Top Marathi News Today Live : बारामतीसह राहुरी विधानसभा पोटनिवडणुकीसाठी मतदानाला सुरुवात
23 Apr 2026 11:15 AM (IST)
बांगलादेशातील हिंदू (Bangladesh) अल्पसंख्याकांवरील संकटाचे ढग गडद होताना दिसत आहेत. कॉक्स बाजार (Cox’s Bazar) सारख्या जगप्रसिद्ध पर्यटन क्षेत्राच्या जवळ असलेल्या डोंगराळ भागात एका हिंदू पुजाऱ्याचा मृतदेह संशयास्पद अवस्थेत सापडल्याने संपूर्ण देशात आणि आंतरराष्ट्रीय स्तरावर खळबळ उडाली आहे. स्थानिक नागपंचमी मंदिरात सेवा देणारे पुजारी नयन दास यांच्या या मृत्यूमुळे बांगलादेशातील हिंदूंच्या सुरक्षेचा प्रश्न पुन्हा एकदा ऐरणीवर आला आहे.
23 Apr 2026 11:10 AM (IST)
सध्या IPL 2026 हा अत्यंत रोमांचक वळणावर आहे. कोणती टीम पहिल्या ४ मध्ये स्थान मिळवणार याकडे सर्वांचं लक्ष आहे. दरम्यान सुरूवातीपासून राजस्थान रॉयल्सने आपला जम बसवण्याचा प्रयत्न केला आहे आणि आता त्यावर कळस म्हणजे जोफ्रा आर्चरने इतिहास रचला आहे. तो आयपीएलमध्ये राजस्थान रॉयल्ससाठी सर्वाधिक बळी घेणारा पहिला गोलंदाज ठरला आहे.
23 Apr 2026 11:00 AM (IST)
मध्यपूर्वेतील इराणशी वाढत्या तणावामुळे अमेरिकेचे मोठे नुकसान झाले आहे. इराणच्या विनाशकारी ड्रोन हल्ल्यांनी अमेरिकेची संरक्षण क्षमता कमकुवत केली आहे. याच पार्श्वभूमीवर अमेरिकेने युक्रेनकडे मदतीसाठी हात पसरले आहे. सौदी अरेबियात प्रिन्स सुल्तान एअर बेसवर मोठ्या प्रमाणत नुकसान झाले आहे. यामुळे अमेरिकेने स्वत:च्या बचावासाठी युक्रेनच्या स्काय मॅप या अत्याधुनिक कमांड-अँड-कंट्रोल सिस्टम तैनात केली आहे.
23 Apr 2026 11:00 AM (IST)
नाशिक येथून एक धक्कादायक घटना समोर आली आहे. स्वतःला कॅप्टन म्हणून घेणारा अशोक खरात याचे भयानक कांड समोर आल्यानंतर अनेक बाबांचे प्रकार समोर येत आहे. आता निफाड तालुक्यातील धरणगाव (खडक) येथील एका भोंदू बाबाचा काळा कारनामा उघडकीस आला आहे. कौटुंबिक समस्या दूर करण्याचे आणि भूतबाधा उतरवण्याचे आमिष दाखवून एका महिलेचे लैंगिक शोषण केल्याचे समोर आले आहे. महेशगिरी महाराज उर्फ महेश दिलीप काकडे याच्यावर लासलगाव पोलीस ठाण्यात गुन्हा दाखल करण्यात आला आहे.
23 Apr 2026 10:50 AM (IST)
बारामती विधानसभा पोटनिवडणुकीसाठी आज मतदान प्रक्रिया पार पडत आहे. संपूर्ण राज्याचे या निवडणुकीकडे लक्ष लागले आहे. उपमुख्यमंत्री अजित पवार यांच्या निधनानंतर त्यांच्या पत्नी सुनेत्रा पवार (Sunetra Pawar) या जागेवर निवडणूक लढवत आहेत. आज मतदानाला जाण्यापूर्वी सुनेत्रा पवार यांनी विद्या प्रतिष्ठान येथे अजितदादांच्या स्मृतीस्थळाचे दर्शन घेतले त्यानंतर त्यांनी आपल्या मतदानाचा हक्क बजावला. तसेच, त्यांनी सर्व बारामतीकरांनाही मतदान करण्याचे आवाहन केले.
