Maharashtra Breaking News, Marathi News Live Updates
Marathi Breaking news updates- सर्वोच्च न्यायालयाच्या पाच न्यायाधीशांच्या घटनापीठाने संतुलित दृष्टिकोन स्वीकारत म्हटले आहे की, राज्य विधिमंडळांनी मंजूर केलेल्या विधेयकांना मंजुरी देण्यासाठी राष्ट्रपती आणि राज्यपालांवर कोणतीही कालमर्यादा लादता येणार नाही. राष्ट्रपती आणि राज्यपालांच्या कृती न्यायालयाच्या अधिकारक्षेत्रात येत नाहीत, परंतु जर विलंब झाला तर ते हस्तक्षेप करू शकतात. जेव्हा विधेयक कायदा बनते तेव्हाच न्यायालयीन पुनरावलोकन उद्भवते.
25 Nov 2025 07:22 PM (IST)
स्थानिक स्वराज्य संस्थांच्या निवडणुकांवरील आरक्षणाचा मुद्दा पुन्हा एकदा चिघळला असून ओबीसींसाठी लागू केलेल्या २७ टक्के आरक्षणामुळे राज्यातील अनेक जिल्ह्यांमध्ये ५० टक्क्यांच्या मर्यादेचा भंग झाल्याचे चित्र समोर आले आहे. वाशिम जिल्हाही याला अपवाद ठरलेला नाही. त्यामुळे जिल्ह्यातील प्रभाग रचना, आरक्षणाचे टक्केवारी आणि निवडणुकीची पुढील प्रक्रिया यावर मोठा परिणाम होण्याची शक्यता निर्माण झाली आहे. या संदर्भातील याचिकेची सर्वोच्च न्यायालयात आज, मंगळवारी (दि. २५) सुनावणी होणार असून, न्यायालयीन निकालानंतरच पुढील निवडणूक कार्यक्रम जाहीर होणार आहे. त्यामुळे जिल्ह्यातील सर्व राजकीय पक्ष, संभाव्य उमेदवार आणि नागरिकांचे लक्ष या सुनावणीकडे लागले आहे. (Washim: Local body elections hit)
25 Nov 2025 07:13 PM (IST)
Mamta Banarjee Vs BJP: पुढील वर्षी पश्चिम बंगालमध्ये विधानसभा निवडणूक होणार आहे. पश्चिम बंगालमध्ये निवडणूक आयोगाने एसआयआर करण्याची घोषणा केली आहे. यावरून पश्चिम बंगालमध्ये राजकारण तापले आहे. मुख्यमंत्री ममता बॅनर्जी यांनी केंद्रातील भाजप सरकारवर जोरदार टीका केली आहे. ममता बॅनर्जी यांनी केंद्र सरकारला इशारा दिला आहे.
25 Nov 2025 06:36 PM (IST)
Ethiopia Volcano Eruption Ash: इथिओपियामध्ये १२ हजार वर्षानंतर पहिल्यांदाच ज्वालामुखीचा विस्फोट झाला आहे. हैली गुब्बी या ज्वालामुखीचा विस्फोट झाला असून हवेत राख आणि ढगाचे लोट पसरले आहे. धक्कादायक बाब, म्हणजे इथिओपियातील ज्वालामुखीच्या उद्रेकाची राख दिल्ली आणि शेजारच्या ४५०० किलोमीटर अंतरावर असलेल्या राज्यांपर्यंत पोहोचली आहे. इथिओपियाच्या अफार प्रदेशातील हैली गुब्बी ज्वालामुखीचा रविवारी उद्रेक झाला. उपग्रह प्रतिमांमध्ये राखेचे लोट वरच्या दिशेने उडत असल्याचे दिसून आले. ज्वालामुखीतून निघालेला दाट धूर आकाशात १४ किलोमीटरपर्यंत गेला. विशेष म्हणजे, राखेचा लोट केवळ भारतच नाही तर येमेन, ओमान आणि उत्तर पाकिस्तानमपर्यंतही पोहोचल्याची माहिती आहे. त्यामुळे या दिशेने जाणारे अनेक विमाने रद्द करण्यात आली तर काहीचे मार्ग वळवण्यात आले आहेत.
25 Nov 2025 06:09 PM (IST)
राज्यातील हवामानातील बदलाचा परिणाम पुणे शहरातही जाणवत असून अलीकडे जाणवणारी थंडी आता कमी होताना दिसत आहे. उत्तरेकडील थंड वाऱ्यांचा वेग घटल्याने शहरात तापमानात वाढ झाली असून दिवसागणिक हवेत उब जाणवत आहे. गेल्या काही दिवसांत सकाळ-संध्याकाळ गारवा कायम असला तरी दिवसाच्या वेळेस उन्हाची तीव्रता वाढली आहे.
