Top Marathi News today Live
Marathi Breaking news live updates : महाराष्ट्राचे आराध्य दैवत असलेल्या छत्रपती शिवाजी महाराजांच्या राज्याभिषेक सोहळा ही सर्वांसाठी एक स्वर्गानुभूती आहे. 18 पगड जातीच्या मराठी लोकांच्या रक्ताने निर्माण झालेलं स्वराज्याचे धनी छत्रपती शिवाजी महाराज हे मंचकावर विराजमान झाले. आज 351 वा शिवराज्याभिषेक दिन साजरा होत आहे. रायगडावर हजारोंच्या संख्येने शिवभक्त दाखल झाले आहेत. भगवा झेंडा हाती घेत छत्रपती शिवाजी महाराजांच्या जयघोषाने अवघा रायगड दुमदुमून गेला आहे.
06 Jun 2025 06:03 PM (IST)
देशातील सर्वात मोठी खाजगी बँक HDFC बँकेच्या ग्राहकांना काही अडचणी येऊ शकतात या संदर्भात, बँकेने आपल्या ग्राहकांसाठी एक महत्त्वाची सूचना जारी केली आहे. बँकेने माहिती दिली आहे की 8 जून रोजी त्यांच्या UPI (युनिफाइड पेमेंट इंटरफेस) सेवेसह काही डिजिटल सेवा चार तासांसाठी बंद राहतील. भविष्यात ग्राहकांना चांगली सेवा मिळावी म्हणून सिस्टम अपग्रेड करण्यासाठी हे बंद केले जाईल. बँकेने ग्राहकांना त्यांचे महत्त्वाचे व्यवहार आधी किंवा नंतर करण्याचे आवाहन केले आहे जेणेकरून त्यांना कोणतीही अडचण येऊ नये.
06 Jun 2025 05:31 PM (IST)
रिझर्व्ह बँक ऑफ इंडिया ने शुक्रवारी रेपो रेटमध्ये ५० बेसिस पॉइंट कपात जाहीर केली. यासह, रेपो रेट ५.५ टक्क्यांवर आला. २०२५ मध्ये तिसऱ्यांदा व्याजदरात कपात करण्यात आली. गेल्या दोन वर्षात एकाच वेळी केलेली ही सर्वात मोठी दर कपात आहे. रेपो रेटमध्ये कपात केल्यानंतर, गृहकर्ज, वाहन कर्जे यांसारखी किरकोळ कर्जे स्वस्त होण्याची अपेक्षा आहे आणि EMI कमी होण्याची अपेक्षा आहे.
06 Jun 2025 05:08 PM (IST)
टाटा मोटर्सने टाटाच्या ट्रक्समध्ये फॅक्टरी फिटेड एअर कंडिशनिंग सिस्टम लाँच केली आहे. यामुळे आता ट्रक ड्रायव्हर्सला वेगळे AC सिस्टम लावावे नाही लागणार. तसेच, त्यांच्या प्रवास देखील गारेगार होणार आहे. या AC सिस्टममध्ये Eco आणि Heavy मोड पाहायला मिळणार आहे.
06 Jun 2025 04:59 PM (IST)
चिनाब नदीवरील चिनाब रेल्वे पुलाचे उद्घाटन पार पडले आहे. जगातील सर्वात उंच रेल्वे पुल असणाऱ्या चिनाबवरुन वंदे भारत एक्सप्रेस धावली आहे.
🚨 Vande Bharat Train Crosses World's Highest Railway Bridge “Chenab Rail Bridge” On Jammu-Srinagar Route. 🇮🇳🚆 pic.twitter.com/xX0QBnK56v
— Gems (@gemsofbabus_) June 6, 2025
06 Jun 2025 04:53 PM (IST)
आठवड्याच्या शेवटच्या ट्रेडिंग दिवशी म्हणजेच शुक्रवार (६ जून) रोजी सपाट पातळीवर उघडल्यानंतर भारतीय शेअर बाजार जोरदार वाढीसह बंद झाले. यासह, सलग तिसऱ्या ट्रेडिंग सत्रात बाजारात वाढ झाली. रिझर्व्ह बँकेने रेपो रेट कमी करण्याच्या निर्णयामुळे शेअर बाजारात तेजी आली. आरबीआयने रेपो रेट ०.५०% ने कमी करण्याचा निर्णय घेतला आहे. आज ३० शेअर्सचा बीएसई सेन्सेक्स ८१,४३४.२४ अंकांवर जवळजवळ स्थिर राहिला. तो उघडताच तो लाल रंगात घसरला.