23 Apr 2026 10:40 AM (IST)
तामिळनाडू विधानसभेच्या सर्व २३४ जागांसाठी आणि बंगालमधील १५२ जागांच्या पहिल्या टप्प्यासाठी आज मतदान होत आहे. कोणत्याही प्रकारच्या हिंसाचाराला तोंड देण्यासाठी निवडणूक आयोगाने कडक व्यवस्था केली आहे. राज्याची पश्चिम बंगालसोबतची सीमा सील करण्यात आली आहे. तामिळनाडूमध्ये ४०२३ उमेदवार निवडणूक लढवत आहेत.
23 Apr 2026 10:30 AM (IST)
या विस्तीर्ण पृथ्वीवर अशा अनेक जागा आहेत ज्या आपल्याला विचार करायला भाग पाडतात. पण तुम्ही कधी अशा ठिकाणाबद्दल ऐकले आहे का, जे दिवसाचे काही तास लोकांसाठी खुले असते आणि उरलेला वेळ समुद्राच्या खोल पाण्यात गडप होते? हे वाचायला एखाद्या काल्पनिक कथेसारखे वाटेल, पण फ्रान्सच्या नॉर्मंडी किनाऱ्यावर वसलेले ‘मॉन्ट-सेंट-मिशेल’ (Mont-Saint-Michel) हे बेट गेल्या १३०० वर्षांपासून या विलोभनीय अनुभवाचे साक्षीदार आहे. निसर्ग आणि अध्यात्माचा हा अनोखा संगम पाहण्यासाठी जगभरातून पर्यटक येथे गर्दी करतात.
23 Apr 2026 10:20 AM (IST)
अमेरिका इराण तणाव (US Iran Conflict) काही थांबवण्याचे नाव घेईना. या युद्धच्या पार्श्वभूमीवर अमेरिकेच्या व्हाईट हाऊसने मोठा इशारा दिला आहे. युद्धविरामाची पुढीच वेळ अमेरिकेचे राष्ट्राध्यक्ष डोनाल्ड ट्रम्प (Donald Trump) च ठरवतील असे व्हाईट हाऊसने म्हटले आहे. अमेरिकेची इराणविरोधात नाकेबंदी सुरुच राहिले असेही व्हाईट हाऊसने सांगितले आहे.
23 Apr 2026 10:10 AM (IST)
कोल्हापूर येथून एक धक्कादायक घटना समोर आली आहे. संतापाच्या भरात वडिलांनीच मुलाची निर्घृण हत्या केल्याचे समोर आले आहे. ही घटना कोल्हापुरातील विक्रमनगर परिसरात घडली. सुरुवातीला वडिलांनी मिरवणुकीत जखमी झाल्याचा बनाव रचला होता. मात्र पोलिसांनी चतुराईने तपास करत वडिलांना अटक केली आहे.
23 Apr 2026 09:56 AM (IST)
आज २३ एप्रिल! ज्ञानाचा खजिना आणि संस्कृतीचा आरसा असलेल्या पुस्तकांचा आजचा दिवस. “वाचाल तर वाचाल” हा मंत्र आपण बालपणापासून ऐकत आलो आहोत, पण या मंत्राला जागतिक स्तरावर महत्त्व प्राप्त करून देणारा हा विशेष दिवस आहे. दरवर्षी २३ एप्रिल रोजी ‘जागतिक पुस्तक आणि कॉपीराइट दिन’ (World Book and Copyright Day) साजरा केला जातो. आजच्या धावपळीच्या आणि डिजिटल युगात जेव्हा आपण स्मार्टफोनमध्ये हरवून गेलो आहोत, तेव्हा पुस्तकांचा स्पर्श आणि त्यातील शब्दांची जादू आपल्याला पुन्हा एकदा समृद्ध करण्यासाठी हा दिवस येतो.
23 Apr 2026 09:15 AM (IST)
छत्रपती संभाजीनगर येथून एक धक्कादायक घटना समोर आली आहे. एका महिलेनेच महिलेची हत्या केल्याचे समोर आले आहे. पिस्तूलच्या साहाय्याने निर्घृण हत्या केल्याचे समोर आले आहे. या घटनेमुळे संपूर्ण परिसरात भीतीचे वातावरण निर्माण झाले आहे.
