चंदगड भागात टस्कर हत्तीची दहशत; ग्रामस्थ झाले भयभीत

चंदगड : मागील अनेक वर्षांपासून शहरी व मानवी वस्ती असलेल्या भागांमध्ये वन्य प्राणी येण्याचे प्रमाण वाढले आहे. शिकार व पाण्याच्या शोधार्थ येणाऱ्या या हिस्त्र प्राण्यांमुळे भीतीचे वातावरण निर्माण झाले आहे. चंदगड तालुक्यामध्ये देखील वन्य प्राण्यांनी धूडगूस घातला असून आज हत्तीने गावामध्ये तळ ठोकला आहे.

चंदगड तालुक्यातील चिंचणे,कामेवाडी,कुदनुर,कितवाड, कालकुंद्री आदी भागात टस्कर हत्तीची दहशत असून शेतकरी भयभीत झाले आहेत. सध्या उसाचे कारखाना सुरू असून चार-पाच कारखान्याचे ऊस तोडणी कामगार उसाच्या फडातून तोडणी करत आहेत. त्यामुळे उसात जायचे कसे असा प्रश्न कामगाऱ्यांपुढे निर्माण झाला आहे.  ग्रामस्थ आणि कामगार झाले आहेत वन विभागाचे अधिकारी आणि कर्मचारी हत्तीला वनक्षत्रात पाठविण्यासाठी सकाळ पासून प्रयत्न करत आहेत.

ग्रामपंचायतीच्या ध्वनिक्षेपणावरून गावातील लोकांनी शिवारात जाऊ नये. तसेच हत्तीला ऊसकाविण्याचा कोणीही प्रयत्न करू नये असे सांगितले. मात्र गावातील लोकांनी तसेच ऊस तोडणी माणसानी त्यांना दगडाने मारण्याचा प्रयत्न केला त्यामुळे वाटेने जाणाऱ्या हत्तीने बराच वेळ उसाच्या फडातच आपला तर ठोकून बसल्याने वन विभागाच्या कर्मचाऱ्यांना हत्ती ऊसाच्या फडातून बाहेर कधी येणार? आणि वनक्षेत्रात कधी जाणार याचीच तासंतास वाट बघण्याची वेळ वन विभागाच्या कर्मचाऱ्यावर आली. सायंकाळी उशिरापर्यंत तस्कर हस्ती उसाच्या फडातून बाहेर आलाच नाही.

 चंदगड मध्ये दुपारी दोन वाजता  हत्ती दाखल  झालेला आहे. हत्तीला हुसकवण्यासाठी लोकांनी त्याला दगड मारले असून हत्ती बितरण्याची शक्यताही वर्तवली जात आहे