(फोटो सौजन्य- इन्स्टाग्राम)
जर धर्मेंद्र आज आपल्यात असते तर ते त्यांचा ९० वा वाढदिवस त्यांच्या चाहत्यांसह, मुलांसह आणि कुटुंबासह साजरा करत असते. अभिनेता आता आपल्यात नाही आणि त्यांच्या प्रियजनांसाठी हा दिवस अविश्वसनीयपणे कठीण असणार आहे. अभिनेत्याच्या कुटुंबाला आज त्यांची उपस्थिती अधिकच जाणवत आहे आणि हे त्यांची मुलगी ईशा देओलच्या पोस्टवरून स्पष्टपणे दिसून येत आहे. ईशा देओलने सोशल मीडियावर एक हृदयद्रावक पोस्ट शेअर केली आहे, ज्यामध्ये तिने तिचे वडील धर्मेंद्र यांच्यासाठी खास नोट देखील लिहिली आहे.
ईशाने धर्मेंद्रच्या ९० व्या वाढदिवसानिमित्त ही हृदयद्रावक पोस्ट शेअर केली आहे. या पोस्टमध्ये, तिने वडिलांच्या मिठीचा अनुभव न घेता किंवा त्यांचे नाव न ऐकल्याने तिला होणाऱ्या वेदनांचे वर्णन केले आहे. ईशाने सोशल मीडियावर एका पोस्टद्वारे हे असह्य दुःख शेअर केले आहे. या खास दिवशी ईशाने धर्मेंद्रचे पाच फोटो शेअर केले आहेत, त्यापैकी तीन फोटो ती तिच्या वडिलांसोबत दिसत आहे.
“अरे माझ्या प्रिय बाबा” – ईशा देओल
वडिलांसाठी वाढदिवसाची पोस्ट शेअर करताना अभिनेत्रीने लिहिले, ‘”टू माय डार्लिंग पप्पा. आपला करार, आपलं नातं सगळ्यात मजबूत आहे. आपण हे नातं प्रत्येक जन्मात, प्रत्येक जगात आणि त्याही पलीकडे कायम सोबत आहे. पप्पा आपण नेहमीच एकत्र आहोत. स्वर्ग असो किंवा पृथ्वी, आपण एक आहोत.” “आत्ता मी तुम्हाला आयुष्यभर माझ्यासोबत घेऊन जाण्यासाठी अत्यंत प्रेमाने, जपून आणि अमूल्यपणे माझ्या हृदयात, खूप खोल, कायमस्वरूपी जपून ठेवलं आहे. त्या जादुई, अमूल्य आठवणी… जीवनातील शिकवण, मार्गदर्शन, तुमचं प्रेम, तुमची प्रतिष्ठा आणि तुम्ही मला मुलगी म्हणून दिलेली ताकद, याची जागा कुणीही घेऊ शकत नाही.”
View this post on Instagram
ईशाने पुढे लिहिलंय, “मला तुमची खूप आठवण येते पप्पा… तुमची संरक्षण देणारी मिठी जणू मऊशार पांघरुणासारखी वाटायची. तुमचे कोमल पण मजबूत हात ज्यात शब्दांशिवाय अनेक भावना असायच्या आणि माझं नाव घेऊन तुमचा आवाज जो नंतर संपत न जाणाऱ्या गप्पा, हसणं आणि शायरींनी भरलेला असायचा.” “माझं तुमच्यावर अपरिमित प्रेम आहे पप्पा. तुमची लाडकी मुलगी, तुमची ईशा, तुमची बिट्टू”, म्हणत ईशाने तिच्या पोस्टचा भावनिक शेवट केला. तिची ही पोस्ट पाहून बाप लेकीमध्ये किती घट्ट नातं होतं याची जाणीव होते. ईशाची ही पोस्ट सध्या सोशल मीडियावर व्हायरल होतेय.
२४ नोव्हेंबर रोजी धर्मेंद्र यांचे निधन
१२ नोव्हेंबर रोजी धर्मेंद्र यांना रुग्णालयातून डिस्चार्ज देण्यात आला. ईशाच्या पोस्टवरून हे स्पष्ट होते की ती तिच्या वडिलांच्या आठवणी विसरु शकत नाही. काही दिवसांपूर्वीच २४ नोव्हेंबर रोजी धर्मेंद्र यांचे निधन झाले. अभिनेता बराच काळ आजारी होता, त्यानंतर त्यांना ब्रीच कँडी रुग्णालयात दाखल करण्यात आले. १२ नोव्हेंबर रोजी त्यांना रुग्णालयातून डिस्चार्ज देण्यात आला आणि त्यानंतर त्यांनी १२ दिवस घरीच उपचार घेतले. जीवन आणि मृत्यूच्या लढाईत झुंज देत बॉलीवूडचा ‘ही-मॅन’ अखेर हरला आणि जगाचा शेवट निरोप घेतला. २४ नोव्हेंबर रोजी त्यांचे अंत्यसंस्कार साध्या पद्धतीने झाले, ज्यात कुटुंबातील सदस्य आणि अनेक प्रमुख बॉलीवूड सेलिब्रिटी उपस्थित होते.
