शुक्रवार, 30 ऑक्टोबर 2026
सौजन्य फोटो - नवराष्ट्र टिम
डॉ. शिरीष हिरेमठ यांनी बी. जे. वैद्यकीय महाविद्यालयातून एमबीबीएस, एमडी आणि त्यानंतर कार्डिऑलॉजीमधील डीएम पदवी प्राप्त केली होती. १९८२ मध्ये पुण्यातील जोशी हॉस्पिटलमधून त्यांच्या वैद्यकीय प्रवासाला सुरुवात झाली. त्यानंतर त्यांनी रुबी हॉल क्लिनिकसह शहरातील विविध अग्रगण्य वैद्यकीय संस्थांमध्ये सेवा दिली. रुबी हॉल क्लिनिकच्या कार्डियाक कॅथलॅबचे संचालक म्हणून त्यांनी दीर्घकाळ महत्त्वाची धुरा सांभाळली. आपल्या चार दशकांच्या प्रदीर्घ आणि यशस्वी कारकिर्दीत त्यांनी तब्बल ४० हजारांहून अधिक अँजिओप्लास्टी आणि एक लाखांपेक्षा अधिक अँजिओग्राफी केल्या होत्या. पुण्यात पहिल्या काही यशस्वी अँजिओप्लास्टी शस्त्रक्रिया करणाऱ्या अग्रगण्य डॉक्टरांमध्ये त्यांचे नाव घेतले जाते.
केवळ उपचारांपुरते मर्यादित न राहता, हृदयरोगाचे प्रतिबंध, वेळेवर निदान आणि योग्य उपचार पद्धतीबाबत समाजात जनजागृती निर्माण करण्यासाठी त्यांनी मोठे प्रयत्न केले. हृदयविकाराचा झटका आलेल्या रुग्णांवर तातडीने आणि आधुनिक पद्धतीने उपचार करण्यासाठी त्यांनी ‘फार्माको-इन्व्हेसिव्ह अप्रोच’ (Pharmaco-invasive approach) चा वापर भारतात लोकप्रिय करण्यात मोलाचे योगदान दिले. त्यांच्या निधनामुळे वैद्यकीय जगतात आणि त्यांच्या मार्गदर्शनाखाली घडलेल्या तरुण डॉक्टरांमध्ये मोठी शोककळा पसरली आहे.
Ans: ते पुण्यातील एक ज्येष्ठ आणि प्रथितयश हृदयरोगतज्ज्ञ होते, त्यांचे सोपान बाग येथील राहत्या घरी निधन झाले.
Ans: त्यांनी आपल्या चार दशकांच्या कारकिर्दीत ४० हजारांहून अधिक अँजिओप्लास्टी आणि एक लाखांहून अधिक अँजिओग्राफी केल्या होत्या.
Ans: ते कार्डिऑलॉजिकल सोसायटी ऑफ इंडियाचे माजी अध्यक्ष आणि रुबी हॉल क्लिनिकच्या कार्डियाक कॅथ लॅबचे संचालक होते.
