Top Marathi News Today: राज्य विधीमंडळाचे आजपासून नागपुरात हिवाळी अधिवेशन सुरू

08 Dec 2025 07:08 PM (IST)

मोहम्मद शमीचा BCCI ला इशारा! घातक गोलंदाजीने पुन्हा उडवली फलंदाजांची भंबेरी; भारतीय संघात परण्याचा ठोकला दावा

Syed Mushtaq Ali Trophy 2025 : भारताचा वेगवान गोलंदाज मोहम्मद शमी सध्या भारतीय संघाच्या बाहेर आहे.  त्याने देशांतर्गत कामगिरीने सर्वांना चकित केल आहे. शमीचा आत्मविश्वास आणि गोलंदाजी कौशल्य अद्याप देखील अबाधित आहे. निवडकर्ते मात्र त्याच्याकडे दुर्लक्ष करत असेल तरी मोहम्मद शमी प्रत्येक वेळी त्याच्या मैदानी कामगिरीने एक मजबूत इशारा देत आहे. सध्या तो सय्यद मुश्ताक अली ट्रॉफीमध्ये बंगालसाठी उत्कृष्ट कामगिरी करताना दिसत आहे.

08 Dec 2025 06:49 PM (IST)

Indigo Crisis वरून पृथ्वीराज चव्हाणांचा सरकारवर हल्लाबोल; म्हणाले, "विमान वाहतूक क्षेत्र खाजगी..."

कराड:  इंडिगो विमानसेवेतील अलीकडील मोठ्या प्रमाणातील क्रायसिस आणि त्यातून लाखो प्रवाशांना बसलेल्या प्रचंड फटक्यावरून काँग्रेसचे ज्येष्ठ नेते व माजी मुख्यमंत्री पृथ्वीराज चव्हाण यांनी केंद्र सरकार, DGCA आणि विमान कंपन्यांवर थेट हल्लाबोल केला. मुंबईतील गांधी भवन, कुलाबा येथे झालेल्या पत्रकार परिषदेत त्यांनी विमान वाहतूक क्षेत्रातील वाढत्या मक्तेदारीला आणि सरकार-एअरलाइन संगनमताला आजच्या संकटाला जबाबदार ठरवले.

08 Dec 2025 06:21 PM (IST)

Vande Mataram वरुन राजकारण करण्याचा प्रयत्न; समाजवादी पार्टीचे अखिलेश यादवांचा भाजप अन् RSS वर हल्ला

सध्या देशाच्या संसदेमध्ये हिवाळी अधिवेशन सुरु झाले आहे. आज संसदेच्या दोन्ही सभागृहांमध्ये वंदे मातरम या राष्ट्रीय गीतावर चर्चा झाली. संपूर्ण देशाचे लक्ष वंदे मातरम च्या या 10 तास झालेल्या चर्चेकडे लागले होते. वंदे मातरम च्या150 वर्ष पूर्तीवर ही चर्चा आयोजित करण्यात आली होती. पंतप्रधान नरेंद्र मोदी यांनी लोकसभेमध्ये या मुद्द्याला सुरुवात केली. मात्र त्यांनी स्वातंत्र्यपूर्व काळापासून कॉंग्रेसच्या कारकीर्दवर टीका करत विरोधकांवर निशाणा साधला. यामध्ये समाजवादी पार्टीचे अखिलेश यादव यांनी देखील चर्चेमध्ये सहभागी होत भाजपवर निशाणा साधला.

08 Dec 2025 06:03 PM (IST)

Pune News: भीमाशंकरला जाणे सोपे होणार; ‘या’ रस्त्याचे काम प्रगतीपथावर, लवकरच…

रांजणी/रमेश जाधव: बाराज्योितलिंगापैकी असलेल्या श्री क्षेत्र भीमाशंकर कडे जाणाऱ्या रस्त्याचे काम (Road Development )प्रगतीपथावर असून सदर काम चांगल्या दर्जाचे करण्याच्या सूचना संबंधीत ठेकेदाराला अधिकाऱ्यांनी दिल्या आहेत. त्यामुळे तळेघर ते  निगडाळे हा रस्ता चांगल्या प्रतीचा होण्यास निश्चित मदत होणार आहे. राष्ट्रीय महामार्ग विभागाच्या कार्यकारी अभियंता श्रृती नाईक यांनी सदर रस्ता चांगल्या प्रतीचा होण्यासाठी जातीने लक्ष घातलेे आहे.श्री क्षेत्र भीमाशंकर हे बाराज्योतीलिंगापैकी आहे. वर्षभर राज्याच्या नवे तर देशातील कोट्यावधी भाविक आणि पर्यटक येथे दर्शनासाठी येत असतात. गेल्या काही महिन्यापासून या रस्त्याचे काम चालू आहे. मात्र सदर काम चांगले होत नसल्याच्या तक्रारी नागरिकांनी केल्या होत्या. संबंधित ठेकेदाराने नागरिकांच्या तक्रारी लक्षात घेऊन. तळेघर ते निगडाळे या रस्त्याचे काम चांगल्या प्रतीचे करण्याचा मानस ठेवला आहे. त्यानुसार रस्त्याचे काम आता चांगल्या प्रतीचे होत आहे.

08 Dec 2025 05:36 PM (IST)

चिकन, मटन, अंड्याचे दर कडाडले

यंदा प्रथमच अंड्याचा शेकडा दर ७२० रुपये शेकड्यापर्यंत गेला असल्यामुळे अंड्याचे बाजार भाव घाऊक बाजारात मोठ्या प्रमाणावर वाढले असून, किरकोळ अंडे ८ रुपये प्रमाणे ९६ रुपये डझन विकले जात आहेत. यंदा प्रथमच अंड्याचा बाजारभाव ७२० रुपये शेकड्यापर्यंत गेला असल्याचे अंडी उत्पादक शेतकरी गोविंद थोरात, निकेतन दैने, माया थोरात यांनी सांगितले आहे. तसेच बॉयलर कोंबडी यांचा लिफ्टिंग रेट दिवसेंदिवस वाढ होत असल्यामुळे बाजारभाव १२२ रुपये किलोच्या पुढे गेल्यामुळे बॉयलर कोंबडीचे चिकन किरकोळ विक्रते सध्या २२० ते २४० रुपये किलो दराने विकले जात असल्याची माहिती कळंब येथील ख्वाजा गरीब नवाज चिकन सेंटरचे विक्रेते इसाक शेख, महाराष्ट्र चिकनचे इम्रान मोमीन, भारत चिकनचे व होलसेल कोंबडीचे व्यापारी जावेद मिस्त्री, फिरोज मिस्त्री यांनी दिली.