25 Nov 2025 06:00 PM (IST)
Russia Ukraine War : मॉस्को/कीव : रशिया आणि युक्रेन युद्ध (Russia Ukraine War) आता भयकंर होत चालले आहे. युक्रेनवर सातत्याने हल्ले होत असून मोठ्या प्रमाणावर विध्वंस घडत आहे. आंतरराष्ट्रीय स्तरावर युद्धबंदीच्या चर्चा सुरु आहेत. मात्र या सर्व चर्चा निष्फळ ठरताना दिसत आहेत. नुकतेच रशियाने युक्रेनच्या कीवमध्ये मोठा ड्रोन हल्ला केला आहे. यामुळे अनेक इमारती आणि पायाभूत सुविधांचे नुकसान झाले आहे.
25 Nov 2025 05:50 PM (IST)
आचार्य चाणक्य यांचा उल्लेख ज्ञान, नीतिमत्ता, शिस्त आणि जीवन मार्गदर्शनाची जाणीव करून देतो. चाणक्य नीतिमध्ये असंख्य जीवन तत्वे दिली आहेत जी पाळली तर यश, आदर आणि समृद्धी मिळू शकते. त्यांची तत्वे केवळ प्राचीन काळातच उपयुक्त नव्हती तर आजही तितकीच प्रासंगिक आहेत. याच नीतिशास्त्रात, चाणक्य एका श्लोकाद्वारे पृथ्वीवर स्वर्गीय आनंद उपभोगणाऱ्या तीन प्रकारच्या लोकांचे वर्णन करतात. अशा लोकांना दीर्घकाळ टिकणारे दुःख किंवा आर्थिक किंवा मानसिक अस्थिरतेचा सामना करावा लागत नाही. आचार्य चाणक्य यांच्या दृष्टिकोनातून भाग्यवान व्यक्तींचा शोध घेऊया.
25 Nov 2025 05:40 PM (IST)
पंतप्रधान नरेंद्र मोदी यांनी भारतीय महिला क्रिकेट संघाचे पहिल्या टी-२० विश्वचषक जिंकल्याबद्दल अभिनंदन केले आणि सोमवारी म्हटले की हा विजय टीमवर्क आणि दृढनिश्चयाचे एक ज्वलंत उदाहरण आहे. रविवारी कोलंबोमधील पी. सारा ओव्हल येथे खेळल्या गेलेल्या अंतिम सामन्यात भारताने नेपाळला सात विकेट्सने पराभूत करून स्पर्धा जिंकली. प्रथम गोलंदाजी करताना भारताने नेपाळला पाच बाद ११४ धावांवर रोखले आणि नंतर १२ षटकांत तीन बाद ११७ धावा करून विजेतेपद पटकावले.
25 Nov 2025 05:30 PM (IST)
अकोला, ब्यूरो: शहरालगतच्या अकोट फाइल पोलिस ठाण्याच्या हद्दीत सोमवारी (दि. २४) सकाळी एक मन हेलावून टाकणारी घटना समोर आली. प्राथमिक माहितीनुसार, शमीम अंजुम नावाच्या महिलेची तिच्याच पतीने, शेख राजू शेख निजाम (४१) याने हत्या केल्याची माहिती समोर आली आहे. या प्रकरणी पोलिसांनी आरोपीला अटक केली असून, अधिक तपास सुरू आहे.
25 Nov 2025 05:20 PM (IST)
राज्यामध्ये स्थानिक स्वराज्य संस्थांच्या निवडणुकीच्या पार्श्वभूमीवर राजकारण रंगलं आहे. पहिल्या टप्प्यामध्ये नगर परिषद आणि नगर पंचायतीच्या निवडणूका होणार आहेत. यामुळे स्थानिक पातळीवर युती तुटताना आणि नवीन समीकरणे जुळताना दिसून येत आहेत. मात्र महायुतीमध्ये वरिष्ठ पातळीवर हे नाराजीनाट्य सुरु असल्याच्या चर्चा आहेत. शिंदे गटातील अनेक नेते आणि पदाधिकारी भाजपमध्ये प्रवेश करत असल्यामुळे एकनाथ शिंदे हे नाराज असल्याचे बोलले जात आहे. यासर्व मुद्द्यावरुन उपमुख्यमंत्री एकनाथ शिंदे यांनी स्वतः प्रतिक्रिया दिली आहे.
25 Nov 2025 05:20 PM (IST)
चिपळूण: चिपळूण नगरपरिषद निवडणुकीसाठी काँग्रेसमध्ये नगराध्यक्ष पदाच्या उमेदवारीवरून राजकीय नाट्यमय घडामोडी नंतर काँग्रेसचे चिपळूण तालुकाध्यक्ष लियाकत शाह यांनी आपल्या पदाचा राजीनामा दिला आणि अपक्ष निवडणूक लढवणार असल्याचे जाहीर केले. यानंतर काँग्रेसने चिपळूण तालुका प्रभारी अध्यक्षपदी खेर्डी येथील प्रकाश साळवी यांची तर चिपळूण शहर प्रभारी अध्यक्षपदी कैसर देसाई यांची नियुक्ती केली आहे. ही निवड वरिष्ठ उपाध्यक्ष गणेश पाटील यांनी जाहीर केली आहे. याची माहिती उत्तर रत्नागिरी जिल्हाध्यक्षा सोनललक्ष्मी घाग यांना देण्यात दिली आहे. या निवडी पाहता काँग्रेसने ‘शाह’ यांना ‘शह’ दिला आहे.
