Maharashtra Breaking News Updates Today: क्रिकेटपटू रिंकू सिंगच्या वडिलांचे निधन

27 Feb 2026 12:30 PM (IST)

कोणता Samsung ईयरबड तुमच्यासाठी ठरणार बेस्ट ऑप्शन? वाचा डिव्हाईसच्या फीचर्समधील फरक

सॅमसंगने आयोजित केलेल्या ईव्हेंटमध्ये नव्या स्मार्टफोन सिरीजसोबतच Galaxy Buds 4 आणि Galaxy Buds 4 Pro देखील लाँच केले आहेत. दोन्ही मॉडेल्सचे डिझाईन, ऑडिओ आणि फीचर्स अपग्रेड आहेत. प्रो व्हेरिअंट बेस व्हेरिअंटपेक्षा जास्त फीचर्सने सुसज्ज आहे. या दोन्हीपैकी कोणते ईअरबड्स खरेदी करावे, यामध्ये तुम्ही गोंधळला आहात का? ही बातमी तुमचा गोंधळ दूर करू शकते. आता आम्ही तुम्हाला दोन्ही ईअरबड्सचे फीचर्स आणि स्पेसिफिकेशन्स सांगणार आहोत. ज्यामुळे तुम्ही तुमच्या सोयीनुसार डिव्हाईस खरेदी करू शकणार आहात.

27 Feb 2026 12:25 PM (IST)

तालिबानचा ‘सुप्रीम लीडर’ संपला? पाकिस्तानच्या ऑपरेशन गझ्ब-लिल-हकने कंधारमध्ये माजवला हाहाकार

पाकिस्तानने अफगाणिस्तानातील टीटीपीच्या ठिकाणांवर हवाई हल्ले केले. तालिबानचा सर्वोच्च नेता अखुंदजादा याला लक्ष्य करण्यात आले होते याची पुष्टी झालेली नाही; दोन्ही देशांनी लष्करी सहभागाची कबुली दिली.

27 Feb 2026 12:20 PM (IST)

पुणे बाजार समितीत नव्याने टेंडर झोल; उपसभापती सहीशिवाय निविदा नाहीच

सलग तीन अधिवेशनात गैरकारभाराचे वाभाडे निघत असतानाही पुणे कृषी उत्पन्न बाजार समितीमधील कारभाराला लगाम लागण्याची चिन्हे दिसत नाहीत. आता नव्याने काढलेल्या ई-निविदांमध्ये उपसभापती यांच्या स्वाक्षरीचा स्थळ पाहणी अहवाल अनिवार्य केल्याने टेंडर प्रक्रियेवरच प्रश्नचिन्ह निर्माण झाले आहे. ही अट ठराविक व मर्जीतल्या ठेकेदारांना लाभदायी ठरणार असल्याची जोरदार चर्चा बाजार वर्तुळात रंगली आहे.

27 Feb 2026 12:15 PM (IST)

21 वर्षीय युट्यूबरने संपवलं जीवन; भावनिक सुसाईड नोट सापडला; मूव्ह ऑन व्हायला भीती वाटते…

Hyderabadमध्ये 21 वर्षीय युट्यूबर बोनू कोमाली हिचा मृतदेह तिच्या फ्लॅटमध्ये आढळला. ब्रेकअपमुळे ती मानसिक तणावात असल्याची माहिती सुसाईड नोटमधून समोर आली. पोलिसांकडून फोन डेटा व सीसीटीव्हीच्या आधारे तपास सुरू आहे.