08 Dec 2025 05:09 PM (IST)

“शिंदेंच्या आमदारांना घेऊन काय…”; ठाकरेंच्या ‘त्या’ विधानावर फडणवीसांचा पलटवार

राज्याच्या विधीमंडळामध्ये हिवाळी अधिवेशनला सुरुवात झाली आहे. नागपूरमधील विधीमंडळामध्ये अधिवेशनाचा पहिला दिवस सुरु झाला आहे. दरम्यान राज्याचे राजकारण पहिल्याच दिवशी तापले आहे. उद्धव ठाकरे यांच्या पक्षाचे आमदार आदित्य ठाकरे यांनी शिवसेनेचे 22 आमदार भाजपच्या गळ्याला लागल्याचा दावा केला. यावर आता मुख्यमंत्री देवेंद्र फडणवीस यांनी भाष्य केले आहे.

सविस्तर बातमीसाठी येथे क्लिक करा

08 Dec 2025 04:55 PM (IST)

मराठी-कन्नड वाद चिघळणार? कर्नाटकात मराठीची गळचेपी!

महाराष्ट्र कर्नाटक सीमावाद हा प्रश्न कायमच चर्चेत असणारा प्रश्न आहे. सीमावादाचा प्रश्न पुन्हा एकदा पेटला आहे. कर्नाटकमध्ये (Karnataka)आजपासून हिवाळी अधिवेशन सुरू होत आहे. या अधिवेशनाला सीमाभागातील मराठी भाषिकांनी विरोध केला. दरम्यान महाराष्ट्र एकीकरण समितीच्या नेत्यांची धरपकड करण्यात आली आहे. त्यामुळे पुन्हा एकदा सीमावादाचा प्रश्न पेटण्याची शक्यता आहे. कर्नाटकच्या हिवाळी अधिवेशनाचा विरोध करण्यासाठी जात असताना महाराष्ट्र एकीकरण समितीच्या नेत्यांची धरपकड करण्यात आली आहे. या कृतीचा महाराष्ट्र एकीकरण समितीने निषेध नोंदवला आहे. यामुळे महाराष्ट्र कर्नाटक सीमेवर तणाव निर्माण झाला आहे. कर्नाटक आणि महाराष्ट्र यांच्यात तात्पुरती म्हणून एसटी (MSRTC) सेवा बंद ठेवण्यात आली आहे. यामुळे प्रवाशांचे मोठे हाल होत आहेत.

08 Dec 2025 04:50 PM (IST)

शिवसेना पुन्हा फुटणार? मुख्यमंत्र्यांच्या हाती लागले 22 आमदार

राज्याच्या विधीमंडळामध्ये हिवाळी अधिवेशनला सुरुवात झाली आहे. नागपूरमधील विधीमंडळामध्ये अधिवेशनाचा (Winter Session) पहिला दिवस सुरु झाला आहे. यापूर्वी झालेल्या चहापानवर विरोधकांनी बहिष्कार टाकला. यानंतर राज्याच्या इतिहासामध्ये पहिल्यांदा दोन्ही सभागृहामध्ये विरोधी पक्षनेता नसल्याची घटना घडली आहे. दरम्यान, सत्ताधाऱ्यांमध्ये वादळापूर्वीची शांतता असल्याचे मत शिवसेना ठाकरे गटाचे आमदार आदित्य ठाकरे (Aditya Thackeray) यांनी व्यक्त केले.

08 Dec 2025 04:45 PM (IST)

काशिमिरा परिसरात मध्यरात्री धिंगाणा – पोलिसांची तत्काळ कारवाई, तरुणाला अटक

काशिमीरा परिसरात मध्यरात्रीनंतर कायदा व सुव्यवस्थेला हरताळ फासणारे धक्कादायक चित्र समोर आले आहे. सारंग नावाच्या बारच्या बाहेर काही तरुण मंडळी रात्री उशिरापर्यंत धिंगाणा घालत असल्याने परिसरातील नागरिकांमध्ये भीतीचे वातावरण निर्माण झाले होते. स्थानिक नागरिकांनी सांगितल्याप्रमाणे, रोजचाच हा प्रकार असून मोठमोठ्याने ओरडणे, शिवीगाळ व दहशत माजविण्याचे प्रकार सुरू होते. या घटनेचे व्हिडिओ समाज माध्यमांवर व्हायरल झाल्यानंतर पत्रकारांनीही हा मुद्दा चोखपणे मांडला.

08 Dec 2025 04:40 PM (IST)

चिपळुणात निवडणुकीतील 'मतांचे गणित' जुळता जुळेना*!

निवडणूक झाली, मात्र निकालाची उत्सुकता दिवसेंदिवस वाडू लागली आहे. निवडणुकीत ६४.१७ टक्के इतके मतदान झाले आहे. मतदानाची ही टक्केवारी चूरशीमुळ ७० टक्क्यांच्या आसपास जाईल, असा अंदाज वर्तविण्यात येत होता. मात्र, मतदारांमधील निरुत्साहामुळे मतदानाची टक्केवारी घटली. त्यामुळे मतांची जुळवाजुळव करताना दमछाक झाली आहे.चिपळूणनगरपरिषदेच्या निवडणुकीत यावर्षी प्रथमच कमालीची चुरस पाहायला मिळाली. राष्ट्रवादी आणि शिंदेसेनेच्या कार्यकर्त्यांनी मतदानानंतर फटाके फोडून निकालाआधीच विजयोत्सव केला. त्यामुळे त्यांनी विजयावर दावा केला आहे तर काही उमेदवारांनी पेढे वाटून आनंद व्यक्त केला. मात्र, विरोधी उमेदवारांनी निकालापर्यंत संयम पाळला आहे.नगराध्यक्षपदासाठी याआधी तीस वर्षे नगरपरिषदेमध्ये सत्ताधारी राहिलेले
तसेच आमदारकी भूषविलेले रमेश भाई कदम नगराध्यक्षपदाच्या शर्यतीत आहेत. तर त्यांच्या विरोधात अन्य सहा उमेदवार रिंगणात आहेत. त्यामुळे चिपळूणच्या निकालाकडे जिल्हाासह संपूर्ण कोकणाचे लक्ष आहे.