25 Nov 2025 05:10 PM (IST)
भारतात एसयूव्हीची क्रेझ आधीच मोठी आहे, परंतु इलेक्ट्रिक एसयूव्हीची मागणी आता वेगाने वाढत आहे. म्हणूनच महिंद्रा, टाटा आणि मारुती सारखे प्रमुख ब्रँड पुढील ६ ते ९ महिन्यांत एकामागून एक नवीन इलेक्ट्रिक एसयूव्ही लाँच करण्याची तयारी करत आहेत. जर तुम्ही डिसेंबर २०२५ किंवा २०२६ मध्ये नवीन एसयूव्ही खरेदी करण्याचा विचार करत असाल, तर ही लाँच यादी तुमच्यासाठी अत्यंत उपयुक्त आहे. यामध्ये कुटुंब खरेदीदारांसाठी ७-सीटर पर्याय आणि शहरी खरेदीदारांसाठी कॉम्पॅक्ट ईव्ही समाविष्ट असतील. येत्या काही महिन्यांत भारतीय रस्त्यांवर कोणत्या इलेक्ट्रिक एसयूव्ही येत आहेत ते जाणून घेऊया.
25 Nov 2025 05:04 PM (IST)
रत्नागिरी: रत्नागिरी नगर परिषदेच्या प्र. क्र. १० मधील दोन अपक्ष उमेदवारांनी निवडणूक निर्णय अधिकारी तथा प्रांताधिकारी जीवन देसाई यांच्या अर्ज अवैध ठरवण्याच्या निर्णयाविरुद्ध जिल्हा न्यायालयात याचिका दाखल केली आहे. उमेदवार संपदा रसाळ राणा आणि सचिन सदानंद शिंदे या दोन अपक्ष उमेदवारांनी न्यायालयात धाव घेतली आहे. रत्नागिरी नगर परिषदेच्या प्र. क्र.१० मधील अपक्ष उमेदवार संपदा रसाळ राणा आणि सचिन सदानंद शिंदे यांचे उमेदवारी अर्ज किंवा नामनिर्देशन पत्र निवडणूक आयोगाने निश्चित केलेल्या रचनेत नसल्याने निवडणूक निर्णय अधिकाऱ्यांनी दोघांचेही अर्ज अवैध ठरवले.
25 Nov 2025 04:55 PM (IST)
भारत आणि दक्षिण आफ्रिका यांच्यातील दुसऱ्या कसोटी सामन्यातील दक्षिण आफ्रिकेच्या दुसऱ्या डावात दोन बळी घेऊन रवींद्र जडेजाने एक मोठा कारनामा केला आहे. या दोन बळींसह रवींद्र जडेजाने दक्षिण आफ्रिकेविरुद्ध कसोटी क्रिकेटमध्ये ५० बळी पूर्ण करण्याची किमया साधली आहे.
25 Nov 2025 04:50 PM (IST)
तंत्रज्ञानाच्या झपाट्याने होत असलेल्या प्रगतीमुळे उद्योगक्षेत्रात ऑटोमेशन, रोबोटिक्स आणि स्मार्ट मशीनची मागणी मोठ्या प्रमाणात वाढली आहे. या बदलत्या परिस्थितीत मेकॅट्रॉनिक्स इंजिनीअरिंग ही शाखा अभियांत्रिकीच्या जगात वेगाने लोकप्रिय होत आहे. मेकॅनिकल, इलेक्ट्रॉनिक्स, कॉम्प्युटर सायन्स आणि कंट्रोल सिस्टीम्स या चार महत्त्वाच्या शाखांचं एकत्र मिश्रण असलेली ही शाखा विद्यार्थ्यांना आधुनिक उद्योगांच्या गरजेनुसार तयार करते.
25 Nov 2025 04:45 PM (IST)
मराठी अभिनेत्री उर्मिला कानेटकर अनेक वर्षांपासून इंडस्ट्रीत काम करत आहे. उर्मिलाने तुझ्याविना या मालिकेतून अभिनेय क्षेत्रात 2003 साली पदार्पण केले आहे. अलिकडेच आलेल्या बाईपण जिंदाबाद या मालिकेच्या एपिसोड्समध्येही ती पाहायला मिळत आहे. सध्या उर्मिलाचे फिल्टर कॉफी हे नाटक सुरू आहे. शिवाय तिने पुन्हा घाशीराम कोतवाल या नाटकातही छोटी भूमिका साकारली आहे.
25 Nov 2025 04:40 PM (IST)
पैठण तालुक्यातील ढोरकीन येथील शेकडो शेतकरी रस्त्याच्या बिकट अवस्थेमुळे प्रचंड त्रस्त झाले आहेत. गणेशनगर ते ववा वडाळा मार्गापर्यंतचा सुमारे तीन किलोमीटरचा रस्ता अतिवृष्टीमुळे पूर्णपणे उखडला असून, अक्षरशः खड्ड्यांचे साम्राज्य पसरले आहे. यामुळे शेतात जाण्यासाठी शेतकऱ्यांची मोठी कसरत होत आहे, तसेच वाहनधारकांना नाहक त्रास सहन करावा लागत आहे. या प्रश्नी अनेकदा मागणी करूनही स्थानिक लोकप्रतिनिधी (आमदार विलास भुमरे) आणि संबंधित विभागाचे सातत्याने दुर्लक्ष होत असल्याचा संतप्त आरोप ग्रामस्थांनी केला आहे.