06 Jun 2025 04:50 PM (IST)
पंतप्रधान नरेंद्र मोदी यांनी जम्मू काश्मीर दौरा करुन चिनाब पुलाचे उद्घाटन केले आहे. जगातील सर्वात उंच रेल्वे पुल असणाऱ्या चिनाब पुलच्या उद्धाटनावेळी पंतप्रधानांनी हातात तिरंगा घेऊन फेरी मारली आहे.
#WATCH | J&K: Prime Minister Narendra Modi waves the Tiranga as he inaugurates Chenab bridge - the world’s highest railway arch bridge.#KashmirOnTrack
(Video: DD) pic.twitter.com/xfBnSRUQV5
— ANI (@ANI) June 6, 2025
06 Jun 2025 04:19 PM (IST)
जूनमध्ये झालेल्या चलनविषयक धोरण समितीच्या (MPC) बैठकीनंतर रिझर्व्ह बँकेने रेपो दर 0.50% ने कमी करून 5.5% केला आहे. बदलत्या जागतिक आणि देशांतर्गत आर्थिक परिस्थितीचा सखोल आढावा घेतल्यानंतर हा निर्णय घेण्यात आला. तसेच, स्थायी ठेव सुविधा (SDF) 5.25% पर्यंत कमी करण्यात आली आहे आणि सीमांत स्थायी सुविधा (MSF) आणि बँक दर 5.75% पर्यंत कमी करण्यात आला आहे. गव्हर्नर संजय मल्होत्रा म्हणाले की, ही कपात आर्थिक वाढीला पाठिंबा देण्याच्या उद्देशाने करण्यात आली आहे.
06 Jun 2025 04:18 PM (IST)
वेदांत ग्रुपची उपकंपनी असलेल्या हिंदुस्तान झिंकच्या शेअर्समध्ये आजही जोरदार वाढ झाली आहे. आज त्यांच्या शेअर्समध्ये ३ टक्क्यांनी वाढ झाली आहे, तर काल ते ६ टक्क्यांहून अधिक वाढीसह बंद झाले होते. चांदीच्या किमतीने विक्रमी उच्चांक गाठल्यानंतर आणि वेदांत लिमिटेडने ५००० कोटी रुपयांचे निधी उभारल्याच्या बातमीनंतर त्यांच्या शेअर्समध्ये ही वाढ झाली आहे. वेदांतने याबद्दल एनएसई आणि बीएसईला माहिती दिली आहे. त्यानंतर गुंतवणूकदारांकडून जोरदार खरेदी दिसून आली.
06 Jun 2025 04:03 PM (IST)
=
गणेशोत्सवात कोकणात जाणाऱ्या चाकरमान्यांचा प्रवास सुखकर करण्याची ग्वाही खासदार नरेश म्हस्के दिली होती. त्यांच्या पाठपुराव्यामुळे गणेशोत्सवानिमित्त ठाणे रेल्वे स्थानकात कोकण रेल्वेच्या तिकीटासाठी दोन अतिरिक्त आरक्षण खिडक्या सुरु होणार आहे. खिडक्यांची संख्या वाढल्याने गणेशभक्तांची वेळ आणि रांगेत उभे राहण्याचे कष्ट कमी होणार आहे. अतिरिक्त खिडक्या वाढवल्याबद्दल खासदार नरेश म्हस्के यांचे कोकण रेल्वे प्रवासी संघटनेने आभार मानले आहेत.
