चेहरा अचानक काळा पडू लागलाय… तर मग सावध! ही 5 कारणे असू शकतात कारणीभूत

चेहऱ्यावर काळा थर जमा होणे हे केवळ बाह्य बदल नसून ते शरीरातील अंतर्गत घडामोडींचेही संकेत देत असते. याकडे वेळीच लक्ष न दिल्यास गंभीर आजारांचा धोका वाढू शकतो. 

फोटो सौजन्य - Social Media

Follow Us:

Follow Us:

सकाळी उठून आरशात पाहिल्यावर चेहऱ्यावर अचानक काळसरपणा दिसू लागणे अनेकांसाठी चिंतेची बाब असते. ही अचानक बदललेली त्वचा केवळ सौंदर्यावर परिणाम करत नाही, तर आरोग्याच्या दृष्टीनेही तो एक महत्वाचा संकेत ठरू शकतो. चेहरा आपल्या शरीरातील अंतर्गत घडामोडींचा आरसा असतो. त्यामुळे त्यावर होणारे अचानक बदल दुर्लक्षित करणे धोकादायक ठरू शकते. चेहऱ्याची त्वचा ही इतर भागांपेक्षा अधिक नाजूक आणि संवेदनशील असते. म्हणून कोणतीही शारीरिक किंवा मानसिक असंतुलनाची लक्षणं ती त्वचेवर लगेच दाखवते. चला तर मग पाहूया, चेहऱ्याचा रंग अचानक गडद का होतो आणि यामागे कोणती कारणं असू शकतात.

World Hypertension Day: मुलांमध्ये वाढतेय रक्तदाबाची समस्या, लक्षणे कोणती? काय उपचार कराल

रक्ताभिसरणातील अडथळा

शरीरात जर रक्तप्रवाह सुरळीत नसेल, तर त्वचेला पुरेसं ऑक्सिजनयुक्त रक्त मिळत नाही. यामुळे चेहऱ्यावर फिकटपणा किंवा काळसर छाया जाणवू लागते. हा बदल विशेषतः तेव्हा जाणवतो जेव्हा रंग अचानक निस्तेज दिसू लागतो.

हार्मोनल बदल

ताण-तणाव, थायरॉईडच्या समस्या, किंवा मासिक पाळीच्या काळातील हार्मोनल चढ-उतार यामुळे त्वचेवर दाट परिणाम होतो. या असंतुलनामुळे गालांवर किंवा कपाळावर विशेषतः काळसरपणा वाढतो.

लोहतत्त्वाची कमतरता

जर शरीरात लोहाचं प्रमाण कमी असेल, तर त्वचेला पुरेसं पोषण मिळत नाही. परिणामी, चेहरा फिकट, थकलेला आणि काळसर वाटू लागतो. ही स्थिती अनेकदा अ‍ॅनिमियाची सुरुवात दर्शवते.

सूर्यप्रकाशाचा अतिप्रभाव

अचानक जास्त वेळ उन्हात राहिल्यास, विशेषतः योग्य सुरक्षेविना, त्वचेवर सूर्यकिरणांचा तीव्र परिणाम होतो. यामुळे टॅनिंग किंवा सनबर्न होऊन चेहरा काळा आणि कोरडा वाटू लागतो.

यकृताच्या कार्यात अडथळा

लिव्हर योग्यरीत्या काम करत नसेल, तर शरीरातील टॉक्सिन्स बाहेर टाकले जात नाहीत. याचा थेट परिणाम चेहऱ्यावर होतो – त्वचा पिवळसर-काळसर दिसते आणि विशेषतः डोळ्यांच्या आजूबाजूला काळेपणा जाणवतो.

डायबेटिक मुलांसाठी काय आहेत आव्हानं, शाळेत जाताना काय घ्यावी काळजी

चेहऱ्यावर अचानक दिसणारा काळसरपणा ही केवळ बाह्य सौंदर्याची समस्या नाही. हे तुमच्या शरीरात सुरू असलेल्या अंतर्गत समस्यांचं संकेत असू शकतं. त्यामुळे फक्त ब्युटी प्रॉडक्ट्सवर अवलंबून राहण्यापेक्षा, योग्य वैद्यकीय सल्ला घेऊन कारणांचा शोध घेणं आणि वेळेवर उपचार करणं अत्यंत आवश्यक आहे. योग्य निदान आणि योग्य काळजी घेतल्यास तुमचा चेहरा पुन्हा तजेलदार आणि निरोगी दिसू शकतो.

Web Title: Sudden face darkening causes

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com