25 Nov 2025 04:35 PM (IST)
FD पेक्षा करमुक्त हमी परतावा मिळवण्यासाठी गुंतवणूकदारांना आता जीआरपीने नवा पर्याय उपलब्ध करून दिला असून यामुळे गुंतवणूकदारांना सुरक्षित आणि विश्वासार्हता गुंतवणूक पर्याय मिळाला आहे. जीआरपीच्या या सुरक्षित पर्यायामुळे गुंतवणूकदारांना ६.९% पर्यंत करमुक्त परतावा मिळेल.
25 Nov 2025 04:30 PM (IST)
अंडरवर्ल्ड डॉन दाऊद इब्राहिमशी संबंधित ड्रग्ज पार्ट्यांबाबतच्या चौकशीत बॉलिवूड अभिनेत्री श्रद्धा कपूर आणि नोरा फतेही यांच्यासह अनेक बॉलिवूड स्टार्सची नावे समोर आली आहेत. २५२ कोटी रुपयांच्या मेफेड्रोन ड्रग्ज तस्करी प्रकरणाशी संबंधित समन्सला उत्तर देण्यासाठी अभिनेत्री श्रद्धा कपूरचा भाऊ आणि अभिनेता-दिग्दर्शक सिद्धांत कपूर एंटी नारकोटिक्स सेलच्या कार्यालयात पोहोचला. मुंबई पोलिसांच्याएंटी नारकोटिक्स सेलने सिद्धांतला चौकशीसाठी बोलावले. हे प्रकरण मार्च २०२४ मध्ये सांगली येथे उघड झालेल्या एका मोठ्या औषध कारखान्याशी संबंधित आहे, जिथे १२६ किलोपेक्षा जास्त मेफेड्रोन जप्त करण्यात आले होते. आंतरराष्ट्रीय बाजारात अमली पदार्थांच्या त्या मोठ्या मालाची किंमत सुमारे २५२ कोटी रुपये असल्याचा अंदाज आहे.
25 Nov 2025 04:25 PM (IST)
भारत आणि दक्षिण आफ्रिका यांच्यात दूसरा कसोटी सामना बरसापारा क्रिकेट स्टेडियमवर खेळला जात आहे. या सामन्यात दक्षिण आफ्रिका संघाने टीम इंडियासमोर विजयासाठी 549 धावांचे लक्ष्य दिले आहे. चौथ्या दिवसाच्या खेळात फक्त काही षटके बाकी आहेत. दक्षिण आफ्रिकेने आपला डाव 260/5 धावांवर घोषित केला असून भारतासमोर 549 धावांचे लक्ष्य ठेवले आहे. दक्षिण आफ्रिकेकडून दुसऱ्या डावात टोनी डी झोर्झीने सर्वाधिक 49 धावा केल्या आहेत. भारताकडून रवींद्र जडेजाने सर्वाधिक 4 विकेट्स घेतल्या आहेत.
25 Nov 2025 04:20 PM (IST)
वाढत्या वयात शरीराला आरामची जास्त आवश्यकता असते. पण वारंवार काम, मानसिक तणाव, जीवनशैलीतील बदल, आहारात होणारे बदल इत्यादी अनेक गोष्टींचा परिणाम आरोग्यावर लगेच दिसून येतो. यामुळे शरीरात काहीसा थकवा आणि अशक्तपणा जाणवतो. वय वाढल्यानंतर शरीराची क्रिया पूरपणे मंदावते. पचनक्रियेत येणारे अडथळे, वाढलेली आजारपण, हार्मोन्सचे असंतुलन, महिलांमध्ये दिसून येणाऱ्या मासिक पाळीच्या समस्या इत्यादी अनेक आजारांची शरीराला लागण होते. मात्र या आजारांपासून सुटका मिळवण्यासाठी तुम्ही नियमित योगासने किंवा व्यायाम करू शकता. सकाळी उठल्यानंतर नियमित व्यायाम केल्यास शरीराला भरमसाट फायदे होतील. शारीरिक हालचाल केल्यामुळे खाल्ले अन्नपदार्थ सहज पचन होतात आणि आरोग्य सुधारते
25 Nov 2025 04:15 PM (IST)
मध्यप्रदेश राज्यातून एक महत्वाची बातमी समोर येत आहे. एका आयएएस अधिकाऱ्याच्या वादग्रस्त विधानाने राजकारण तापले आहे. मध्यप्रदेशमधील आयएएस अधिकारी संतोष वर्मा यांनी वादग्रस्त विधान केले आहे. ब्राह्मण समाजाबाबत संतोष वर्मा यांनी विधान केले आहे. या विधानवरून त्यांच्यावर आता कारवाई करण्याची मागणी मुख्यमंत्री मोहन यादव यांच्याकडे केली जात आहे.
