Chhaava Movie पाहिल्यानंतर रोहित पवार यांची पोस्ट चर्चेत; म्हणाले की, “हा मनुस्मृतीतील शिकवणुकीचा प्रयोग…’

अभिनेता विकी कौशल आणि लक्ष्मण उतेकर यांनी दिग्दर्शित केलेला छावा चित्रपट सध्या बॉक्स ऑफिसवर धुमाकूळ घालत आहे. आमदार रोहित पवार यांनी चित्रपट पाहून सोशल मीडिया पोस्ट केली आहे.

रोहित पवार यांनी छावा चित्रपटावरुन सोशल मीडिया पोस्ट करुन मनुस्मृतीवर निशाणा साधला (फोटो - सोशल मीडिया)

Follow Us:

Follow Us:

मुंबई : अभिनेता विकी कौशल याचा छावा चित्रपटाने देशभरामध्ये धुमाकूळ घातला आहे. या चित्रपटामधील छत्रपती संभाजी महाराजांच्या विकी कौशलने केलेल्या भूमिकेचे सर्वत्र कौतुक होत आहे. चित्रपटाने आत्तापर्यंत 400 कोटींचा गल्ला कमावला आहे. चित्रपटाची घोडदौड सुरु असताना हा चित्रपट शरद पवार गटाचे नेते व आमदार रोहित पवार यांनी पाहिला. यानंतर त्यांनी सोशल मीडियावर पोस्ट केली असून या पोस्टची सर्वत्र चर्चा आहे.

आमदार रोहित पवार यांनी आजारपणानंतर छावा चित्रपट पाहिला असल्याचे सांगितले आहे. यावेळी आमदार रोहित पवार यांनी लिहिले आहे की, सध्या छावा चित्रपटाचा सर्वत्र बोलबाला आहे. तब्येतीत चांगली सुधारणा झाल्याने काल सहकुटुंब हा चित्रपट पाहिला. आधी स्वराज्यरक्षक संभाजी मालिकेच्या माध्यमातून डॉ. अमोल कोल्हे यांनी तर आता छावा चित्रपटाच्या माध्यमातून अभिनेता विकी कौशल याने आपल्या कसदार अभिनयाने छत्रपती संभाजी महाराजांचं अफाट कर्तृत्त्व, उत्तुंग नेतृत्त्व, असीम त्याग, पराक्रम, वाघासारखं धैर्य आणि शौर्य हे सामान्य माणसांसमोर आणलं. याबद्दल या दोघांचेही मनापासून आभार! असे मत आमदार रोहित पवार यांनी व्यक्त केले आहे.

राजकीय बातम्या वाचण्यासाठी क्लिक करा

पुढे त्यांनी लिहिले आहे की, छावा चित्रपटाच्या माध्यमातून आभाळाएवढा आपला राजा पाहून जेवढा आनंद झाला तेवढंच दुःख त्यांना देण्यात आलेल्या यातना पाहून झालं. अनन्वित_अत्याचार करुनही शंभूराजे आपल्या भूमिकेपासून तसूभरही हटले नाहीत किंबहुना मरण स्वीकारलं पण शरण गेले नाहीत. त्यांचा केलेला अनन्वित छळ आणि दिलेल्या मरणयातना म्हणजे मनुस्मृतीतील शिकवणुकीचा प्रयोग होता. मनुस्मृतीत सांगितल्याप्रमाणे एखाद्याचा अमानवी पद्धतीने छळ कसा करायचा याबाबतची माहिती औरंगजेबापर्यंत कुणी पोचवली, हेही पाहण्याची गरज आहे. या घटनेला कुठलंही एक कुटुंब नाही तर अनेकजण जबाबदार होते, पण ते तितक्या योग्य पद्धतीने समोर आणलं गेलं नाही. कदाचित भविष्यात ते अधिक स्पष्टपणे पुढं येईल, अशी अपेक्षा करायला हरकत नाही.

महाराष्ट्रसंबंधित बातम्या वाचण्यासाठी क्लिक करा

लाचारी सोडून कसल्याही संकटाला भिडण्याची, लढण्याची आणि झुंजण्याची प्रेरणा या चित्रपटातून मिळते. शिवाय शत्रू हा कायम उघडपणे विरोधातच असतो पण काही जवळच्या माणसांपासूनही सावध राहण्याची गरज असते याचाही धडा मिळतो आणि आजच्या राजकीय परिस्थितीत तर सर्वांनाच हा धडा तंतोतंत लागू होतो, असा टोला आमदार रोहित पवार यांनी लगावला आहे.

सध्या #छावा चित्रपटाचा सर्वत्र बोलबाला आहे. तब्येतीत चांगली सुधारणा झाल्याने काल सहकुटुंब हा चित्रपट पाहिला. आधी #स्वराज्यरक्षक_संभाजी मालिकेच्या माध्यमातून डॉ. अमोल कोल्हे यांनी तर आता छावा चित्रपटाच्या माध्यमातून अभिनेता विकी कौशल याने आपल्या कसदार अभिनयाने… pic.twitter.com/F6ofxKjnCW

— Rohit Pawar (@RRPSpeaks) March 2, 2025

Web Title: Rohit pawar gives review of chhhava movie and target manusmriti

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com