08 Dec 2025 04:35 PM (IST)

मुंबई-गोवा महामार्गावरच्या चिपळूण सावर्डे कोंडमळा वळणावर 2 डम्परचा अपघात

मुंबई–गोवा महामार्गावरील चिपळूण सावर्डे कोंडमळा वळणावर आज सकाळी दोन डंपरमध्ये भीषण अपघात झाला. धडक इतकी जोरदार होती की एका डंपरमधील व्यक्तीचा जागीच मृत्यू झाला आहे. अपघातामुळे महामार्गावरील वाहतूक पूर्णपणे ठप्प झाली असून वाहनांच्या लांबच लांब रांगा लागल्याने प्रवाशांना मोठ्या त्रासाला सामोरे जावे लागत आहे.

08 Dec 2025 04:30 PM (IST)

बिबट्याच्या हल्ल्यात वृद्धाचा मृत्यू, ग्रामस्थांकडून हायवेवर रस्ता रोको

अहिल्यानगर जिल्ह्यात बिबट्या आणि मनुष्य यांच्यातील संघर्ष आता चिंतेचा विषय झाला आहे. बिबट्याच्या वाढत्या हल्ल्यांमुळे अनेक नागरिकांना आपले प्राण गमवावे लागले आहेत. वनविभागाला या बिबट्यांवर नियंत्रण मिळवण्यात आलेले अपयश नागरिकांच्या संतापाला कारण ठरत असल्याचे बोलले जात आहे. अश्यातच २ डिसेंबर रोजी पारनेर तालुक्यातील किन्ही गावात बिबट्याच्या हल्ल्यात वृद्ध भागुबाई खोदडे यांचा मृत्यू झाला. या धक्कादायक घटनेमुळे किन्हीसह परिसरातील ग्रामस्थांमध्ये भीतीचे वातावरण पसरले आहे. विशेष म्हणजे, या हल्ल्याला एक आठवडा उलटूनही वनविभागाने कोणतीही ठोस कारवाई केली नाही. वनविभागाच्या या निष्क्रियतेमुळे संतप्त झालेल्या ग्रामस्थांनी आज अहिल्यानगर - कल्याण महामार्गावर तब्बल एक तासाहून अधिक काळ रस्ता रोको आंदोलन केले. ग्रामस्थांनी वनविभागाला स्पष्ट इशारा दिला आहे की, दिवंगत खोदडे यांच्या कुटुंबाला दशक्रिया विधीपूर्वी मदत न मिळाल्यास, दशक्रिया विधी थेट वनविभागाच्या कार्यालयात करणार असल्याचे सांगितले आहे..

08 Dec 2025 04:25 PM (IST)

उरणचा १२ वर्षीय जलतरणपटूने रचला इतिहास

उरणचा १२ वर्षीय जलतरणपटू मयंक म्हात्रेने पुन्हा एक नवा इतिहास रचला आहे. भाऊचा धक्का ते करंजा जेट्टी हे तब्बल २४ किलोमीटर अंतर त्याने केवळ ७ तास २१ मिनिटे ६ सेकंदात पोहत पार करत अनोखा विक्रम स्थापित केला.मयंक या प्रवाहाला पोहत पार करणारा पहिला जलतरणपटू ठरला असून याआधीही त्याने धरमतर ते करंजा आणि घारापुरी ते करंजा असे दोन समुद्री प्रवाह प्रथमच पोहत पार केले आहेत. सलग तीन वर्षांत तीन वेगवेगळे प्रवाह पार करून मयंकने दुर्मीळ कामगिरी बजावली आहे.

08 Dec 2025 04:20 PM (IST)

रत्नागिरी लोहमार्ग पोलिसांची उत्तम कामगिरी

कोकण रेल्वे मार्गांवर गेल्या अनेक दिवसांपासून चोऱ्यांचे प्रमाण वाढले होते. या चोऱ्या जास्त करून रात्रीच्या वेळी प्रवाशी झोपेत असताना या चोऱ्या झाल्या होत्या त्याच्या तक्रारीहि रत्नागिरी पोलीस स्टेशनला दाखल होत्या मात्र या चोऱ्यांवर लक्ष घालणे रत्नागिरी पोलिसांना शक्य नसल्याने रत्नागिरी रेल्वे स्टेशनंला स्वातंत्र्य लोहमार्ग पोलीस स्टेशनं स्थापन झाले असून त्यांच्याकडून या चोऱ्यांचा तपास सुरु करण्यात आला त्यात त्यांना यशहि आले यामध्ये ऑगस्ट ते नोव्हेंबर पर्यंत ८ चोऱ्यांच्या तक्रारी दाखल होत्या या चोऱ्यांच्या तपासा दरम्यान एका आरोपीला अटक करण्यात आली असून साधारणतः ५ लाखापर्यंत मुद्देमाल हस्तगत करण्यात आला आहे. पोलिसांनी ताब्यात घेतलेल्या आरोपीची कसून चौकशी सुरु असल्याचे लोहमार्ग पोलिसांनी सांगितले त्याचे तीन साथीदार सध्या फरार असल्याचे देखील पोलिसांनी सांगितले.

08 Dec 2025 04:15 PM (IST)

मीरा-भाईंदरमध्ये एचडीएफसी बँकेचा गोंधळ!

भाजपाचे माजी नगरसेवक अरविंद शेट्टी यांच्या बँक खात्यातून तब्बल ४ लाख ९० हजार रुपये अनधिकृतरीत्या डेबिट झाल्याचा धक्कादायक प्रकार समोर आला आहे. मिरा रोड येथील सिल्वर पार्क शाखेत हा प्रकार उघडकीस आल्याने परिसरात मोठी खळबळ उडाली आहे. शेट्टी यांच्या म्हणण्यानुसार, त्यांच्या बँक खात्यातून काही संशयास्पद व्यवहार झाले असून, संबंधित व्यवहारांसाठी त्यांना कोणतीही पूर्वसूचना किंवा ओटीपी मिळालेला नाही. घटनेची माहिती मिळताच त्यांनी तत्काळ शाखा व्यवस्थापकांशी संपर्क साधून तक्रार दाखल केली आहे.

08 Dec 2025 04:10 PM (IST)

एमपीएससी गट ब पूर्व परीक्षा चार जानेवारीला

राज्य लोकसेवा आयोगाकडून 21 डिसेंबरला गट ब संयुक्त पूर्व परीक्षा घेतली जाणार होती. मात्र, याच दिवशी नगरपंचायत आणि नगरपालिकांचे निकला जाहीर होत असल्याने पूर्व परीक्षा पुढे ढकलली आहे. आता चार जानेवारीला ही परीक्षा होणार आहे.