25 Nov 2025 04:10 PM (IST)
५३ व्या आंतरराष्ट्रीय एमी पुरस्कार सोहळ्यात दिलजीत दोसांझने त्याच्या आकर्षक लूकने सर्वांचे लक्ष वेधून घेतले आहे. परंतु पुरस्कारांच्या बाबतीत तो रिकाम्या हाताने घरी परतला आहे. २०२५ च्या एमी पुरस्कार सोहळ्यात हा अभिनेता-गायक पुरस्कारापासून वंचित राहिला. इम्तियाज अली यांच्या “अमर सिंह चमकिला” या चित्रपटातील त्याच्या अभिनयासाठी त्याला नामांकन मिळाले होते. परंतु अभिनेता रिकाम्या हाताने घरी परतला आहे.
25 Nov 2025 04:06 PM (IST)
भारत आणि कॅनडाचे (Canada) संबंध पुन्हा एकदा रुळावर येत आहे. परंतु कॅनडातील खलिस्तानी समर्थकांनी याला तीव्र विरोध केला आहे. नुकतेच दक्षिण आफ्रिकेच्या जोहान्सबर्ग येथे पंतप्रधान नरेंद्र मोदी आणि कॅनडाचे पंतप्रधान मार्क कार्नी (Nanrendra Modi-Mark Carney Meet) यांनी भेट घेतली. या भेटीनंतर कॅनडामध्ये खलिस्तानी समर्थकांमध्ये तीव्र संताप उफाळला आहे. कॅनडामध्ये राजधानी ओटावा मध्ये सोमवारी (२४ नोव्हेंबर) मोठ्या प्रमाणात रॅली काढण्यात आल्या आहेत.
25 Nov 2025 04:01 PM (IST)
आपल्या दैनंदिन जीवनात अनेक अनैतिक संबंधच्या निगडित बातम्या ऐकायला मिळतात. पत्नीने प्रियकरासोबत मिळून पतीची हत्या केली, प्रियकराने विवाहित प्रेयसीची हत्या केली, पतीने प्रियकराची हत्या केली अश्या अनेक बातम्या आपल्याला ऐकायला मिळाले आहेत.
25 Nov 2025 03:54 PM (IST)
मध्यप्रदेश राज्यातून एक महत्वाची बातमी समोर येत आहे. एका आयएएस अधिकाऱ्याच्या वादग्रस्त विधानाने राजकारण तापले आहे. मध्यप्रदेशमधील आयएएस अधिकारी संतोष वर्मा यांनी वादग्रस्त विधान केले आहे.
25 Nov 2025 03:42 PM (IST)
डोंबिवली परिसरातून समोर आलेल्या एका धक्कादायक घटनेने संपूर्ण परिसरात खळबळ उडवली आहे. पलावा उड्डाणपुलाच्या खाली एका सूटकेसमध्ये सडलेल्या अवस्थेत एका तरुणीचा मृतदेह आढळल्याची माहिती सोमवारी दुपारी जवळपास 1.45 वाजता मिळाली.
25 Nov 2025 03:24 PM (IST)
राज्यात स्थानिक स्वराज्य संस्थांच्या निवडणुका रंगात असताना सत्ताधारी-विरोधकांकडून टीकाटिप्पणी सुरू असते. मात्र, राज्याच्या तिजोरीची चावी कोणत्याही नेत्याकडे नसून, ती पूर्णपणे जनतेकडे आहे; लोकशाहीत हा अधिकार डॉ. बाबासाहेब आंबेडकरांनी दिला आहे, अशा शब्दांत खासदार सुप्रिया सुळे यांनी शासनव्यवस्थेतील जनतेच्या सर्वोच्च भूमिकेवर भर दिला.
25 Nov 2025 03:12 PM (IST)
२०१० ते २०१३ दरम्यान, भारतातील स्टार्टअप क्षेत्र विकसित होण्यास सुरुवात झाली होती. त्यावेळी एका नावाने सर्वत्र लक्ष वेधले होते: झोमॅटो. अन्न वितरण आणि रेस्टॉरंट शोधण्याची ही कल्पना आज सामान्य वाटत असली तरी, संजीव बिखचंदानी यांची कंपनी, इन्फो एज, यांनी त्यावर मोठी पैज लावली.
25 Nov 2025 02:50 PM (IST)
Ram Mandir : अयोध्या : श्री राम जन्मभूमी असलेल्या अयोध्येतील राम मंदिराच्या शिखरासाठी धर्मध्वज फडकावण्यात आला आहे. पंतप्रधान नरेंद्र मोदी १९१ फूट उंच शिखरावर प्रथमच तो फडकवला आहे. या ध्वजारोहण सोहळ्यासाठी विशेष तयारी करण्यात आली आहे. संपूर्ण देश या ऐतिहासिक क्षणाकडे पाहत आहे, परंतु शंकराचार्यांना या समारंभात आमंत्रित न केल्यानेही वाद निर्माण झाला आहे.