27 Feb 2026 12:10 PM (IST)

Jack Dorsey यांच्या Block Inc.चा मोठा निर्णय! AI मुळे ४,००० जणांची नोकरी धोक्यात

कृत्रिम बुद्धिमत्ता (AI) ही नोकरदार वर्गासाठी मोठी समस्या बनताना दिसत आहे. वाढत्या तंत्रज्ञानामुळे अनेकांच्या नोकऱ्या धोक्यात आल्या आहेत. ट्विटरचे माजी सीईओ जॅक डोर्सी यांची फिनटेक कंपनी, ब्लॉक इंक., कंपनीने देखील एआयमुळे त्यांचे कर्मचारी अर्धे केले आहेत. पूर्वी स्क्वेअर म्हणून ओळखल्या जाणाऱ्या ब्लॉक इंक. ने घोषणा केली आहे की ते सुमारे ४,००० कर्मचाऱ्यांना कामावरून काढून टाकत आहे. भविष्यात एआय यामध्ये मध्यवर्ती भूमिका बजावेल असे कंपनीचे मत आहे. जॅक डोर्सी यांच्या मते, भविष्यातील आव्हानांसाठी कंपनीला तयार करण्यासाठी आणि ती अधिक वेगवान बनवण्यासाठी हे पाऊल एक धोरणात्मक गुंतवणूक असल्याचे सांगितले.

27 Feb 2026 12:05 PM (IST)

मद्य घोटाळा प्रकरणात मोठी अपडेट! अरविंद केजरीवाल आणि मनीष सिसोदिया यांची निर्दोष मुक्तता, कोर्टात नेमकं काय घडलं

आम आदमी पक्षाचे राष्ट्रीय संयोजक आणि दिल्लीचे माजी मुख्यमंत्री अरविंद केजरीवाल आणि माजी उपमुख्यमंत्री मनीष सिसोदिया यांना दारू घोटाळ्यात मोठा दिलासा मिळाला आहे. न्यायालयाने दोघांनाही या प्रकरणातून निर्दोष मुक्तता केले आहे. न्यायालयाने म्हटले आहे की, त्यांच्याविरुद्ध कोणतेही पुरावे सापडले नाहीत. तसेच सीबीआयकडे त्यांच्यावर खटला चालवण्यासाठी पुरेसे पुरावे नव्हते. इतर आरोपींनाही निर्दोष मुक्त करण्यात आले.

27 Feb 2026 11:50 AM (IST)

Jack Dorsey यांच्या Block Inc.चा मोठा निर्णय! AI मुळे ४,००० जणांची नोकरी धोक्यात

 कृत्रिम बुद्धिमत्ता (AI) ही नोकरदार वर्गासाठी मोठी समस्या बनताना दिसत आहे. वाढत्या तंत्रज्ञानामुळे अनेकांच्या नोकऱ्या धोक्यात आल्या आहेत. ट्विटरचे माजी सीईओ जॅक डोर्सी यांची फिनटेक कंपनी, ब्लॉक इंक., कंपनीने देखील एआयमुळे त्यांचे कर्मचारी अर्धे केले आहेत. पूर्वी स्क्वेअर म्हणून ओळखल्या जाणाऱ्या ब्लॉक इंक. ने घोषणा केली आहे की ते सुमारे ४,००० कर्मचाऱ्यांना कामावरून काढून टाकत आहे. भविष्यात एआय यामध्ये मध्यवर्ती भूमिका बजावेल असे कंपनीचे मत आहे. जॅक डोर्सी यांच्या मते, भविष्यातील आव्हानांसाठी कंपनीला तयार करण्यासाठी आणि ती अधिक वेगवान बनवण्यासाठी हे पाऊल एक धोरणात्मक गुंतवणूक असल्याचे सांगितले.

27 Feb 2026 11:40 AM (IST)

अफगाणिस्तानने पाकिस्तानचे ‘F-16’ लढाऊ विमान पाडले; ड्युरंड रेषेवर महायुद्धाचा भडका

