राज्य मंत्रिमंडळ्याच्या बैठकीत घेण्यात आले तब्बल 80 निर्णय! अनेक महामंडळांना दिली मान्यता

राज्यात येत्या काही दिवसातच निवडणूका लागण्याची शक्यता असल्याने राज्य मंत्रिमंडळाकडून रेकॉर्डब्रेक निर्णय घेतले जात आहेत. आज झालेल्या राज्याच्या मंत्रिमंडळ बैठकीत 80 निर्णय घेण्यात आले आहेत.

फोटो सौजन्य- सोशल मीडिया

Follow Us:

Follow Us:

पुढील आठवड्यामध्ये राज्याच्या विधानसभा निवडणूका जाहीर होण्याची शक्यता आहे. त्यामुळे आज महायुतीच्या मंत्रीमंडळाची शेवटची बैठक असू शकते. या बैठकीमध्ये मंत्रिमंडळाकडून रेकॉर्डब्रेक असे 80 निर्णय घेण्यात आले आहेत. तसेच राज्य सरकारने काही नवी महामंडळे स्थापन करण्यास मान्यता दिली आहे.

आज झालेल्या मंत्रिमंडळ बैठकीत उद्योगपती रतन टाटा यांना श्रध्दांजली अर्पण करण्यात आली. राज्याचे पाणीपुरवठा मंत्री गुलाबराव पाटील यांनी या बैठकीमध्ये जवळपास 80 निर्णय झाल्याची माहिती दिली. महामंडळ, पत्रकारांसाठी आणि वृत्तपत्रे विक्रेते यांच्यासाठी दोन स्वतंत्र्य महामंडळासही कॅबिनेटमध्ये मान्यता दिली. गोरा कुंभार, कोळी समाज महामंडळाचा प्रस्ताव मागवला आहे. तसेच नॉन क्रिमिलेअर सर्टिफिकेट उत्पादनाची मर्यादा 8 लाखावरुन वाढवून आता 15 लाखांची करण्यात यावी यासंबंधीचा प्रस्ताव केंद्राकडे पाठवण्यात आला आहे.

राज्य मंत्रिमंडळ निर्णय संक्षिप्त

• वांद्रे शासकीय वसाहतीतील कर्मचाऱ्यांना घरांसाठी जागा देणार
• कात्रज कोंढवा उड्डाणपूलास बाळासाहेब देवरस यांचे नाव
• सावनेर, गोंदिया, कणकवली, राजापूर, अंबरनाथ, जिहे कठापूर, लातूरच्या जलसंपदाच्या कामांना मान्यता
• वाचन संस्कृती, ग्रंथ चळवळ विकसित करणार
• नवीन महाविद्यालयांसाठी अर्जाची मुदत वाढवली
• राज्यातील अंगणवाडी केंद्रांमध्ये पाळणाघरे सुरू करणार
• सिडको व पीएमआरडीएस दिलेले भूखंड गृहनिर्माण संस्थाच्या मालकीचे
• केंद्राची ॲग्रिस्टॅक योजना राज्यात राबवणार
• बोरीवली तालुक्यातील जागा धारावी पुनर्विकास प्रकल्पासाठी
• आपले सरकार केंद्र चालकांना ग्रामरोजगार सेवकांप्रमाणे मानधन
• कुर्ल्यातील शासकीय जमीन डायलेसिस सेंटरसाठी शाहीर अमर शेख प्रबोधनीला
• राज्यातील मोठया शासकीय रुग्णालयांमध्ये सुलभ शौचालयांची व्यवस्था
• नानाजी देशमुख कृषी संजिवनी प्रकल्पाचा दुसरा टप्पा राबवणार
• पत्रकार, वृत्तपत्र विक्रेत्यांसाठी दोन स्वतंत्र महामंडळे
• पत्रकार, वृत्तपत्र विक्रेत्यांसाठी दोन स्वतंत्र महामंडळे
• बाळासाहेब ठाकरे हळद संशोधन केंद्रासाठी ७०९ कोटींचा अतिरिक्त निधी
• पालघर जिल्ह्यातील विविध गावांतील जागा एमआयडीसीला
• पशुसंवर्धन व दुग्धव्यवसाय विभागाची पुनर्रचना
• भेंडाळे वस्ती प्रकल्प पाणी पुरवठा विभागास हस्तांतरित
• राज्यात आंतरराष्ट्रीय रोजगार व कौशल्य विकास कंपनी
• न्यायमुर्तींच्या खासगी सचिवांना सचिवालयीन संवर्ग
• तुळजापूर, वणी-यवतमाळ येथे न्यायालय
• शबरी महामंडळाच्या थकहमीची मर्यादा वाढवून शंभर कोटी
• मौलाना आझाद महामंडळाच्या भागभांडवलात वाढ
• मदरशांमधील शिक्षकांच्या मानधनात वाढ
• आपत्ती सौम्यीकरणाची कामे आता संबंधित विभागांमार्फत
• राहाता तालुक्यातील शेती महामंडळाची जागा क्रीडांगणासाठी
• शिंपी, गवळी, लाडशाखीय वाणी-वाणी, लोहार, नाथपंथीय समाजासाठी महामंडळे
• प्रकल्पबाधित प्रकल्पग्रस्तांचे पुनर्वसन व विकासासाठी नागनाथ आण्णा नायकवडी महामंडळ
• नॉन क्रीमीलेअरची उत्पन्न मर्यादा वाढवण्याची केंद्राला विनंती
• कराड तालुक्यातील उंडाळे योजनेच्या दुरुस्तीस मान्यता
• कृषी विद्यापीठात प्रकल्पग्रस्तांची भरती करणार
• शाळांना २० टक्के वाढीव अनुदान

Web Title: As many as 80 decisions were taken in the state cabinet meeting recognition given to many corporations

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com