Recipe : पोटाचे विकार होतील दूर, उन्हाळ्यात नाश्त्याला बनवा काकडीची इडली, नोट करा रेसिपी

Cucumber Idli Recipe : उन्हाळ्याच्या उष्ण वातावरणात थंडगार आणि पाण्याने भरपूर काकडीचे सेवन आपल्या आरोग्यासाठी फायद्याचे ठरते. तुम्हाला माहिती आहे का? तुम्ही काकडीपासून मऊदार इडली तयार करु शकता.

(फोटो सौजन्य: Pinterest)

Follow Us:

Follow Us:

• काकाडी उन्हाळ्यात डिहायड्रेशनच्या समस्येपासून दूर ठेवण्यास मदत करते.
• यामुळे पोटाच्या समस्या दूर होऊ शकतात.
• कच्ची काकडी खायला आवडत नसेल तर त्यापासून टेस्टी इडली बनवून खा.

Recipe : बोरींग पदार्थ सोडा, घरी बनवा हेल्दी आणि रुचकर चवीचा ‘कोरीयन पॅनकेक’

तुम्ही आजवर काकडीपासून अनेक पदार्थ बनवून खाल्ले असतील पण तुम्ही कधी काकडीची इडली खाल्ली आहे का? ही इडली आरोग्यासाठी पाैष्टिक ठरते शिवाय पचायलाही हलकी असते. तुम्हाला पोटाच्या समस्या जाणवत असल्यास आपल्या आहारात तुम्ही या इडलीचा समावेश करु शकता. ही इडली लहानांपासून मोठ्यांपर्यंत सर्वांनाच फार आवडेल. टिफीनसाठी किंवा सकाळच्या नाश्त्यासाठी तुम्ही ही रेसिपी नक्कीच बनवू शकता. चला यासाठी लागणारे साहित्य आणि कृती जाणून घेऊया.

साहित्य

• काकडी
• रवा
• ओला नारळ
• हिरव्या मिरच्या
• चणाडाळ
• कोथिंबीर
• मीठ
• दही
• तेल

कृती

• यासाठी सर्वप्रथम काकडीला धुवून आणि किसून घ्या. काकडीच्या सालीला सोलण्याची आवश्यकता नाही, कारण
• यात अनेक पोषक घटक असतात.
• आता किसलेल्या काकडीला एका मोठ्या भांड्यात काढा.
• यात रवा घाला आणि मिश्रण चांगले एकजीव करुन घ्या.
• मिक्सरच्या भांड्यात चिरलेला नारळ आणि हिरव्या मिरच्या चांगल्या वाटून घ्या.
• आता यात भिजवलेली चणाडाळ, बारीक चिरलेली हिरवी कोथिंबीर आणि मीठ घाला.
• शेवटी दही घालून सर्व साहित्य मिक्सरला चांगले फिरवा.
• आता इडलीचे मिश्रण तयार झाले आहे.
• इडलीच्या साच्याला हलकं तेल लावा आणि यात पुरेस मिश्रण ओता.
• गॅसवर हाय फ्लेमवर या इडल्या किमान २५-२० मिनिटे वाफवून घ्या.
• या इडलीमध्ये वापरलेले सर्व घटक आरोग्यदायी आहेत आणि दही प्रोबायोटिक असल्यामुळे तुमच्या पोटासाठी ही फायदेशीर ठरते.
• नारळाची चटणी आणि सांबारसोबत तुम्ही तयार इडल्यांना खाण्यासाठी सर्व्ह करु शकता.

Web Title: Summer special make cucumber idli for breakfast note down the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com