दक्षिण आशियातील रणांगण आता एका धोकादायक वळणावर येऊन ठेपले आहे. पाकिस्तान (Pakistan) आणि अफगाणिस्तान (तालिबान)(Afghanistan-Taliban Crisis) यांच्यातील संघर्ष आता केवळ सीमेपुरता मर्यादित न राहता थेट हवाई युद्धापर्यंत पोहोचला आहे. अफगाणिस्तानच्या ‘टोलो न्यूज’ने दिलेल्या एका धक्कादायक वृत्तानुसार, अफगाण सुरक्षा दलांनी त्यांच्या हवाई हद्दीचे उल्लंघन करणाऱ्या पाकिस्तानच्या एका एफ-१६ (F-16) लढाऊ विमानाला क्षेपणास्त्राने पाडले आहे. या विमानाचे जळते अवशेष पक्तिका प्रांतात पडल्याचे सांगण्यात येत असून, सोशल मीडियावर त्याचे थरारक व्हिडिओ वेगाने व्हायरल होत आहेत.

27 Feb 2026 11:30 AM (IST)

राज्यात ‘Love jihad’ विरोधात कडक कायदा येणार!रश्मी शुक्ला समितीचा अहवाल अंतिम टप्प्यात

महाराष्ट्रात लव्ह जिहाद कायदा लागू करण्याची तयारी सुरू आहे. राज्याच्या पोलिस महासंचालकांच्या अध्यक्षतेखालील समितीने दोन ते तीन बैठका घेतल्या आहेत. या बैठकांमध्ये लव्ह जिहाद कायद्याचा पहिला मसुदा कायदा आणि न्याय विभागाकडून तयार करण्यात आल्याची प्राथमिक माहिती समोर आली आहे.

मिळालेल्या माहितीनुसार, मुख्यमंत्री देवेंद्र फडणवीस यांनी २०२५ पर्यंत जबरदस्तीने धर्मांतर आणि ‘लव्ह जिहाद’ प्रकरणांविरुद्धच्या नवीन कायद्याच्या पैलूंचा अभ्यास करण्यासाठी तत्कालीन डीजीपी रश्मी शुक्ला यांच्या अध्यक्षतेखाली सात सदस्यांची समिती स्थापन केली. महाराष्ट्र सरकारने ‘लव्ह जिहाद’ आणि सक्तीच्या धर्मांतराच्या विरोधात नवीन कायद्याचा पहिला मसुदा तयार केला आहे. यासाठी कायदा आणि न्याय विभागाची मदत घेण्यात आली आहे.

27 Feb 2026 11:20 AM (IST)

बर्फ वितळतोय, घर हरवतंय! ध्रुवीय अस्वलांच्या अस्तित्वावर ‘ग्लोबल वॉर्मिंग’चा घाला

पांढरेशुभ्र केस, अवाढव्य शरीर आणि बर्फाळ प्रदेशाचा राजा अशी ओळख असलेले ध्रुवीय अस्वल (Polar Bear) आज आपल्या अस्तित्वासाठी संघर्ष करत आहे. दरवर्षी २७ फेब्रुवारी रोजी जगभरात ‘आंतरराष्ट्रीय ध्रुवीय अस्वल दिन’ साजरा केला जातो. या दिवसाचा मुख्य उद्देश म्हणजे वेगाने बदलणारे हवामान आणि आर्क्टिक प्रदेशातील बर्फ वितळल्यामुळे या निष्पाप जीवांवर ओढवलेले संकट जगासमोर आणणे हा आहे. आजच्या दिवशी जगभरातील पर्यावरणप्रेमी कार्बन उत्सर्जन कमी करण्याची आणि पृथ्वीला वाचवण्याची शपथ घेतात.

