पुण्यात विद्यार्थ्यांनी भरलेली बस झाडावर आदळली; थरारक अपघाताचा व्हिडिओ CCTV मध्ये कैद

पुण्यातील वाघोली येथील रायझिंग स्टार या स्कूलची बस झाडावर आदळल्याने भीषण अपघात झाला आहे. यामध्ये बसमधील काही विद्यार्थी जखमी झाले आहेत. त्यांच्यावर खासगी रुग्णालयात उपचार सुरू असून, बस झाडावर आदळल्याने हा अपघात झाला आहे.

Follow Us:

Follow Us:

पुणे : पुण्यातील वाघोली येथील रायझिंग स्टार या स्कूलची बस झाडावर आदळल्याने भीषण अपघात झाला आहे. यामध्ये बसमधील काही विद्यार्थी जखमी झाले आहेत. त्यांच्यावर खासगी रुग्णालयात उपचार सुरू असून, बस झाडावर आदळल्याने हा अपघात झाला आहे. या घटनेचं थरकाप उडवणारं सीसीटीव्ही फुटेज देखील समोर आलं आहे.

मिळालेल्या माहितीनुसार, पुण्यातील वाघोली रायझिंग स्टार या शाळेची ही बस होती. सोमवारी ४ डिसेंबर रोजी नेहमीप्रमाणे बस विद्यार्थ्यांना घेऊन निघाली होती. मात्र वाटेतच ही बस झाडावर जाऊन आदळली. अपघातानंतर मोठा आवाज झाला, त्यानंतर आजूबाजूचे लोक तातडीने मुलांच्या मदतीसाठी धावले.

अचानक घडलेल्या घटनेनंतर विद्यार्थ्यी मोठमोठ्याने रडत होते. मात्र उपस्थित नागरिकांना त्यांना धीर देऊन शांत करण्याचा प्रयत्न केला. काही जखमी विद्यार्थ्यांना तातडीने खासगी रुग्णालयात दाखल करण्यात आले. सुदैवानी कुणालाही गंभीर इजा झाली नाही.

बसची धडक इतकी जोरदार होती की समोरील भागाचा चक्काचूर झाला आहे. अपघाताचं कारण अद्याप समोर आलेलं नाही. मात्र बसवरील नियंत्रण सुटल्याने हा अपघात झाला असावा, असा अंदाज व्यक्त केला आहे. याप्रकरणी लोणीकंद पोलीस ठाण्यात बसच्या चालकावर गुन्हा दाखल करण्यात आला असून पुढील तपास पोलीस करत आहेत.

Web Title: A bus full of students hit a tree in pune video of the thrilling accident caught on cctv nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com