25 Nov 2025 02:45 PM (IST)
स्मृती मानधना आणि पलाश मुच्छल यांच्या लग्नाच्या बातम्या मागील अनेक महिन्यांपासून सुरु आहेत. सोशल मिडियावर त्याच्या चाहते त्याच्या लग्नासाठी फारच उत्सुक आहेत. सोशल मिडियावर त्याच्या लग्नाच्या आधीच्या कार्यक्रमाचे अनेक फोटो सोशल मिडियावर मोठ्या प्रमाणात व्हायरल होत होते. एवढेच नव्हे तर 23 नोव्हेंबर रोजी त्याचे लग्न होणार होते. स्मृती मानधना आणि पलाश मुच्छल यांचे लग्न आरोग्याच्या समस्यांमुळे पुढे ढकलण्यात आले आहे.
25 Nov 2025 02:40 PM (IST)
होंडा मोटारसायकल्स त्यांच्या मोठ्या मोटारसायकलींमध्ये ई-क्लच अपडेट करत आहे. कंपनीने २०२६ होंडा सीबी७५० हॉर्नेटला ई-क्लचसह अपडेट केले आहे, ज्यामुळे ते जागतिक स्तरावर सादर केले आहे. ही तंत्रज्ञानाची राइड आणखी सुरळीत आणि सोपी होते. डिझाइन आणि मेकॅनिकल सेटअप अपरिवर्तित आहे. बाईकला नवीन रंग पर्याय देण्यात आले आहेत. हे मॉडेल लवकरच भारतात लाँच होण्याची अपेक्षा आहे.
25 Nov 2025 02:29 PM (IST)
मराठी रंगभूमीवर एक विनोदी, हृदयस्पर्शी आणि नातेसंबंधांचा वेध घेणारं नाटक ‘शंकर-जयकिशन’ लवकरच नाट्यरसिकांच्या भेटीला येत आहे. वडिल- मुलीचे गुंतागुंतीचे नाते, वर्षानुवर्षे दडलेली कटुता आणि अचानक जीवनात घडलेल्या अनपेक्षित व्यक्तीच्या आगमनाने बदलणारे समीकरण अशी या नाटकाची कथा आहे. कथानकात वडिल मुलीच्या नात्यात कोणी तिसरा येतो. त्याच्या येण्यामागंच नेमकं कारण काय ? की त्याच्या आयुष्यात काही गूढ रहस्य दडलंय ? याचं उत्तर नाट्यरसिकांना नाटक पाहूनच मिळणार आहे.
25 Nov 2025 02:21 PM (IST)
मराठी टेलिव्हिजनवरील सर्वात मोठा आणि सर्वाधिक प्रतीक्षित रिअॅलिटी शो बिग बॉस मराठी आपला सहावा सीझन घेऊन लवकरच प्रेक्षकांच्या भेटीस येतो आहे.बिग बॉस 19 हा सीझन शेवटच्या टप्प्यात आला असून आता बिग बॉस मराठीची प्रेक्षक आता आतुरतेने वाट पाहत आहेत.
25 Nov 2025 02:16 PM (IST)
चिपळूण: चिपळूण येथील खेडीं एमआयडीसी परिसरात असलेल्या ‘श्री एम’ पेपर मिल या खासगी कंपनीला सोमवारी दुपारच्या सुमारास अचानक लागलेल्या भीषण आगीने संपूर्ण परिसर हादरून सोडला. आगीचे स्वरूप इतके भयंकर होते की, काही क्षणांतच कंपनीच्या आवारात आगीच्या ज्वाळा आणि आकाशात काळ्या धुराचे प्रचंड लोट पसरले.
25 Nov 2025 02:10 PM (IST)
अभिनेता धर्मेंद्र यांचे वयाच्या ८९ व्या वर्षी निधन झाले आहे. ज्यामुळे पूर्ण बॉलिवूड चित्रपटसृष्टीला धक्का बसला आहे. बॉलिवूडच्या ‘ही-मॅन’ या अभिनेत्याचे अंत्यसंस्कार सोमवारी पवन हंस स्मशानभूमीत करण्यात आले, जिथे चित्रपट क्षेत्रातील मान्यवर अभिनेत्याला अंतिम निरोप देण्यासाठी पोहोचले. मंगळवारी सकाळी सनी देओलचा मुलगा आणि धर्मेंद्रचा नातू करण देओल आजोबांच्या अस्थी घेण्यासाठी स्मशानभूमीत पोहोचला. ज्याचा व्हिडीओ आता सोशल मीडियावर समोर आला आहे.
25 Nov 2025 01:58 PM (IST)
राज्यातील महानगरपालिका निवडणुकांसाठी प्रारुप मतदार यादी २० नोव्हेंबर २०२५ रोजी जाहिर झाली असून, या याद्यांवर हरकती व सूचना घेण्यासाठी २७ नोव्हेंबर २०२५ पर्यंतची मुदत देण्यात आली आहे. बऱ्याच महानगरपालिकांमध्ये प्रारुप मतदार याद्यांवर हरकत व सूचना घेण्यासाठी मुदत वाढविण्याची आवश्यकता असून, अवघी ७ दिवसांची मुदत अत्यंत कमी आहे, ती १५ दिवसांनी वाढवून द्यावी, अशी मागणी महाराष्ट्र प्रदेश काँग्रेस कमिटीने केली आहे.
