अनिल कपूरचा प्रतिष्ठित चित्रपट ‘ताल’ 27 सप्टेंबर रोजी पुन्हा होणार प्रदर्शित!

बॉलीवूड अभिनेता अनिल कपूरच्या ताल चित्रपटाला नुकतेच २५ वर्ष पूर्ण झाली आहेत. तसेच हा चित्रपट तब्बल २५ वर्षानंतर चित्रपटगृहात री-रिलीज होणार आहे. या चित्रपटाचा आनंद चाहत्यांना पुन्हा लुटता येणार आहे. १९९९ मध्ये या चित्रपटाला प्रेक्षकांनी प्रचंड प्रतिसाद दिला.

(फोटो सौजन्य- इंस्टाग्राम)

Follow Us:

Follow Us:

अनिल कपूरच्या ‘ताल’ या आयकॉनिक चित्रपटाने नुकतीच २५ वर्षे पूर्ण केली आणि चित्रपटाच्या रौप्यमहोत्सवानिमित्त, निर्मात्यांनी घोषित केले की हा चित्रपट 27 सप्टेंबर रोजी चित्रपटगृहांमध्ये पुन्हा प्रदर्शित होणार आहे. ऐश्वर्या राय बच्चन आणि अक्षय खन्ना यांच्यासोबत अनिल कपूर यांनी अभिनय केलेला ‘ताल’ हा सुभाष घई दिग्दर्शित 1999 म्युझिकल चित्रपट होता. त्यावेळेस याला अनेक प्रशंसा मिळाली आणि मोठ्या पडद्यावर पुन्हा जादू करून या चित्रपटाचा प्रेक्षकांवर असाच प्रभाव पडेल अशी अपेक्षा आहे.

या चित्रपटातील अभिनयासाठी अनिल कपूर यांना प्रशंसा मिळाली आहे. तसेच, सर्वोत्कृष्ट सहाय्यक अभिनेत्याच्या श्रेणीत अनेक पुरस्कार अभिनेत्याने जिंकले आहे. चित्रपटाचे संगीत देखील खूप गाजले आहे एक ते आयकॉनिक आठवण प्रेक्षकांच्या मनात घर करून राहिले आहे. री-रिलीजबद्दल बोलताना दिग्दर्शक सुभाष घई म्हणतात “पुन्हा रिलीज होण्याने प्रेक्षकांना मोठ्या पडद्यावर ‘ताल’ ची जादू पुन्हा एकदा अनुभवता येईल याचा मला आनंद वाटतो.” या वर्षाच्या सुरुवातीला, अनिल कपूरने चित्रपटाची 25 वर्षे साजरी केली आणि कोणत्याही रिहर्सलशिवाय त्याने ‘रमता जोगी’ गाणे कसे शूट केले याबद्दल सांगितले.

हे देखील वाचा- फक्त ९९ रुपयाला मिळणार ‘या’ चित्रपटांची तिकीट

‘ताल’ या चित्रपटाने प्रेक्षकांच्या हृदयात एक खास स्थान मिळवले आहे. आणि पुन्हा रिलीज झाल्यामुळे, प्रेक्षक पुन्हा एकदा या चित्रपटाला सिनेमागृहात चांगला प्रतिसाद देतील ही आशा आहे. अनिल कपूर ‘सुभेदार’ मध्ये निर्दोष परफॉर्मन्स देण्यासाठी सज्ज आहे, जो त्याचा दिग्दर्शक सुरेश त्रिवेणीसोबतचा पहिला प्रोजेक्ट आहे. तो YRF च्या गुप्तचर विश्वाचा एक भाग असल्याचे देखील चर्चा होत आहे.

Web Title: Anil kapoor akshay khanna aishwarya rai starrer taal movie will be re realising on 27th september

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com