमध्ये पायोरियामुळे तीव्र वेदना आणि तोंडाची दुर्गंधी येते, परंतु जर तुम्ही काही महत्त्वाचे जीवनसत्त्वे असलेले अन्न खाल्ले तर अशा समस्या उद्भवणार नाहीत. यासाठी महत्त्वाची माहिती घेऊया

तोंडातून दुर्गंधी येत असेल तर कोणते विटामिन्स खावेत (फोटो सौजन्य - iStock)

Follow Us:

Follow Us:

शरीराच्या इतर अवयवांप्रमाणे, आपण तोंडाच्या आरोग्याचीदेखील काळजी घेतली पाहिजे, कारण त्याशिवाय खाणे आणि पिणे कठीण होऊ शकते. सर्वप्रथम, आपण आपले दात आणि हिरड्यांचे संरक्षण करतो, जेणेकरून अन्न चघळण्यात कोणतीही अडचण येऊ नये. याशिवाय, आपण तोंडाची दुर्गंधी टाळण्याचा प्रयत्न केला पाहिजे कारण असे होत असेल तर बोलताना आपल्या तोंडातून येणाऱ्या दुर्गंधीमुळे आपल्याला आपले मित्र, कुटुंब आणि ऑफिसमधील सहकाऱ्यांसमोर लाज वाटते आणि आपल्याजवळही कोणी येत नाही. काही लोक त्यांच्या दातांच्या आरोग्याकडे लक्ष देत नाहीत, ज्यामुळे त्यांना दातदुखी आणि रक्तस्त्राव यासारख्या समस्यांना तोंड द्यावे लागते.

जर आपल्याला आपल्या दातांच्या आरोग्याची काळजी घ्यायची असेल, तर आपल्याला आपल्या दैनंदिन आहारात काय खात आहोत याकडे लक्ष द्यावे लागेल. साधारणपणे, अनेक जीवनसत्त्वांच्या कमतरतेमुळे, आपल्याला दातांच्या समस्यांना तोंड द्यावे लागते, यामुळे पायोरिया सारखा आजार होऊ शकतो, ज्यामध्ये तीव्र वेदनांमुळे स्थिती दयनीय होते. दंतचिकित्सक डॉ. हरिश तन्ना यांनी याबाबत अधिक माहिती या लेखातून आपल्याला दिली आहे (फोटो सौजन्य – iStock) 

विटामिन B12

विटामिन बी १२ ची कमतरता भरून काढण्यासाठी

चांगल्या दंत आरोग्यासाठी व्हिटामिन बी १२ खूप महत्वाचे आहे. त्याचा दातांच्या प्रतिकारशक्तीवर खूप नकारात्मक परिणाम होतो आणि ते कमकुवत होतात. हे नंतर पायरियाचे रूप धारण करू शकते. अशा परिस्थितीत, तुमच्या दैनंदिन आहारात दूध, दुग्धजन्य पदार्थ आणि चरबीयुक्त मासे यांचा समावेश करणे महत्वाचे आहे. दही, दूध, पनीर यासारख्या पदार्थांचा तुम्ही नियमित आहारात वापर करून विटामिन बी१२ चा समावेश करून घ्या. 

कोणत्या विटामिनच्या कमतरतेने येऊ शकते कवळी लावायची वेळ, बत्तिशी गायब होण्याआधी जाणून घ्या दातांची काळजी

विटामिन सी

विटामिन सी साठी खा लिंबूवर्गीय फळं

पायरियाचे एक प्रमुख कारण म्हणजे व्हिटामिन सी ची कमतरता. हे पोषक तत्व आपली प्रतिकारशक्ती सुधारते. तसेच, त्यात असलेले गुणधर्म आपल्याला बॅक्टेरियाच्या संसर्गापासूनदेखील वाचवतात. हे पोषक तत्व मिळविण्यासाठी तुम्ही आंबट पदार्थ खाऊ शकता, ज्यामध्ये संत्री, लिंबू आणि द्राक्षे यांचा समावेश आहे. अनेक फळांमधून विटामिन सी आपल्या शरीरात सामावून घेता येते. 

विटामिन डी 

सकाळचा सूर्यप्रकाश महत्त्वाचा

आपल्या हाडांच्या बळकटीसाठी आणि चांगल्या आरोग्यासाठी व्हिटामिन डी आवश्यक आहे, आपले दातदेखील या हाडांचा एक भाग आहेत, म्हणूनच व्हिटामिन डी खूप महत्वाचे ठरते. हे पोषक तत्व मिळविण्याचा सर्वोत्तम मार्ग म्हणजे दिवसातून १५ ते २० मिनिटे उन्हात बाहेर बसणे. सकाळच्या कोवळ्या उन्हातून लवकर विटामिन डी मिळते. तथापि, हे जीवनसत्व काही विशिष्ट पदार्थ खाऊनदेखील मिळू शकते.

ब्रशने दातांची स्वच्छता करताना 1 चूक पडेल भारी; तरूणपणातच बसवावी लागेल कवळी; बाबा रामदेव यांनी सांगितली युक्ती

दातांची स्वच्छता गरजेची

नियमित करा दातांची स्वच्छता

पोषक तत्वांमुळे आपल्या दातांचे अंतर्गत आरोग्य निश्चितच सुधारते, परंतु आपल्याला त्यांच्या बाह्य स्वच्छतेसाठीदेखील पावले उचलावी लागतील. सकाळी उठल्यानंतर आणि रात्री झोपण्यापूर्वी ब्रश किंवा टूथपिक नक्की करा. जेवणानंतर दात चांगले आणि स्वच्छ घासणे महत्वाचे आहे. तुमच्या दात आणि हिरड्यांमध्ये प्लाक जमा होऊ देऊ नका. जर अन्नाचा काही भाग दातांमधील अंतरात अडकला तर डेंटल फ्लॉस वापरा आणि स्वच्छ करा. दातांची नियमित काळजी घ्या त्याकडे दुर्लक्ष करू नका. 

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Oral health dental pain and odour reason is vitamin b12 c and d deficiency may result bad odour pyria

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com