06 Jun 2025 03:22 PM (IST)
रोहित शर्मा आणि विराट कोहली यांनी पूर्वीच टेस्ट क्रिकेटनधून निवृत्ती जाहीर केली आहे. तर आता भारतीय क्रिकेट संघाचा फिरकी गोलंदाज पियुष चावलाने सर्व प्रकारच्या क्रिकेटमधून निवृत्तीची घोषणा केली आहे.
06 Jun 2025 03:21 PM (IST)
एसटी कर्मचाऱ्यांच्या वेतनासाठी दर महिन्याला सरकारकडून निधी उपलब्ध करून दिला जातो. पण गेले अनेक महिने मागणी प्रमाणे आवश्यक निधी येत नसल्याने कर्मचाऱ्यांना नक्त वेतन देण्यात येत असून या महिन्यात पुन्हा पूर्ण वेतन देण्याइतका निधी सरकार कडून आलेला नाही. त्या मुळे त्यामुळे केवळ नक्त वेतन मिळणार असून कर्मचाऱ्यांच्या हिताच्या गप्पा मारणाऱ्या सरकारचे पुन्हा एकदा पितळ उघडे पडले असल्याचे मत महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी व्यक्त केले आहे.
06 Jun 2025 03:11 PM (IST)
पळसदरी येथील ठाकूरवाडीवर कधीही दरड कोसळतील अशा स्थितीत आहेत. याबाबत ग्रामस्थ पाठपुरावा करीत आहे.ते दगड हलवावेत यासाठी स्थानिक ग्रामस्थांनी एप्रिल2024 मध्ये तहसीलदार यांना अर्ज दिले होते. मात्र प्रशासन सहकार्य करीत नसल्याने वाडीवर कोसळण्याच्या स्थितीत असलेले दगड हलविण्यात आलेले नव्हते. सर्व दगड हलविण्यात वन जमिनीचा अडथळा असल्याने सार्वजनिक बांधकाम विभाग,पोलीस प्रशासन आणि महसूल विभागाच्या पाहणी मध्ये स्पष्ट झाले होते. त्यामुळे शेवटी तहसीलदार यांनी वन विभाग यांना ते दगड हटवण्याचे आदेश दिले होते.त्यानंतर मौजे पळसदरी आदीवासीवाडी येथील टेकडीलगत पाहणी वन विभागाने केली आहे.
06 Jun 2025 02:54 PM (IST)
आरसीबीच्या विजयोत्सवादरम्यान 4 जून रोजी झालेल्या चेंगराचेंगरी प्रकरणी पोलिसांनी आरसीबीच्या मार्केटिंग अधिकाऱ्यांसह ४ अधिकाऱ्यांना अटक केली आहे. यातील एक जण हा विराट कोहलीच्या जवळचा असल्याचे बोलले जात आहे.
06 Jun 2025 02:24 PM (IST)
आदिशक्ती मुक्ताईची पालखी आषाढी वारीनिमित्त आज प्रस्थान होणार आहे. मुक्ताई मंदिरात मुक्ताईच्या पादुकांचा अभिषेक, विविध धार्मिक कार्यक्रम मंदिरात पार पडत आहेत. या पालखी सोहळ्याला उपमुख्यमंत्री एकनाथ शिंदे, पालकमंत्री गुलाबराव पाटील, गिरीश महाजन, आमदार चंद्रकांत पाटील, एकनाथ खडसे उपस्थिती राहणार आहेत.
06 Jun 2025 02:23 PM (IST)
किल्ले रायगड शिवराज्याभिषेक दिनी शिवभक्तांची मोठी गर्दी झाली आहे. यावेळी गडावर मर्दानी खेळ सादर केले जात असून माजी खासदार संभाजीराजे छत्रपती यांनी प्रोत्साहन दिले.