27 Feb 2026 11:10 AM (IST)

यंदाची होळी बनवा आणखी खास! Google Gemini च्या मदतीने तयार करा रंगीत AI फोटो

देशभरात होळीचा उत्सव मोठ्या उत्साहात साजरा केला जातो. होळी केवळ रंगांचा उत्सव नाही तर चांगल्याचा वाईटावर विजय आहे. होळीच्या निमित्ताने रस्त्यांवर, गल्ल्यांमध्ये आणि अंगणात गुलाबी, पिवळा, निळा आणि हिरवा रंग पसरलेला पाहायला मिळतो. ढोल ताशांच्या गरजरात, मिठाई खात आणि मस्ती आणि जल्लोषात होळीचा सण साजरा केला जातो. तुम्हाला देखील तुमचे होळीचे स्पेशल फोटो सोशल मीडियावर अपलोड करायचे असतील पण तुम्हाला होळी खेळायला आवडत नसेल तर एआय तुमच्यासाठी बेस्ट पर्याय आहे. Google च्या AI टूल Gemini च्या मदतीने तुम्ही रंगीबेरंगी फोटो तयार करून सोशल मीडियावर अपलोड करू शकता. यासाठी लागणारे काही प्रॉम्प्ट्स आता आम्ही तुम्हाला सांगणार आहोत.

27 Feb 2026 10:59 AM (IST)

भारत आणि आफ्रिकेच्या विजयानंतर पॉइंट्स टेबलमध्ये फेरबदल

संध्याकाळच्या सामन्यात झिम्बाब्वे भारताशी बरोबरी करू शकला नाही. या दोन्ही सामन्यांनी पॉइंट टेबलमध्ये लक्षणीय बदल केले आहेत, परंतु त्यामुळे स्पर्धा खूप रोमांचक देखील झाली आहे. आता, १ मार्च रोजी कोलकाता येथील ईडन गार्डन्सवर खेळला जाणारा भारत आणि वेस्ट इंडिज यांच्यातील सामना व्हर्च्युअल क्वार्टर फायनल बनला आहे.

27 Feb 2026 10:52 AM (IST)

Google चं नवं सरप्राईझ

सोशल मिडिया एक असे प्लॅटफाॅर्म आहे जिथे दररोज काही ना काही व्हायरल होत असतं. मागील काही काळापासून जपानी माकडाचं पिल्लू जगभर व्हायरल झालं. या पिल्लाचं नाव आहे पंच. खरंतर माकडाच्या निरागसतेवर आणि त्याच्या भावूक कथेवर लोक जास्त भाळली. जन्मत:च पंचला त्याच्या आईने स्वीकारण्यास नाकारलं. यानंतर जेव्हा त्याला प्राणीसंग्रहालयात आणलं तेव्हा तिथेही त्याला कोणी आपल्याल सामावून घेतलं नाही. अखेर इवलंस ते पिल्लू एकट पडलं. त्याच्या केअरटेकरला जेव्हा ही गोष्ट माहिती झाली तेव्हा त्याने माकडाची एक डाॅल पिल्लाला भेट केली जी पाहून पंच खुश झाला आणि सतत त्या साॅफ्ट टाॅयला हातात घेऊन तो त्याच्यातच आपली आई शोधू लागला. जगभरातील यूजर्सच्या मनाला त्याची ही कहाणी भिडली आणि लोकांनी त्याच्या व्हिडिओला शेअर करायला सुरुवात केली.

27 Feb 2026 10:41 AM (IST)

पिंपरीत 20 रुपयांसाठी रक्तरंजित वाद!

पुण्याच्या पिंपरी चिंचवडमधून एक धक्कदायक घटना समोर आली आहे. फक्त २० रुपयांसाठी मित्रानेच मित्राच्या गळ्यावर धारदार शस्त्राने वार केल्याचे समोर आले आहे. या घटनेत मित्र गंभीर जखमी झाला आहे. रवींद्र ज्ञानेश्वर गायकवाड असं जखमी झालेल्या तरुणाचे नाव आहे. तर सत्यजित उर्फ सोन्या कांबळे असे आरोपीचे नाव आहे. पोलिसांनी त्याला लातूरमधून अटक केली आहे.

27 Feb 2026 10:34 AM (IST)

The Kerala Story 2 आज होणार नाही प्रदर्शित?

