पेण तालुक्यात 1 ते 7 ऑगस्टदरम्यान महसूल सप्ताह, नागरिकांना शासकीय योजनांचा लाभ घेण्याची संधी

रायगडमधील पेण तालुक्यात 1 ऑगस्ट ते 7 ऑगस्टदरम्यान महसूल सप्ताहाचे आयोजन करण्यात आले आहे. या उपक्रमांमध्ये सहभागी होऊन शासकीय योजनांचा लाभ घ्यावा असे आवाहन प्रांताधिकारी प्रवीण पवार यांनी नागरिकांना केले आहे.

पेण तालुक्यात 1 ते 7 ऑगस्टदरम्यान महसूल सप्ताह

Follow Us:

Follow Us:

महाराष्ट्र शासनाच्या निर्देशानुसार 1 ऑगस्ट ते 7 ऑगस्ट 2025 या कालावधीत ‘महसूल सप्ताह’ साजरा करण्यात येणार आहे. या निमित्ताने पेण तालुक्यात विविध शासकीय उपक्रम, शिबिरे आणि मोहिमा राबवण्यात येणार असल्याची माहिती प्रांताधिकारी प्रवीण पवार यांनी पत्रकार परिषदेत दिली.

या पत्रकार परिषदेस तहसीलदार तानाजी शेजाळ, गटविकास अधिकारी गजानन लेंडी, नायब तहसीलदार प्रसाद कालेकर, पेण नगरपरिषदेचे मुख्याधिकारी जीवन पाटील, अनिल बावीस्कर आदी अधिकारी उपस्थित होते.

Ganeshotsav 2025 : गणेश मंडळांना मोठा दिलासा! गणेशोत्सवातील मंडपाच्या खड्ड्यावरील वाढीव दंड रद्द

प्रांताधिकारी प्रवीण पवार यांनी सांगितले की, महसूल सप्ताहाचे उद्दिष्ट नागरिकांना शासकीय सेवा सुलभपणे उपलब्ध करून देणे, महसूल प्रशासनाच्या पारदर्शकतेत वाढ करणे आणि शासनाच्या विविध योजनांचा लाभ पोहोचवणे हे आहे. यासाठी खालीलप्रमाणे उपक्रम राबवले जाणार आहेत:

• 1 ऑगस्ट – महसूल दिन साजरा, उद्घाटन सोहळा, कार्यरत व सेवानिवृत्त अधिकारी-कर्मचाऱ्यांचा सत्कार, विविध प्रमाणपत्रांचे वितरण.
• 2 ऑगस्ट – 2009 पूर्वी राज्य शासनाच्या जमिनीवर राहणाऱ्या कुटुंबांना भूखंड पट्टे वितरण व इतर उपक्रम.
• 3 ऑगस्ट – पाणंद व शिवार रस्त्यांची मोजणी व अडथळे दूर करण्याची कार्यवाही.
• 4 ऑगस्ट – ‘वारस सहाय योजना’तील लाभार्थ्यांना प्रत्यक्ष भेटून DBT अंतर्गत अनुदान वितरण.
• 5 ऑगस्ट – छत्रपती शिवाजी महाराज ग्रामसुधारणा अभियानाअंतर्गत विविध ठिकाणी शिबिरे.
• 6 ऑगस्ट – शासकीय जमिनीवरील अतिक्रमण हटवणे व अतिक्रमणमुक्तीबाबत निर्णय.
• 7 ऑगस्ट – M-Sand धोरणाची अंमलबजावणी, महसूल सप्ताहाचा समारोप आणि अहवाल सादरीकरण.

Manikrao Kokate: राजीनामा नाहीच? ऑनलाईन रमी खेळल्याने मिळणार ‘क्रीडा’ खातं, काय येणार कोकाटेंच्या नशिबी?

महसूल सप्ताहाच्या विशेष उपक्रमांतर्गत जमाबंदी आयुक्त, भूमी अभिलेख, नोंदणी व मुद्रांक विभाग यांच्या समन्वयाने विशेष शिबिरे आयोजित करण्यात येतील. नागरी सेवा केंद्रांमार्फत ऑनलाईन सेवा देण्यात येईल.

वारस नोंदणी, ७/१२ उतारे, म्युटेशन नोंदी, जात प्रमाणपत्रे, निवासी दाखले इत्यादी तत्काळ वितरित करण्यात येतील.

प्रांताधिकारी प्रवीण पवार यांनी नागरिकांना महसूल सप्ताहातील उपक्रमांमध्ये सहभागी होऊन शासकीय योजनांचा लाभ घेण्याचे आवाहन केले. तसेच, स्थानिक ग्रामपंचायती, तलाठी व मंडळ अधिकारी यांनी यासाठी जनजागृती करावी असेही त्यांनी स्पष्ट केले.

Web Title: Raigad news revenue week in pen taluka from 1st to 7th august

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com