08 Dec 2025 04:05 PM (IST)

माझी नार्कोटेस्ट करा आणि धनंजय मुंडेंची पण करा- जरांगे पाटील

माझे संरक्षण करण्यासाठी माझा समाज सक्षम आहे.तू ये कधीही मैदानात, मनोज जरांगे पाटील यांचे धनजंय मुंडेना आव्हान दिलं आहे.नोंदी आणि प्रमाणपत्र देण्याचे काम थांबविले असून,फडणवीस यांना कोणी सांगितले. यात काही अधिकारी जाणीवपूर्वक असे करत आहेत.धनंजय मुंडे सारख्या क्रूर माणसाला फडणवीस पोसत आहेत. पूर्वी सारखे फडणवीस राहिले नाहीत.आता ते बलात्कारी, दरोडेखोर लोकांना सोबत घेऊन चालत आहेतहे त्यांना आणि त्यांच्या पक्षाला योग्य नाही.नाशिक मधील तपोवन वनातल एकही झाड तोडणे चुकीचे आहे.जे माझ्यावर टीका करतात त्यांना एक दिवस त्यांची जागा दिसेल, असं जरांगे पाटील म्हणाले आहेत.

08 Dec 2025 03:50 PM (IST)

कोकणाची जादू मोठ्या पडद्यावर! निसर्ग, संस्कृती आणि भावना गुंफणारा ‘कैरी’ चित्रपट ‘या’ दिवशी होणार रिलीज

कोकणचे सौंदर्य म्हणजे फक्त निसर्गरम्य दृश्ये, रंग, सुगंध किंवा नितळ वातावरण नव्हे, तर त्या म्हणजे भावना आहेत.त्या भावनांमध्ये दडलेली प्रत्येक जादू ही सिनेमॅटिक, मोहक आणि आत्म्याला स्पर्श करणारी आह. अशा सुंदर सिनेमॅटिक शॉट्सचं एक परिपूर्ण असं मिश्रण आगामी ‘कैरी’ या मराठी सिनेमातून प्रेक्षकांच्या भेटीस येणार आहे. कोकण ही एक जिवंत कथा आहे आणि तिच्यात सामावलेली एक अशी जादू जी पाहणाऱ्याच्या मनात नेहमीच घर करून राहते याचं सुंदर असं वर्णन ‘कैरी’ या सिनेमात करण्यात आलं आहे.

08 Dec 2025 03:45 PM (IST)

मराठा नेते मनोज जरांगे पाटील यांच्या हत्येचा प्रयत्न? मुंडेंनी 2 कोटींची सुपारी दिली असल्याचा केला दावा

: मराठा नेते मनोज जरांगे पाटील हे अनेकदा अजित पवार गटाचे आमदार धनंजय मुंडे यांच्यावर गंभीर आरोप करत असतात. मनोज जरांगे पाटील यांनी मराठा समाजाला ओबीसी अंतर्गत आरक्षण मिळावे म्हणून अनेक आंदोलन आणि उपोषण केली आहेत. तसेच जरांगे पाटील यांनी सत्ताधारी महायुतीबाबत अनेक वादग्रस्त विधाने केली आहेत. यानंतर आता जरांगे पाटील यांनी त्यांच्या हत्येचा प्रयत्न झाला असल्याचा गंभीर आरोप केला आहेत. तसेच जरांगे पाटील यांनी स्पष्टपणे धनंजय मुंडे यांचे नाव घेतल्यामुळे राजकीय वर्तुळामध्ये एकच वाद निर्माण झाला.

08 Dec 2025 03:40 PM (IST)

हिवाळ्यात आजारांपासून होईल शरीराचे रक्षण, सकाळच्या नाश्त्यात प्या हेल्दी टेस्टी Garlic Vegetable Soup

थंडीच्या दिवसांमध्ये शरीराला उष्णतेची आवश्यक असते. कारण वातावरणात असलेल्या गारव्याचा परिणाम आरोग्यावर लगेच दिसून येतो. सर्दी, खोकला, ताप इत्यादी साथीच्या आजारांची लागण झाल्यानंतर संपूर्ण आरोग्य बिघडून जाते. याशिवाय वारंवार आजारी पडल्यामुळे रोगप्रतिकारशक्ती कमकुवत होण्यासोबतच शरीरात कायमच थकवा, अशक्तपणा जाणवू लागतो. अशावेळी कोणत्याही गोळ्या औषधांचे सेवन करण्याऐवजी घरगुती पदार्थांचे सेवन करून शरीराची ऊर्जा वाढवावी.

08 Dec 2025 03:35 PM (IST)

ऑस्ट्रेलियाच्या जंगलाला लागली भीषण आग ; अनेक घरे जळून खाक, १चा मृत्यू

कॅनबेरा : ऑस्ट्रेलियाच्या (Australia) जंगलाला भीषण आग लागली असून या आगीने रौद्ररुप धारण केले आहे. या आगीमुळे सामान्य लोकांचे जनजीवन विस्कळीत झाले आहे. तसेच अनेकांची घरे जळून खाक झाली आहे. ऑस्ट्रेलियाच्या दोन राज्यांमध्ये ही आग पसरली आहे. सध्या परिस्थिती बिकट होत चालली आहे.

08 Dec 2025 03:30 PM (IST)

पुतिनचा त्सुनामी बॉम्ब! ‘Poseidon’ वाहून नेणाऱ्या अदृश्य पाणबुडीने NATO हादरला; लगेच ब्रिटनची प्रत्युत्तरात्मक खेळी

: रशियाने (Russia) अलिकडेच समुद्रात ‘पोसायडॉन’ नावाच्या धोकादायक शस्त्राची चाचणी घेतल्याने पाश्चात्त्य राष्ट्रांमध्ये मोठी खळबळ उडाली आहे. हे शस्त्र केवळ एक ड्रोन टॉर्पेडो नाही, तर ते किरणोत्सर्गी त्सुनामी (Radioactive Tsunami) निर्माण करण्याची क्षमता ठेवते. या शस्त्राचा धोका वाढवणारी सर्वात मोठी गोष्ट म्हणजे हे शस्त्र वाहून नेणारी रशियाची नवीन पाणबुडी: ‘खाबारोव्स्क’ (Khabarovsk Submarine).