चित्रपटावरील वाद आणि बॉक्स ऑफिसवरील आकडे नेहमीच चर्चेत असतात. परंतु “द केरळ स्टोरी २: गोज बियॉन्ड” या चित्रपटाचा वाद आता तिकीट काउंटरपासून कोर्टरूमपर्यंत गेला आहे. हा चित्रपट आज, शुक्रवार, २७ फेब्रुवारी २०२६ रोजी थिएटरमध्ये प्रदर्शित होणार होता. परंतु, केरळ उच्च न्यायालयाने या आध्यात्मिक सिक्वेलवर १५ दिवसांची अंतरिम स्थगिती लागू केली आहे. चित्रपटाचे अ‍ॅडव्हान्स बुकिंग आधीच झाले होते, परंतु न्यायालयाच्या आदेशाने सर्व काही स्थगित केले आहे.

27 Feb 2026 10:26 AM (IST)

११ वर्षांनंतर Apple भारतात सुरू करणार ‘ही’ खास सर्व्हिस

भारतातील आयफोन (iphone) वापरकर्त्यांसाठी एक अत्यंत आनंदाची बातमी समोर येत आहे. गेल्या ११ वर्षांपासून ज्या सेवेची भारतीय युजर्स वाट पाहत होते, ती ‘Apple Pay’ सेवा आता अखेर भारतात पदार्पण करण्यास सज्ज झाली आहे. ॲपल कंपनीने यासाठी भारतात मोठी तयारी सुरू केली असून, विविध बँक आणि कार्ड नेटवर्कसोबत चर्चा अंतिम टप्प्यात असल्याची माहिती समोर आली आहे.

27 Feb 2026 10:18 AM (IST)

आता ‘ही’ कंपनी गुलाबी रंगात लॉंच करणार जबरदस्त स्मार्टफोन

भारतात अनेक मोबाइल कंपन्या आहेत. ज्या आपल्या ग्राहकांसाठी अनेक नवनवीन स्मार्टफोन्स बाजारात सादर करत असतात. त्यामध्ये मोबाइल कंपन्या आपल्या ग्राहकांना नवनवीन फीचर्स आणि अपडेट्स देत असतात. भारतात अनेक टेक कंपन्या लोकप्रिय आहेत. Nothing कंपनी भारतातील प्रसिद्ध कंपनी आहे. कंपनी लवकरच आपला नवीन स्मार्टफोन बाजारात आणणार आहे. हा स्मार्टफोन मुलींसाठी खास असणार आहे.

27 Feb 2026 10:11 AM (IST)

Chat GPT च्या नावानं चांगभलं

सध्याचं जग हे फक्त विकसित तंत्रज्ञानाच्य़ा मागे नव्हे तर AI भोवती फिरत आहे. घर असो नोकरी असो की आणखी इतर काही chat gpt कडे सगळ्याची उत्तरं असतात. सध्या या chat GPT ट्रेंड इतका वाढला आहे की, फक्त भारत नव्ह तर संपूर्ण जगाला या AI टूलची भुरळ पडली. या काही काळात याचा जगभरात वापर इतका झपाट्याने वाढत गेला की, खूप कमी काळातच या AI टूलने जागतिक पातळीवर अव्वल स्थान गाठलं.

27 Feb 2026 10:00 AM (IST)

क्रिकेटपटू रिंकू सिंगच्या वडिलांचे निधन

भारतीय क्रिकेटपटू रिंकू सिंगच्या कुटुंबावर दुःखाचा डोंगर कोसळला आहे. मीडिया रिपोर्ट्सनुसार, त्यांचे वडील खानचंद्र सिंग यांचे ग्रेटर नोएडा येथील यथार्थ रुग्णालयात निधन झाले आहे. ते बऱ्याच काळापासून स्टेज 4 लिव्हर कॅन्सरशी झुंजत होते. गेल्या काही दिवसांत त्यांची प्रकृती अचानक बिघडली, त्यानंतर त्यांना रुग्णालयात दाखल करण्यात आले. डॉक्टरांच्या देखरेखीखाली त्यांच्यावर उपचार सुरू होते, परंतु सर्व प्रयत्न करूनही त्यांना वाचवता आले नाही.