25 Nov 2025 01:50 PM (IST)
गेल्या काही दिवसांपासून महाराष्ट्राच्या राजकारणात विविध घडामोडी घडत आहेत. त्यातच महाराष्ट्रातील धाराशिव नगरपरिषदेच्या निवडणुकीत विजय मिळविण्यासाठी महाविकास आघाडीच्या मित्रपक्षांमध्ये फूट पडली आहे. शिवसेनेचे (उबाठा) खासदार ओमराजे निंबाळकर यांनी राष्ट्रवादी काँग्रेस शरद पवार गटाच्या आघाडीपासून वेगळे होण्यावर तीव्र नाराजी व्यक्त केली.
25 Nov 2025 01:45 PM (IST)
लोकप्रिय डान्सर आणि अभिनेत्री गौतमी पाटील नुकतीच नवनवीन मराठी चित्रपटामध्ये दिसली आहे. याशिवाय टेलिव्हिजनवरही तिने विविध कार्यक्रमामध्ये तिचे अभिनयकौशल्य दाखवले आहे. तसेच गौतमीने नुकतीच एक गायक अभिजीत सावंत यांच्यासोबत एक फोटो शेअर केला होता. ज्या फोटोने चाहत्यांचे लक्ष वेधले, आणि या दोघांचा एकत्र प्रोजेक्ट येत असल्याचे त्यांनी अंदाज लावले. परंतु आता या दोघांचा AI व्हिडीओ सोशल मीडियावर व्हायरल होत आहे.
25 Nov 2025 01:35 PM (IST)
अयोध्येत भव्य ध्वजारोहण सोहळा आज संपन्न झाला. आज पंतप्रधान नरेंद्र मोदी यांनी भगवान रामाच्या भव्य मंदिरात भगव्या रंगाचा ध्वज फडकवला. हा ध्वज खूप खास आहे कारण त्यात ॐ, सूर्यदेव आणि कोविदार वृक्षाचे चित्रण आहे. या तिन्ही प्रतीकांना विशेष धार्मिक महत्त्व असल्याचे म्हटले जाते. चला त्यांचा अर्थ सविस्तरपणे जाणून घेऊया. आपल्या हिंदू धर्मात भगव्या रंगाला आणि सूर्यदेव, ॐ आणि कोविदार वृक्षाला अनन्यसाधारण महत्त्व प्राप्त झाले आहे. मात्र या झेंड्यावर ते का कोरण्यात आले याचे महत्त्व आपण जाणून घेऊया.
25 Nov 2025 01:25 PM (IST)
अमेरिकेचे राष्ट्राध्यक्ष डोनाल्ड ट्रम्प (Donald Trump) चीनच्या अधिकृत दौऱ्यावर जाणार आहे. चीनचे अध्यक्ष शी जिनपिंग (Xi Jinping) यांच्याशी सोमवारी (२४ नोव्हेंबर) ट्रम्प यांनी फोनवरुन संवाद साधला. यावेळी जिनपिंग यांनी ट्रम्पला बीजिंग दौऱ्याचे आमंत्रण दिले, जे त्यांनी स्वीकारले आहे. ट्रम्प यांनी घोषणा केली आहे की पुढील एप्रिल २०२६ मध्ये ते चीनला भेट देणार आहेत.
25 Nov 2025 01:15 PM (IST)
कर्नाटकच्या राजकीय वर्तुळात पडद्यामागे मोठ्या घडामोडी घडत असल्याची माहिती समोर आली आहे. कर्नाटक काँग्रेसमध्ये सत्तावाटपाचा वाद शिगेला पोहचल्याची चर्चा सुरू आहे. २०२३ मध्ये कर्नाटक विधानसभा निवडणुकीत काँग्रेस बहुमताने निवडून आली. सिद्धारामय्या आणि डी.के शिवकुमार यांचे सरकारही स्थापन झाले. पण सिद्धारामय्या आणि डी.के. शिवकुमार यांच्यात अडीच अडीच वर्षांच्या मुख्यमंत्री पदाचा करार झाला होता. पण आता सिद्धारामय्या मुख्यमंत्रीपद सोडण्यास तयार नसल्याने कर्नाटकात राजकीय संघर्ष उफाळण्याची शक्यता निर्माण झाली आहे. पण जर हायकमांड डी.के. शिवकुमार यांना २.५ वर्षे वाट पाहण्यास पटवून देऊ शकते, तर सिद्धरामय्या यांना त्यांचे वचन पाळण्यास का पटवू शकत नाही, असा प्रश्न आता कर्नाटकातीस राजकीय तज्ज्ञांकडून उपस्थित केला जात आहे.