08 Dec 2025 03:25 PM (IST)

‘धुरंधर’ने बॉक्स ऑफिसवर केला कल्ला; तीन दिवसांत मोडले ७ चित्रपटांचे रेकॉर्डस्

“धुरंधर” ने भारतीय बॉक्स ऑफिसवर खळबळ उडवून दिली आहे. रणवीर सिंग आणि आदित्य धर अभिनीत हा स्पाय ॲक्शन थ्रिलर चित्रपट अपेक्षेपेक्षा जास्त कामगिरी करत आहे. मनोरंजक म्हणजे, या चित्रपटाने रिलीजच्या पहिल्या तीन दिवसांतच मोठी कमाई केली नाही तर अनेक विक्रमही मोडले आहेत. रिलीजच्या पहिल्या तीन दिवसांत चित्रपटाने किती चित्रपटाचे रेकॉर्डस् मोडले आहेत जाणून घेऊयात.

08 Dec 2025 03:20 PM (IST)

रेवस-करंजा रो-रो सेवा पुन्हा चर्चेत! प्रकल्प पुन्हा कार्यान्वित करण्याच्या हालचालींना वेग

उरण तालुक्यातील अत्यंत महत्त्वाकांक्षी रेवस-करंजा रो-रो सेवा प्रकल्प पुन्हा एकदा चर्चेत आला आहे. अनेक वर्षे रखडलेला हा प्रकल्प आता पुन्हा कार्यान्वित करण्याच्या हालचालींना वेग आला असून या निर्णयाबाबत स्थानिक नागरिकांमध्ये मिश्र प्रतिक्रिया उमटत आहेत. कारण, या मार्गावर करंजा-रेवस पुलाचे काम प्रत्यक्षात सुरू झालेले असताना, त्याच मार्गावर पुन्हा रो-रो सेवा सुरू करणे कितपत गरजेचे आहे, असा प्रश्न उपस्थित होत आहे.

08 Dec 2025 03:15 PM (IST)

‘भारत सरकारचे खेळांवर लक्ष…’ FIH चे अध्यक्ष तय्यब इकराम यांचे प्रतिपादन

भारत २०३० मध्ये होणाऱ्या राष्ट्रकुल स्पर्धेचे आयोजन करण्यात येणार आहे. या पार्श्वभूमीवर, २०३० मध्ये भारताने आयोजित केलेल्या राष्ट्रकुल स्पर्धेत हॉकी हा खेळ जोरदार पुनरागमन करणार असा दावा करून, आंतरराष्ट्रीय हॉकी महासंघाचे अध्यक्ष तय्यब इकराम म्हणाले की, भारत सरकारचे क्रीडा क्षेत्रावर लक्ष केंद्रित असल्याने, ऑलिंपिकचे आयोजन करणे हे दूरचे स्वप्न नाही. भारताला दोन दशकांनंतर राष्ट्रकुल क्रीडा स्पर्धेचे यजमानपद देण्यात आले आहे, जे २०३० मध्ये अहमदाबाद येथे होणार आहे, जे २०३६ च्या ऑलिंपिकसाठी भारताच्या दाव्याला बळकटी देण्यासाठी एक महत्त्वाचे पाऊल मानले जाते.

08 Dec 2025 03:10 PM (IST)

वेतन वाढ रोखली, शरीरसुखाची मागणी केली, छळाला कंटाळून परिचारिकेचा आत्महत्येचा प्रयत्न; प्रकरण काय?

गडचिरोली जिल्ह्यात आरोग्य विभागात काम करणाऱ्या एका परिचारिकेने आत्महत्येचा प्रयत्न केल्याचा धक्कादायक प्रकरण समोर आला आहे. दोन वर्षांपासून होणाऱ्या छळाला कंटाळून तिने आत्महत्या करण्याचा निर्णय घेतला. तिची वेतनवाढ मुद्दाम रोखून ठेवली, तिच्याकडून सतत शरीर सुखाची मागणी करण्यात येत होती असा गंभीर आरोप तिने वैद्यकीय अधिकाऱ्यावर केला आहे. ६ डिसेंबरच्या सायंकाळी या दबावाला कंटाळून तिने विष प्राशन करून टोकाचे पाऊल उचलले. मात्र सुदैवाने ती बचावली. या घटनेने संपूर्ण जिल्ह्यात खळबळ उडाली आहे.

08 Dec 2025 03:02 PM (IST)

महाराष्ट्र फिरायचाय? मग ‘लालपरी’ आहे ना! आवडेल तिथे प्रवास योजना स्वस्त; पास रक्कम वाचून…

महाराष्ट्र राज्य मार्ग परिवहन महामंडळाने (MSRTC) आवडेल तेथे प्रवास योजना सुरू केली. मध्यंतरी एसटीची भाडेवाढ तसेच या योजनेचे दर वाढल्यामुळे प्रवाशांची कमी पैशात महाराष्ट्र भ्रमंतीची संख्या घटली होती. याचाच विचार करून परिवहन महामंडळाने एसटीची आवडेल तेथे प्रवास योजना आणखी स्वस्त केली आहे. आता पुन्हा एकदा ४ ते ७ दिवसांच्या पासेसमध्ये दर कमी केले आहेत, ५०० ते १००० रुपयांची सवलत देण्यात आली आहे. त्यामुळे कोकणसह राज्यभरातील जे फिरस्ता, पर्यटक, व्यापारी, विद्यार्थी आहेत त्यांनी या सवलतीचा लाभ घेऊन महाराष्ट्रात भ्रमंती करण्याची नवी संधी महामंडळांनी निर्माण करून दिली आहे.

08 Dec 2025 02:50 PM (IST)

नगरपरिषद निवडणुकीचा निकाल 21 डिसेंबरला; पंढरपुरमधील उमेदवारांची धाकधूक वाढली

पंढरपूर/ नवनाथ खिलारे : नगरपरिषद निवडणुकीत नगराध्यक्ष पदासह 37 नगरसेवकांची निवड करण्यासाठी मतदारांनी लोकशाहीचा सण साजरा करताना उस्फुर्त प्रतिसाद दर्शवला. पंढरपूर शहरात एकुण ९४ हजार ५५९ मतदारांपैकी ६०८४१ हजार ३१०५६ पुरुष व २९ हजार ७७७ स्त्री व इतर ८ असे एकूण ६० हजार ८४१ मतदारांनी मतदानाचा हक्क बजावत आपली जबाबदारी पार पाडली. परंतु निवडणूक आयोगाने २ डिसेंबर रोजी पार पडलेल्या या मतदानाच्या निकालाची तारीख ३ डिसेंबरवरून २१ डिसेंबर केल्याने उमेदवारांचे टेंशन वाढले आहे.