23 Apr 2026 09:05 AM (IST)
मिरजगाव कर्जत तालुक्यातील कोरेगाव येथील व्यक्तीने तालुक्यातील गरजू व गरीब महिलांच्या भोळ्या भाबड्या लाडक्या बहींणीना स्वयंरोजगाराचे आमिष दाखवून जास्तीचे चार पैसे मिळतील व त्यांच्या प्रपंचाला कशाप्रकारे मदत होईल, असे सांगत बचतगटातील ४३९ लाडक्या बहिणींची ४ लाख ८२ हजार ९०० रुपयांची फसवणूक झाल्याचा प्रकार समोर आला आहे.
23 Apr 2026 08:55 AM (IST)
राहुल गांधी नव्हे, तर केवळ प्रियांका गांधीच पक्ष अधिक चांगल्याप्रकारे चालवू शकतात, असे वक्तव्य बिहारचे माजी मंत्री आणि जनशक्ती जनता दलाचे संस्थापक तेज प्रताप यादव यांनी काँग्रेस नेतृत्वाबाबत केले आहे. त्यांनी लोकसभेतील विरोधी पक्षनेते राहुल गांधी यांच्या नेतृत्व क्षमतेवर उघडपणे प्रश्नचिन्ह उपस्थित केले आहे.
23 Apr 2026 08:45 AM (IST)
नांदेड पोलिसांनी घरफोडी आणि चोरीच्या मालिकेतील गुन्ह्यांचा यशस्वी छडा लावत १९ गुन्हे उघडकीस आणले असून ४४.५ तोळे सोने, १७१.४ तोळे चांदी तसेच इतर मालमत्ता असा एकूण ७८ लाख ३६ हजार रुपयांचा मुद्देमाल जप्त केला, अशी माहिती पोलिस अधीक्षक अबिनाशकुमार यांनी पत्रकारांना दिली. भाग्यनगर, शिवाजीनगर आणि विमानतळ पोलीस ठाण्याच्या हद्दीत दाखल असलेल्या घरफोडी व चोरीच्या गुन्ह्यांचा तपास करताना ही कारवाई करण्यात आली.
23 Apr 2026 08:35 AM (IST)
महाराष्ट्रातील रिक्षा, टॅक्सी तसेच ओला, उबर ई-बाईक टॅक्सीसारख्या इतर व्यावसायिक अमराठी वाहनचालकांनी प्रवाशांशी मराठीतून संवाद साधणे अनिवार्य करण्याच्या निर्णयाच्या प्रभावी अंमलबजावणीसाठी राज्य शासनाने ठोस पावले उचलली आहेत. या पार्श्वभूमीवर परिवहनमंत्री प्रताप सरनाईक यांनी संबंधित क्षेत्रातील तज्ज्ञ, साहित्यिक आणि प्रशासकीय अधिकाऱ्यांसमवेत विशेष बैठक आयोजित केली असून, गुरुवारी सकाळी ११ वाजता ही बैठक होणार आहे
Marathi Breaking News Updates : राज्यातील बारामती आणि राहुरी विधानसभा पोटनिवडणुकीसाठी आज, गुरुवारी मतदान होत आहे. या निवडणुकीचा निकाल 4 मे रोजी जाहीर केला जाणार आहे. दिवंगत माजी उपमुख्यमंत्री अजित पवार यांच्या पत्नी आणि राष्ट्रवादी काँग्रेस पक्षाच्या अध्यक्षा सुनेत्रा पवार बारामतीमधून निवडणूक लढवत आहेत. काँग्रेसने या निवडणुकीतून उमेदवार मागे घेतला आहे. त्यामुळे सुनेत्रा यांचा विक्रमी विजय अपेक्षित आहे. अजित पवरांच्या निधनानंतर ही जागा रिक्त झाली आहे.
या मतदानासाठी शरद पवार हजर नसतील, अशी माहिती सध्या दिली जात आहे. यावर शरद पवार म्हणाले, १९६७ मधील माझ्या पहिल्या निवडणुकीपासून मी बारामतीमध्ये मतदानाचा हक्क बजावला आहे. मात्र, यावेळी प्रकृती अस्वास्थ्यामुळे पोटनिवडणुकीत मतदान करू शकणार नाही. ढासळत्या प्रकृतीमुळे मला रुग्णालयात दाखल व्हावे लागले आहे.
.png "Videos"){kind=small}