25 Nov 2025 01:09 PM (IST)
अखेर ५०० वर्षांची प्रतीक्षा संपली असली असून अयोध्येत बांधलेल्या भव्य श्री राम जन्मभूमी मंदिराच्या शिखरावर भगवा ध्वज फडकवण्यात आला आहे. पंतप्रधान मोदींनी शुभ मुहूर्तावर २२ फूट लांब, ११ फूट रुंद आणि अंदाजे ३ किलो वजनाचा धर्मध्वज फडकवला. यावेळी उत्तर प्रदेशचे मुख्यमंत्री योगी आदित्यनाथ, राष्ट्रीय स्वयंसेवक संघाचे प्रमुख मोहन भागवत, राज्यपाल आनंदीबेन पटेल आणि देशभरातून आलेल्या सुमारे ७००० पाहुण्यांनी या ऐतिहासिक क्षणाचे साक्षीदार झाले. ध्वजारोहण करण्यापूर्वी पंतप्रधान मोदींनी सप्तमंदिरात सप्त ऋषींचे दर्शन घेतले आणि भगवान रामाची आरती केली. यावेळी पंतप्रधान म्हणाले की शतकानुशतके जखमा बरी होत आहेत.
25 Nov 2025 01:05 PM (IST)
छत्तीसगडच्या जशपूरमध्ये मुख्याध्यापकाच्या सततच्या लैंगिक छळ आणि मानसिक त्रासाला कंटाळलेल्या अल्पवयीन विद्यार्थिनीने अभ्यासिकेत आत्महत्या केली. सुसाईड नोटमध्ये आरोप नमूद; मुख्याध्यापक अटकेत, तपास सुरू.
25 Nov 2025 12:55 PM (IST)
विवाहित महिला कौसर गरगरे यांनी सासरकडून निवडणूक खर्चासाठी माहेरकडून 10 लाख रुपये आणण्याचा तगादा व सततचा शारीरिक-मानसिक छळ सहन न झाल्याने गळफास घेऊन आत्महत्या केली. प्रकरणी पती, सासू-सासरे व जावेवर गुन्हा दाखल.
25 Nov 2025 12:45 PM (IST)
एक शिक्षकाने अल्पवयीन मुलीवर अत्याचार केल्याचे समोर आले आहे. याप्रकरणी चंद्रपूर शहर पोलिसांनी नराधम शिक्षकावर पॉक्सो कायद्यांतर्गत गुन्हा दाखल करून अटक केली. दिलीप दादाजी मडावी (वय ५३) असे आरोपी शिक्षकाचे नाव आहे.
25 Nov 2025 12:40 PM (IST)
बीडचे माजी उपसरपंच गोविंद बर्गे आत्महत्याप्रकरणी अटकेत असलेल्या नर्तिका पूजा गायकवाडला बार्शी सत्र न्यायालयाने जामीन मंजूर केला. संशयावरून गुंतवणूक व सुसाईड नोट नसल्याचे वकिलांनी न्यायालयात मांडले.
25 Nov 2025 12:30 PM (IST)
मित्रांसोबत पिकनिकसाठी आलेल्या तरुणाचा लायटरवरून वाद झाला. याच वादातून त्याची निर्घृण हत्या करण्यात आली. अज्ञात आरोपींनी चाकूने सपासप भोसकून त्याचा जीव घेतला. तसेच एकजण गंभीर जखमी झाल्याचे समोर आले आहे.ही धक्कादायक घटना नागपूर येथील आहे.
25 Nov 2025 12:20 PM (IST)
जिवलग मित्राने आत्महत्या केली, हा धक्का दुसऱ्या मित्राला एवढा जबरदस्त बसला की त्यानेही काही तासांतच आपले जीवन संपवले. दक्षिण सोलापुरातील वांगी गावातील गोरख भोई आणि सुरेश भोई असे नाव आहे.
25 Nov 2025 12:10 PM (IST)
छत्रपती संभाजीनगरात बनावट UPSC अधिकारी असल्याचे भासवणारी कल्पना भागवत सहा महिने पंचतारांकित हॉटेलमध्ये राहताना पकडली. तिचे अफगाण–पाक संबंध, बनावट कागदपत्रे आणि मोठ्या आर्थिक व्यवहारांमुळे ATS-IB तपास सुरू.
25 Nov 2025 12:00 PM (IST)
रोहित पवार यांनी पोस्ट केली आहे की, पुणे महानगरपालिकेअंतर्गत घेण्यात येणारी कनिष्ठ अभियंता JE परीक्षा १ डिसेंबरला घेण्यात येत आहे. यासाठी विद्यार्थ्यांना ३००-४०० कि.मी. लांब परीक्षा केंद्र देण्यात आले आहेत. त्यामुळं दुसऱ्या दिवशी असलेल्या स्थानिक स्वराज्य संस्था निवडणुकीच्या मतदानासाठी विद्यार्थी पोहोचू शकणार नाहीत, शिवाय आधीच शासकीय सेवेत असलेल्या विद्यार्थ्यांना इलेक्शन ड्युटी असल्याने त्यांनादेखील ही परीक्षा देता येणार नाही. याशिवाय परीक्षेत पारदर्शकता राहण्यासाठी ही परीक्षा TCS ION CENTER वरच आयोजित करण्यात यावी, अशी विद्यार्थ्यांची आग्रही मागणी आहे. ही बाब लक्षात घेत शासनाने सदर परिक्षा पुढे ढकलावी आणि निवडणूक संपताच आठवड्याच्या आत ही परीक्षा TSC ION CENTER वर घेऊन व विद्यार्थ्यांचं होणारं संभाव्य नुकसान टाळावं, ही विनंती!, असे रोहित पवार म्हणाले आहेत.