08 Dec 2025 02:45 PM (IST)

गोलंदाज की फलंदाज कटकच्या खेळपट्टीवर कोणाची चालणार मनमानी?

India vs South africa 1st Match Pitch Report : भारत आणि दक्षिण आफ्रिका यांच्यातील पाच सामन्यांच्या T20 मालिकेतील पहिला सामना मंगळवार, 9 डिसेंबर रोजी कटकमधील बाराबती स्टेडियमवर खेळला जाईल. एकदिवसीय मालिका 2-1 ने जिंकल्यानंतर, भारतीय संघ T20 मालिकेतही विजयी सुरुवात करण्याचा प्रयत्न करेल. दरम्यान, पाहुणा संघ एकदिवसीय मालिकेतील पराभवाचा बदला घेण्याचा प्रयत्न करेल. सुर्यकुमार यादवकडे भारतीय संघाची कमान आहे.

08 Dec 2025 02:41 PM (IST)

“हळूहळू आयुष्याचे तुकडे…”, Dharmendra यांच्या वाढदिवसानिमित्त हेमा मालिनी यांचे भावनिक पत्र

दरवर्षी ८ डिसेंबर हा दिवस धर्मेंद्र यांच्या प्रियजनांसाठी आणि चाहत्यांसाठी खूप खास होता. या दिवशी कुटुंब त्यांच्या वाढदिवसाच्या तयारीत व्यस्त असायचे. पण यावर्षी त्या आनंदाचे रूपांतर दुःखात झाले आहे आणि त्यांच्याशिवाय त्यांचे कुटुंब त्यांचा वाढदिवस साजरा करण्याची ही पहिलीच वेळ आहे. धर्मेंद्र यांच्या ९० व्या वाढदिवशी त्यांना आठवण करून देत हेमा मालिनी यांनी त्यांना एक लांब, भावनिक पत्र लिहिले.

08 Dec 2025 02:29 PM (IST)

Dhurandhar Collection: 'धुरंधर'ने बॉक्स ऑफिसवर केला कल्ला; तीन दिवसांत मोडले ७ चित्रपटांचे रेकॉर्डस्

"धुरंधर" ने भारतीय बॉक्स ऑफिसवर खळबळ उडवून दिली आहे. रणवीर सिंग आणि आदित्य धर अभिनीत हा स्पाय ॲक्शन थ्रिलर चित्रपट अपेक्षेपेक्षा जास्त कामगिरी करत आहे. मनोरंजक म्हणजे, या चित्रपटाने रिलीजच्या पहिल्या तीन दिवसांतच मोठी कमाई केली नाही तर अनेक विक्रमही मोडले आहेत. रिलीजच्या पहिल्या तीन दिवसांत चित्रपटाने किती चित्रपटाचे रेकॉर्डस् मोडले आहेत जाणून घेऊयात.

08 Dec 2025 02:10 PM (IST)

शेअर बाजार लाल निशाणावर! इंडिगोला मोठा धक्का

आठवड्याच्या सुरुवातीलाच शेअर बाजार घसरल्याचे दिसून आले. बीएसई सेन्सेक्स आणि एनएसई निफ्टी हे दोन्ही प्रमुख निर्देशांक लाल रंगात व्यवहार करत होते. फेडरल रिझर्व्हच्या बैठकीपूर्वी भारतातील इक्विटी बेंचमार्क कमी उघडले, तर देशातील सर्वात मोठी एअरलाइन इंडिगोची ऑपरेटर इंटरग्लोब एव्हिएशनमध्ये घसरण झाली. गेल्या आठवड्यात नियामक (डीजीसीए) ने शेकडो उड्डाणे रद्द करण्याचा इशारा दिल्यानंतर कंपनीचे शेअर्स घसरले. आज सकाळी ९:१५ वाजेपर्यंत, निफ्टी ५० आणि बीएसई सेन्सेक्स अनुक्रमे ०.१% घसरून २६,१५९.८० आणि ८५,६२४.८४ वर व्यवहार करत होते. १६ प्रमुख क्षेत्रांपैकी दहा क्षेत्रांमध्ये घसरण झाली.

08 Dec 2025 01:55 PM (IST)

पुण्यातील इंदिरा विद्यापीठ आणि MIT आर्ट, डिझाईन अँड टेक्नॉलॉजी विद्यापीठाशी केली फिलिप्सची भागीदारी

फिलिप्स यांनी पुण्यातील इंदिरा विद्यापीठ आणि एमआयटी आर्ट, डिझाईन अँड टेक्नॉलॉजी विद्यापीठासोबत शैक्षणिक भागीदारीची घोषणा केली आहे. या अंतर्गत त्यांच्या पदवी अभियांत्रिकी आणि पहिल्या वर्षाच्या एमबीए अभ्यासक्रमात सर्वसमावेशक प्रोजेक्ट मॅनेजमेंट स्पेशलायझेशन सुरू केले जाणार आहे. या उपक्रमाचा शुभारंभ दोन्ही कॅम्पसमध्ये करण्यात आला.या उपक्रमामुळे तांत्रिक शिक्षणातील महत्त्वाची पोकळी भरून निघणार आहे. प्रोजेक्ट मॅनेजमेंट स्पेशलायझेशनची मागणी सातत्याने वाढत असतानाही सध्या फारच कमी संस्थांकडे हा अभ्यासक्रम उपलब्ध आहे, ज्यामुळे कुशल प्रोजेक्ट मॅनेजमेंट इंटर्न्स आणि करिअरच्या सुरुवातीच्या टप्प्यातील व्यावसायिकांची गरज पूर्ण होत नाही.