27 Feb 2026 09:30 AM (IST)

पाकिस्तानचा अफगानिस्तानवर पुन्हा हल्ला

काबुल : गेल्या काही दिवसांपासून पाकिस्तान आणि अफगानिस्तान या दोन्ही देशांतील संबंध ताणले गेल्याचे पाहिला मिळत आहे. अफगाणिस्तानची राजधानी काबुलमध्ये आज सकाळी तीन मोठे स्फोट झाल्याचे समोर आले. अफगाणिस्तानने पाकिस्तानविरुद्ध प्रत्युत्तरात्मक लष्करी हल्ले सुरू केल्यानंतर काही तासांतच या घटना घडल्या. सीमेपलीकडे वाढत्या लष्करी तणावादरम्यान या स्फोटांमुळे राजधानीतील परिस्थिती आणखी बिकट झाली आहे. सध्या दोन्ही शेजारील देशांमधील सीमेवरील परिस्थिती आधीच अस्थिर आहे. अफगाणिस्तान सरकारने पाकिस्तानविरुद्ध मोठी लष्करी कारवाईचा दावा केला आहे. उपप्रवक्ते हमदुल्लाह फितरत यांनी सोशल मीडिया पोस्टमध्ये म्हटले आहे

27 Feb 2026 09:25 AM (IST)

पाकिस्तानचा अफगानिस्तानवर पुन्हा हल्ला; काबुलमध्ये तीन मोठे स्फोट

काबुल : गेल्या काही दिवसांपासून पाकिस्तान आणि अफगानिस्तान या दोन्ही देशांतील संबंध ताणले गेल्याचे पाहिला मिळत आहे. अफगाणिस्तानची राजधानी काबुलमध्ये आज सकाळी तीन मोठे स्फोट झाल्याचे समोर आले. अफगाणिस्तानने पाकिस्तानविरुद्ध प्रत्युत्तरात्मक लष्करी हल्ले सुरू केल्यानंतर काही तासांतच या घटना घडल्या. सीमेपलीकडे वाढत्या लष्करी तणावादरम्यान या स्फोटांमुळे राजधानीतील परिस्थिती आणखी बिकट झाली आहे.

27 Feb 2026 09:20 AM (IST)

Cyber Crime: नवीन क्रेडीट कार्डचा बहाणा अन्…; तरूणासोबत घडले तरी काय?

पुणे: नवीन क्रेडीट कार्ड देण्याच्या बहाणा करीत सायबर चोरट्यांनी ५० वर्षीय नागरिकाला एपीके फाईल पाठवून त्यांच्याकडून पावणे पाच लाख रुपये उकळले.  ही घटना १८ जुलै २०२५ मध्ये कोथरूडध्ये घडली आहे. याप्रकरणी तक्रारदाराने वारजे माळवाडी पोलिस ठाण्यात तक्रार दाखल केली आहे. यानुसार अज्ञात मोबाईल वापर कर्ता तसेच बँक खातेधारक यांच्यावर गुन्हा दाखल केला आहे. पोलिसांच्या माहितीनुसार, तक्रारदार हे कोथरूडमध्ये राहायला आहेत. दरम्यान १८ जुलै २०२५ रोजी सायबर चोरट्यांनी त्यांना संपर्क केला. नवीन क्रेडीट कार्ड देण्याची बतावणी करीत एपीके फाईल डाउनलोड करण्यास भाग पाडले. त्यानुसार तक्रारदाराने फाईल डाउनलोड केल्यानंतर सायबर चोरट्यांनी त्यांच्या बँक खात्यातून रक्कम वर्ग करून घेतली.

