(फोटो सौजय -इन्स्टाग्राम)
हृतिक रोशनचा सुपरहिट चित्रपट यावर प्रेक्षकांनी भरभरून प्रेम केले ‘क्रिश’ पुन्हा एकदा परतत आहे आणि यावेळी हा पूर्वीपेक्षा मोठा चित्रपट असणार आहे, रोमांचक आणि भावनिक कथा घेऊन हा चित्रपट लवकरच प्रेक्षकांसाठी सज्ज होणार आहे. ‘क्रिश ४’ मध्ये जुनी पात्रेच परतत नाहीत तर काही नवीन चेहरे देखील येत आहेत. हा चित्रपट पाहण्यासाठी चाहते उत्सुक आहेत. तसेच या चित्रपटामधील नवीन पात्र पाहण्यासाठी ते आतुर आहेत.
भारताला ऑस्कर जिंकून देणाऱ्या MM Keeravani यांच्या वडिलांचे निधन, कलाकारांनी वाहिली श्रद्धांजली
प्रियांका चोप्रा नंतर, चित्रपटात दोन मोठी नावे सामील
न्यूज १७.कॉम कडून मिळालेल्या बातमीनुसार, प्रियांका चोप्रा पुन्हा एकदा तिच्या जुन्या भूमिकेत दिसणार आहे, जी पाहण्यासाठी चाहते खूप उत्सुक आहेत. याशिवाय, रेखा आणि प्रीती झिंटा देखील या चित्रपटाचा भाग असतील. यापूर्वी ‘कोई मिल गया’ आणि ‘क्रिश’ मध्ये हृतिकच्या आईची भूमिका साकारलेल्या रेखा यावेळीही तीच भूमिका साकारताना दिसणार आहे. त्याच वेळी, प्रीती झिंटाचे पुनरागमन चित्रपटात एक नवीन रंग भरेल. या दोघीही पुन्हा एकदा मोठ्या पडद्यावर झळकणार आहे.
हृतिक रोशन या चित्रपटामध्ये तीन पात्रांमध्ये दिसणार आहे. यावेळी हृतिक रोशन एकाच वेळी तीन वेगवेगळ्या भूमिका साकारणार आहे, एक भूतकाळातील, एक वर्तमानातील आणि एक भविष्यातील. चित्रपटाची कथा एका मोठ्या जागतिक धोक्याभोवती फिरणार आहे, ज्याला तोंड देण्यासाठी क्रिशला अनेक रूपे स्वीकारावी लागणार आहे. यात उत्तम अ‍ॅक्शन, उच्च दर्जाचे व्हीएफएक्स आणि भावनिक चित्रपट असणार आहे.
Big Boss 19: २४ ऑगस्टपासून सुरु होणार प्रसिद्ध रिॲलिटी शो, सलमान खानकडे नसेल ‘ही’ संपूर्ण जबाबदारी ?
या चित्रपटाची आणखी एक खास गोष्ट म्हणजे पहिल्यांदाच हृतिक रोशन दिग्दर्शनही करणार आहे. तो आदित्य चोप्राच्या टीमसोबत चित्रपटाच्या पटकथेवर काम करत आहे. चित्रपटाचे प्री-व्हिज्युअलायझेशन YRF स्टुडिओमध्ये सुरू झाले आहे आणि तो आंतरराष्ट्रीय स्तरावरील व्हिज्युअल इफेक्ट्सने सजवला जात आहे.
‘क्रिश ४’ खास का आहे?
‘क्रिश ४’ हा फक्त आणखी एक सुपरहिरो चित्रपट नाही तर तो भारतीय चित्रपटसृष्टीत कल्पनारम्य आणि विज्ञान-कथेला एक नवीन उंची देणारा चित्रपट बनू शकतो. यात जबरदस्त स्टारकास्ट, मजबूत कथा आणि उत्तम दृश्ये पाहायला मिळणार आहे.