08 Dec 2025 01:48 PM (IST)

५०० कोटींची ‘सुटकेस’ दिली तरच मुख्यमंत्रीपद? काँग्रेसवर कोणी केले गंभीर आरोप

कर्नाटकमध्ये मुख्यमंत्री पदासाठी रस्सीखेच सुरू असतानाच आता पंजाबच्या राजकीय वर्तुळातून एक खळबळजनक विधान समोर आले आहे. पंजाबच्या एका बड्या नेत्याच्या पत्नीने   मुख्यमंत्रीपदावर बसण्यासाठी ५०० कोटींची मागणी केल्याचा खळबळजनक आरोप केला आहे. काँग्रेस नेते नवज्योत सिंग सिद्धू यांच्या पत्नी नवज्योत कौर सिद्धू यांनी काँग्रेस नेतृत्त्वावर “मुख्यमंत्रीपदासाठी ५०० कोटींची सुटकेस” मागितल्याचा आरोप केला आहे. त्यांच्या या आरोपांमुळे काँग्रेसमधील अंतर्गत कलह पुन्हा उफाळून आला आहे.

08 Dec 2025 01:42 PM (IST)

वंदे मातरम् वरुन संसदेमध्ये होणार तब्बल 10 तास चर्चा

संसदेमध्ये सध्या हिवाळी अधिवेशन सुरु आहे. यंदाच्या हिवाळी अधिवेशनामध्ये (Winter Session) दिल्ली दहशतवादी हल्ला, देशाची सुरक्षा अशा अनेक महत्त्वाच्या मुद्द्यावर चर्चा होणार आहे. पण त्याचबरोबर वंदे मातरम या गीतावर संसदेमध्ये 10 तास चर्चा केली जाणार आहे. “वंदे मातरम्” च्या १५० व्या वर्धापन दिनानिमित्त ही चर्चा केली जाणार आहे. आज (दि.08) पंतप्रधान नरेंद्र मोदी (PM Narendra Modi) लोकसभेत “वंदे मातरम्” च्या चर्चेला सुरुवात होणार आहे.

08 Dec 2025 01:35 PM (IST)

मुंबईत पहिला बालसाहित्य महोत्सव, ब्रेनोलॉजी आणि ब्रुकफील्ड प्रॉपर्टीजची भागीदारी

ब्रेनोलॉजी, एक अर्ली लर्निंग प्रकाशक, आणि ब्रुकफील्ड प्रॉपर्टीज, एक आंतरराष्ट्रीय हाय-क्वालिटी प्रॉपर्टी डेव्हलपर, यांच्या संयुक्त विद्यमाने मुंबईतील पहिला बालसाहित्य महोत्सव — स्टोरीज बाय द लेक — प्रूडेंशियल पोडियम, लेव्हल १, डाउनटाउन पवई येथे यशस्वीपणे पार पडला. मुलं, पालक, शिक्षक आणि साहित्यप्रेमी मोठ्या उत्साहाने सहभागी झाले. या महोत्सवाचे उद्घाटन ब्रेनोलॉजीच्या सह-संस्थापिका व लेखिका शुभदा दयाळ, डॉ. शीतल कपूर, तसेच बुक्सबारिस्ता4यूच्या स्थापक हर्षिल शाह यांनी केले. संपूर्ण दिवस कथा, कल्पना आणि कौटुंबिक शिक्षणासाठी समर्पित होता.

08 Dec 2025 01:25 PM (IST)

नाशिकच्या तपोवनासाठी सयाजी शिंदेंनी गाठली मुंबई; मनसे नेते राज ठाकरेंची घेतली भेट

राज्यामध्ये पर्यावरण प्रेमी आक्रमक झाल्याचे दिसून येत आहे. नाशिकमध्ये (Nashik News) यंदा सिंहस्थ कुंभमेळा होणार आहे. या कुंभमेळ्याच्या तयारीसाठी महायुतीकडून जोरदार तयारी केली जात आहे. दरम्यान, तपोवनासाठी प्रशासनाकडून झाडांची कत्तल करण्याचे ठरवण्यात आले. यावरुन पर्यावरण प्रेमी आणि अभिनेत्यांनी आक्रमक भूमिका घेतली आहे. यासाठी सामाजिक कार्यकर्ते आणि अभिनेते सयाजी शिंदे यांनी सरकारवर निशाणा साधला. नाशिकची ही झाडे वाचवण्यासाठी आता सजायी शिंदे यांनी मुंबई गाठली.

08 Dec 2025 01:15 PM (IST)

Goa Nightclub Fire प्रकरणी मोठी कारवाई

गोव्यातील लोकप्रिय पार्टी स्थळ, बिर्च बाय रोमियो लेन येथे शनिवारी (6 डिसेंबर) रात्री लागलेल्या भीषण आगीनंतर राज्य सरकारने कठोर भूमिका घेतली आहे. या प्रकरणी तीन वरिष्ठ अधिकाऱ्यांना तात्काळ निलंबित करण्यात आले. मुख्यमंत्री प्रमोद सावंत यांनी २०२३ मध्ये नाईट क्लब उघडण्यासाठी परवानगी देण्यात आणि आवश्यक औपचारिकता पूर्ण करण्यात सहभागी असलेल्या अधिकाऱ्यांविरुद्ध ही कारवाई केली.

08 Dec 2025 01:02 PM (IST)

फिनालेमध्ये धर्मेंद्रची आठवण काढल्यानंतर सलमान खानचे अश्रू अनावर

बिग बॉस १९” चा ग्रँड फिनाले काल पार पडला आणि या शोचा 19 व्या सिझनचा विजेता गौरव खन्ना याला घोषित करण्यात आले आहे. सोशल मिडियावर या ग्रॅन्ड फिनालेचे व्हिडिओ आणि फोटो सध्या सोशल मिडियावर मोठ्या प्रमाणात व्हायरल होत आहे. सलमान खानने काल घरातल्या स्पर्धकांची खिल्ली उडवली तर काही स्पर्धकांची कौतुक केले. “बिग बॉस १९” च्या ग्रँड फिनाले दरम्यान, शोचा होस्ट सलमान खान भावुक झाला. त्याने घरातील सदस्यांना सांगितले की हिंदी चित्रपटसृष्टीतील ही-मॅन धर्मेंद्र आता या जगात राहिले नाहीत.

08 Dec 2025 01:00 PM (IST)

हवालदारानेच केले महिलेवर लैंगिक अत्याचार

पालघरमधील कासा पोलीस ठाण्यात चौकशीसाठी बोलवलेल्या महिलेवर हवालदार शरद बोगाडे यांनी लैंगिक अत्याचार केला. आरोपी ताब्यात घेतला गेला, गुन्हा दाखल, पोलीस निरीक्षक बदली; तपास सुरू आहे.