27 Feb 2026 09:15 AM (IST)

फक्त कपडेच नाही तर Rashmika आणि Vijay च्या लग्नातील दागिन्यांनी वेधलं सर्वांचं लक्ष

अभिनेता विजय देवरकोंडा आणि रश्मिका मंदान्ना या दोघेही गुरुवारी उदयपूर येथे विवाहबंधनात अडकले. त्यांच्या लग्नाचे फोटो समोर येताच चाहत्यांनी त्यांची तुलना पौराणिक महाकाव्यांतील प्रसंगांशी करण्यास सुरुवात केली आहे. केवळ जवळचे कुटुंबीय आणि मित्रमंडळींच्या उपस्थितीत पार पडलेल्या या खासगी सोहळ्यानंतर नवविवाहित जोडप्याने आपल्या लग्नाचे फोटो सोशल मीडियावर शेअर केले. जे पाहून चाहते चकीत झाले, तसेच त्यांच्या सगळ्या फोटोवर चाहते प्रतिक्रिया देत आहेत. रश्मिका पारंपरिक लाल साडी आणि पारंपरिक सोन्याच्या दागिन्यांमध्ये दिसली. तर विजयने ऑफ-व्हाईट धोतर, सोन्याचे दागिने आणि लाल शाल परिधान केली होती.

27 Feb 2026 09:12 AM (IST)

आमलकी एकादशीच्या दिवशी या राशीच्या लोकांना होणार फायदाच फायदा

आज शुक्रवार, 27 फेब्रुवारीचा दिवस. आजचा दिवस सामान्य राहील. आज आमलकी एकादशी आहे. ज्योतिषशास्त्रानुसार आज पुनर्वसु नक्षत्र देखील आहे. एकादशीचा दिवस असल्याने आज भगवान विष्णूंची पूजा केली जाणार आहे. हे व्रत पाळणे खूप फायदेशीर असल्याचे मानले जाते. तसेच काही शुभ योग देखील तयार होत आहे. यामुळे काही राशीच्या लोकांसाठी आजचा दिवस खूप फायदेशीर राहणार आहे. आमलकी एकादशी आणि पुनर्वसु नक्षत्राचा कोणत्या राशीच्या लोकांना फायदा होणार आहे ते जाणून घ्या - वाचा सविस्तर-

27 Feb 2026 09:09 AM (IST)

Stock Market Today: आजच्या बाजारात कोणते शेअर्स देतील नफा?

मुंबई : पुण्याच्या ससून रुग्णालयातून गंभीर गुन्ह्यातील आरोपी पळून गेल्याच्या पार्श्वभूमीवर राज्यातील सर्व शासकीय रुग्णालयांचे सेफ्टी ऑडिट करण्याचे आदेश देण्यात आले आहेत. येत्या ६ महिन्यांत हे ऑडिट पूर्ण केले जाईल, अशी माहिती गृह राज्यमंत्री योगेश कदम यांनी विधानसभेत दिली. शासकीय रुग्णालयांत उपचारासाठी आणलेल्या आरोपींनी पळ काढल्याच्या घटना वाढल्याने हा निर्णय सरकारने घेतला आहे.

27 Feb 2026 09:03 AM (IST)

पटणा प्राणीसंग्रहातील पांढऱ्या वाघाचा Video Viral

वाघ हा जंगलातील सर्वात धोकादायक शिकारी मानला जातो. त्याच्या ताकदीमुळे संपूर्ण जंगल त्याला घाबरुन असतं. वाघाच्या शिकारीचे तर अनेक व्हिडिओज आपण सोशल मिडियावर व्हायरल होताना पाहिले आहेत पण अलिकडेच वाघाचा दयनीय अवस्थेतील एक व्हिडिओ शेअर करण्यात आला आहे ज्यात त्याची अवस्था फारच बिकट असल्याचे दिसून आले. पांढऱ्या रंगाचा हा वाघ व्हिडिओत कुपोषित असल्याचे दिसले. भलिमोठी शरीरकाष्ठि असलेला साहसी वाघ इतक्या वाईट अवस्थेत असल्याचे पाहून अनेकांचे हृदय हळहळले आणि नेटकऱ्यांनी व्हिडिओवर संताप व्यक्त करायला सुरुवात केली. हा व्हिडिओ पटणातील एका प्राणीसंग्रहातील असल्याचे सांगितले जात आहे. पाहा व्हिडीओ-