RAIGAD: किल्ले रायगड शिवराज्याभिषेक,मर्दानी खेळांना छ.युवराज संभाजी राजेंचे प्रोत्साहन#RaigadFort #ShivrajyabhishekSohla #MaharashtraNews pic.twitter.com/xVw45SA9YG
— Navarashtra (@navarashtra) June 6, 2025
06 Jun 2025 02:19 PM (IST)
शिवराज्याभिषेक दिनानिमित्त रायगड किल्ल्याकडे जाणाऱ्या अनेक मार्गांवर अवजड वाहनांना बंदी घालण्यात आली आहे. शिवराज्याभिषेक दिनानिमित्त हजारो लोक गडावर दाखल होत असतात यामुळे हा निर्णय होत आहे.
RAIGAD : शिवराज्याभिषेक दिनानिमित्त रायगड किल्ल्याकडे जाणाऱ्या अनेक मार्गांवर अवजड वाहनांना बंदी#Raigad #ShivRajyabhishek #RaigadFort #HeavyVehicleBan pic.twitter.com/P4AlzngY28
— Navarashtra (@navarashtra) June 5, 2025
06 Jun 2025 01:55 PM (IST)
“ठाकरे ब्रँड टिकला पाहिजे ही पदाधिकाऱ्यांची इच्छा आहे. दोन्ही ठाकरे बंधू एकत्र आले पाहिजेत असं मनसेच्या पदाधिकाऱ्यांचं मत आहे. दोन पक्षांमध्ये सकारात्मक बोलणं चालू असेल तर ही गोष्ट चांगली आहे,” असं मनसेचे संजय जामदार म्हणाले.
06 Jun 2025 01:01 PM (IST)
मिठी नदीतील गाळ काढण्याचा घोटाळा प्रकरणी मुंबईत अनेक ठिकाणी अंमलबजावणी संचालनालयाने (ईडी) आज सकाळी छापेमारी केली. आर्थिक अनियमितता आणि भ्रष्टाचाराची कथित चौकशी ईडीचे अधिकारी करीत आहेत. नदीच्या स्वच्छता प्रकल्पाशी संबंधित कथित आर्थिक अनियमितता आणि भ्रष्टाचारात झाल्याची माहिती आहे. याप्रकरणी ईडी अधिकाऱ्यांनी बॉलिवूड अभिनेता दिनो मोरियाच्या मुंबईतील घरावर टाकला छापा टाकला आहे
06 Jun 2025 12:50 PM (IST)
मनसे नेते राज ठाकरे आणि शिवसेना ठाकरे गटाचे नेते उद्धव ठाकरे यांच्यामध्ये युतीची चिन्हे दिसून येत आहेत. मात्र शिवसेनेकडून अद्याप प्रस्ताव आलेला नाही. प्रस्ताव आला तर विचार करु. आता आम्ही ताक देखील फुंकून पिणार अशी भूमिका मनसे प्रवक्ते संदीप देशपांडे यांनी घेतली आहे.
06 Jun 2025 12:45 PM (IST)
मुख्यमंत्री देवेंद्र फडणवीस यांच्या नेतृत्वाखालील महाराष्ट्र सरकारने एक मोठा आणि धाडसी निर्णय घेतला आहे. राज्यातील ९०३ विकास योजनांची प्रशासकीय मान्यता रद्द करण्यात आली आहे. यामध्ये गेल्या काही वर्षांपासून रखडलेल्या आणि प्रगती न झालेल्या योजनांचा समावेश आहे. हा निर्णय मृद आणि जलसंधारण विभागामार्फत जाहीर करण्यात आला असून यामध्ये लघुपाटबंधारे योजना, कोअर पाझर बंधारे, पाझर तलाव, साठवण तलाव दुरुस्ती योजना अशा अनेक योजनांचा समावेश आहे. गेल्या तीन वर्षांपासून या योजनांची अंमलबजावणी रखडली होती.