08 Dec 2025 12:50 PM (IST)

इंडिगो, लुफ्थांसा आणि ब्रिटिश एअरवेजच्या विमानांना बॉम्ब स्फोटाची धमकी

Indigo flight bomb threat- दोन दिवसांपूर्वीदेखील (६ डिसेंबर) लंडन हीथ्रोहून हैदराबादकडे येणाऱ्या BA277 या उड्डाणाला बॉम्ब धमकीचा ईमेल मिळाला होता. सकाळी ५:२५ वाजता विमान सुरक्षितपणे हैदराबादला उतरले.

08 Dec 2025 12:40 PM (IST)

दिवाणजीचे अपहरण, मदतीला गेलेल्या कंत्राटदाराची नक्षलवाद्यांकडून गळा चिरून हत्या

छत्तीसगडमध्ये नक्षलवाद्यांनी दिवाणजीचे अपहरण केले. त्यांना वाचवण्यासाठी गेलेल्या कंत्राटदारावर नक्षलवाद्यांनी हल्ला करून त्याचा गळा चिरून खून केला. परिसरात भीतीचं वातावरण, पोलिसांनी तपास सुरू केला.

08 Dec 2025 12:30 PM (IST)

पोलीस नाईक निखिल रणदिवे बेपत्ता; लेकीच्या वाढदिवसाला भावनिक स्टेटस

पुण्यातील यवत पोलीस ठाण्याचे निखिल रणदिवे 5 डिसेंबरपासून बेपत्ता. वरिष्ठांकडून मानसिक छळ, रजा नकार व बदली रोखल्याचा आरोप. सोशल मीडियावर पोस्ट व सुसाईड नोट पाठवल्यानंतर संपर्क तुटला. शोधासाठी 5 पथके तयार, तपास सुरू.

08 Dec 2025 12:20 PM (IST)

122 गुंठ्यातील गांजाची शेती जाळून नष्ट

धुळे जिल्ह्यातील जामन्या पाणी गावात वनहद्दीत 122 गुंठ्यातील 2,125 किलो गांजा नष्ट करून 1.06 कोटींचा मुद्देमाल जाळला. नांदेडच्या किनवट परिसरात तुरीच्या शेतातून 45 किलो गांजा जप्त, एकाला ताब्यात; पोलिसांचा पुढील तपास सुरू.

08 Dec 2025 12:10 PM (IST)

गायब पोलीस कर्मचारी निखिल रणदिवे यांच्या पत्नीची विनंती

माझे पती गेल्या तीन दिवसांपासून बेपत्ता आहेत. त्यांचा फोन बंद आहे. माझ्या दोन लहान मुलांकडे बघा… मला माझा नवरा परत द्या.” अशी ह्रदयाला चटका लावणारी विनंती बेपत्ता पोलीस कर्मचारी निखिल कैलास रणदिवे यांच्या पत्नी अक्षदा रणदिवे यांनी दौंडचे उपविभागीय पोलीस अधिकारी बापूराव दडस यांच्या समोर केली आहे.

08 Dec 2025 12:02 PM (IST)

अधिवेशनात वातावरण तापणार की नाही हे वेळच ठरवेल - अजित पवार

नागपूरात नेहमीप्रमाणे खूप थंडी पडली आहे. पण अधिवेशनात वातावरण तापणार की नाही हे वेळच ठरवेल असे सूचक विधान उपमुख्यमंत्री अजित पवार यांनी केले. त्यांच्या या वक्तव्यामुळे राजकीय वर्तुळामध्ये चर्चांना उधाण आले.

08 Dec 2025 11:55 AM (IST)

भास्कर जाधवांना विरोधी पक्षनेते पद मिळणार नाही - उदय सामंत

भास्कर जाधव हे आक्रमक नेते आहेत. विधानसभा व परिषदेचा त्यांना दांडगा अनुभव आहे. अशा आक्रमक नेत्याला शांत करण्यासाठी उबाठानं त्यांना फक्त विरोधी पक्षनेत्याचं पत्र देऊन ठेवलं होतं. पण जेव्हा खरी वेळ येईल, तेव्हा त्यांनाच विरोधी पक्षनेतेपद दिलं जाईल, असं मला वाटत नाही, असे उद्योग मंत्री उदय सामंत म्हणाले आहेत.

08 Dec 2025 11:45 AM (IST)

सप्तश्रृंगी गडावरील अपघातातील मृतांच्या वारसांना 5 लाखांची मदत जाहीर

नाशिकच्या  सप्तश्रृंगी गडावरून एक वाहन कोसळून 6 भाविकांचा मृत्यू झाला. या अपघातातील मृतांच्या वारसांना मुख्यमंत्री फडणवीसांनी मदत जाहीर केली. मुख्यमंत्री फडणवीस म्हणाले की, ही घटना अतिशय दुर्दैवी आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबीयांच्या दुःखात आम्ही सहभागी आहोत. मृतदेह बाहेर काढण्यासाठी मदतकार्य सुरू असून संपूर्ण यंत्रणा तेथे सज्ज ठेवण्यात आली आहे. या भाविकांच्या वारसांना 5 लाख रुपयांचे आर्थिक सहाय्य राज्य सरकारच्या वतीने देण्यात येईल.

08 Dec 2025 11:35 AM (IST)

आम्ही शिंदे व अजित पवारांच्याही आधीपासून भाजपाचे मित्र - रामदास आठवले

रिपाई अध्यक्ष रामदास आठवले म्हणाले की, "कल्याण-डोंबिवलीतील भाजपा-सेनेचा वाद वाढला असला, तरी निवडणूक जवळ आल्‌यानंतर तो कमी होऊ शकतो. निवडणुकीआधी युती झाली नाही, तरी निवडणुकीनंतर आम्ही एकत्र येणार, शिंदेगट व अजित पवार गट भाजपासोबत येण्याच्याही आधीपासून रिपाई प्रामाणिकपणे भाजपासोबत आहे"

08 Dec 2025 11:26 AM (IST)

अधिवेशनाच्या तोंडावर शिंदे-फडणवीसांचा एकत्र प्रवास

राज्याचे हिवाळी अधिवेशन आजपासून सुरु झाले आहे. स्थानिक स्वराज्य संस्थांच्या प्रचारावेळी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यामध्ये नाराजीनाट्य सुरु होते. यानंतर आता मात्र अधिवेशनाच्या तोंडावर शिंदे-फडणवीसांनी एकत्र प्रवास केला. यामुळे दोन्ही नेत्यांमध्ये मनोमीलन झाल्याचे बोलले जात आहे.