राज्यात मुसळधार पावासाचा इशारा, या ६ जिल्ह्यांमध्ये हाय अलर्ट जारी (फोटो सौजन्य-X)
Maharashtra Weather Today in Marathi: राज्यातील अनेक भागात मुसळधार पावसाची प्रतिक्षा आहे. मुंबई, ठाण्यात गेल्या काही दिवसांपासून पावसाची उघडझाप सुरु आहे. दिवसभर उकाडा आणि रात्रीचा पाऊस असं काहीसं चित्र मुंबईसह ठाणे जिल्ह्यात पाहायला मिळत आहे. अशातच आता हवामान विभागाकडून ६ जिल्ह्यांना हाय अलर्ट जारी केला आहे. पुढील २४ तासांत मुसळधार पाऊस पडण्याची शक्यता वर्तवली आहे. हवामान विभागाच्या मते, पुढील २४ तासांत कोल्हापूर, पुणे, रायगड, सांगली, सातारा आणि ठाणे जिल्ह्यातील काही ठिकाणी मुसळधार पाऊस पडू शकतो. या पार्श्वभूमीवर, नागरिकांना सतर्क राहण्याचा इशारा देण्यात आला आहे.
या वर्षी मान्सून वेळेपूर्वी राज्यात दाखल झाला आहे. साधारणपणे दरवर्षी ७ जूनच्या सुमारास मान्सून महाराष्ट्रात प्रवेश करतो, परंतु यावेळी तो १२ दिवस आधी म्हणजे २५ मे रोजी पोहोचला.
त्यानंतर, राज्याच्या अनेक भागात चार ते पाच दिवस मुसळधार पाऊस पडला आणि महाराष्ट्रात भरपूर पाऊस पडला. मात्र, पावसामुळे शेतकऱ्यांच्या पेरणीपूर्व शेतीच्या तयारीत थोडा विलंब झाला. त्यानंतर काही दिवस पावसाने विश्रांती घेतली, ज्यामुळे शेतकऱ्यांना शेताची तयारी पूर्ण करण्यास वेळ मिळाला.
गेल्या दोन दिवसांपासून राज्यातील अनेक भागात पुन्हा चांगला पाऊस सुरू झाला आहे. ज्यामुळे शेतकऱ्यांना मोठा दिलासा मिळाला आहे. आता पेरणीची कामे वेगाने सुरू होतील. दुसरीकडे, हवामान विभागाने पुन्हा एकदा राज्यातील अनेक भागात मुसळधार पावसाचा इशारा दिला आहे.
आज दिवसभर मुंबईत आकाश ढगाळ राहिले. अखेर संध्याकाळी मुंबई आणि काही उपनगरांमध्ये मुसळधार पाऊस झाला. या अल्प पावसामुळे वातावरणात थंडावा आला आणि लोकांना उष्णतेपासून दिलासा मिळाला. दुसरीकडे, सांगलीत गेल्या दोन दिवसांपासून पाऊस सुरू आहे.
पावसामुळे अनेक नद्या आणि नाल्यांमध्ये पाण्याची पातळी वाढली आहे आणि पूरसदृश परिस्थिती निर्माण होऊ लागली आहे. यामुळे शेतकऱ्यांना दिलासा मिळाला आहे आणि शेतीच्या कामांना वेग येण्याची अपेक्षा आहे.
मार्च ते २५ मे या कालावधीत मुंबईत १५० मिमी पेक्षा जास्त पाऊस पडला आहे. हवामान विभागाच्या माहितीनुसार, शहरात एकूण १५९.२ मिमी आणि उपनगरांमध्ये १६४.३ मिमी पाऊस पडला आहे. शनिवारी सकाळी ८.३० ते रविवारी सकाळी ८.३० वाजेपर्यंत शहरात ३७ मिमी, पूर्व उपनगरांमध्ये १५ मिमी आणि पश्चिम उपनगरांमध्ये १८ मिमी पाऊस पडला आहे.
२०११: ४ जून
२०१२: ६ जून
२०१३: ४ जून
२०१४: ११ जून
२०१५: ८ जून
२०१६: १९ जून
२०१७: १० जून
२०१८: ८ जून
२०१९: २० जून
२०२०: ११ जून
२०२१: ५ जून
२०२२: १० जून
२०२३: ११ जून
२०२४: ६ जून
२०२५: २५ मे