06 Jun 2025 12:36 PM (IST)
हे अ‍ॅप फक्त अँड्रॉइड स्मार्टफोन वापरणाऱ्यांनाच वापरता येईल. अ‍ॅपच्या मदतीने ट्रेन तिकीट बुकिंग करता येते. पीएनआर स्टेटस तपासता येतो. या अ‍ॅपवर अनेक सेवा उपलब्ध असतील. तथापि, सध्याच्या परिस्थितीबद्दल बोलायचे झाले तर, ६ जून २०२५ रोजी हे अ‍ॅप प्ले स्टोअरवर उपलब्ध आहे, परंतु ते इन्स्टॉल करता येत नाही
06 Jun 2025 12:13 PM (IST)
पंतप्रधान नरेंद्र मोदी हे जम्मू काश्मीरमधील चिनाब नदीवरील पुलाचे उद्घाटन करणार आहे. हा पुल जगातील सर्वात उंच रेल्वे पुल असणार आहे. पंतप्रधानांनी या पुलाची पाहणी केली आहे.
#WATCH | J&K: Prime Minister Narendra Modi inspects Chenab Bridge. He will inaugurate the bridge shortly.
Chenab Rail Bridge, situated at a height of 359 meters above the river, is the world's highest railway arch bridge. It is a 1,315-metre-long steel arch bridge engineered to… pic.twitter.com/IMf6tGOZH7
— ANI (@ANI) June 6, 2025
06 Jun 2025 11:32 AM (IST)
महायुती सरकारकडून जाहीर करण्यात आलेल्या लाडकी बहीण योजनेवर राजकारण तापले आहे. मे महिन्याचा हप्ता अद्याप देण्यात आलेला नाही. दरम्यान, सामाजिक न्याय मंत्री संजय शिरसाट यांनी त्यांच्या खात्याचा निधी लाडक्या बहिणींकडे वळवला असल्याचा गंभीर आरोप केला.
06 Jun 2025 11:28 AM (IST)
आगामी स्थानिक स्वराज्य संघटनेच्या निवडणुकांसाठी राज ठाकरे आणि उद्धव ठाकरे यांच्या युतीची जोरदार चर्चा आहे. याच पार्श्वभूमीवर दोन्ही नेत्यांमध्ये फोनवर चर्चा झाली असल्याचा दावा खासदार संजय राऊत यांनी केला आहे.
06 Jun 2025 10:51 AM (IST)
पुणे जिल्ह्यातील राजगड किल्ल्यावर पर्यटनासाठी आलेल्या विवाहित महिलेचा बालेकिल्ल्यावरून पाय घसरल्याने १५० फुट दरीत कोसळून दुर्देवी मृत्यू झाला आहे.
06 Jun 2025 10:40 AM (IST)
बंगळुरु चेंगराचेंगरी प्रकरणी RCB संघ, DNA इव्हेंट मॅनेजमेंट कंपनी, KSCA प्रशासकीय समितीवर गुन्हा (क्रिमिनल नेग्लिजन्सी) दाखल करण्यात आला आहे.
06 Jun 2025 10:38 AM (IST)
जम्मू काश्मीरमधील सर्वांत उंच असणाऱ्या चिनाब रेल्वे पुलाचे उद्घाटन पंतप्रधान नरेंद्र मोदींच्या हस्ते करण्यात येणार आहे. यावरुन जाणाऱ्या वंदे भारत रेल्वेला पंतप्रधान मोदी हिरवा झेंडा दाखवणार आहे.
06 Jun 2025 10:34 AM (IST)
मुख्यमंत्री देवेंद्र फडणवीस यांनी शिवराज्याभिषेक दिनाच्या शुभेच्छा दिल्या आहेत. सोशल मीडियावर पोस्ट करुन त्यांनी लिहिले आहे की, लोककल्याण व आत्मनिर्भरतेचे प्रतीक, हिंदवी स्वराज्य सरसंस्थापक, अखंड हिंदुस्थानचे आराध्य दैवत, प्रजाहितदक्षक, युगप्रवर्तक छत्रपती शिवाजी महाराज यांना शिवराज्याभिषेक दिनी त्रिवार मानाचा मुजरा! अशा भावना मुख्यमंत्र्यांनी व्यक्त केल्या आहेत.
