दिलजीत दोसांझच्या ‘Sardaar Ji 3’ वरून उडाला गोंधळ? चित्रपटावर बंदी घालण्याची मागणी

गायक दिलजीत दोसांझचा आगामी चित्रपट 'सरदारजी ३' या महिन्यात प्रदर्शित होण्यास सज्ज आहे. दरम्यान, चित्रपटावर बंदी घालण्याची मागणी सुरू झाली आहे. यासोबतच चित्रपटावरून गोंधळ सुरू झाला आहे.

(फोटो सौजन्य - Instagram)

Follow Us:

Follow Us:

पंजाबी गायक आणि अभिनेता दिलजीत दोसांझ सध्या त्याच्या चित्रपटांमुळे चर्चेत आहे. एकीकडे, गायकाच्या आगामी ‘डिटेक्टिव्ह शेरदिल’ चित्रपटाचा ट्रेलर रिलीज झाला आहे. दुसरीकडे, ‘सरदार जी ३’ देखील प्रदर्शित होण्यास सज्ज आहे. हा चित्रपट २७ जून २०२५ रोजी थिएटरमध्ये प्रदर्शित होणार आहे. दरम्यान, दिलजीत दोसांझचा हा चित्रपट वादात सापडला आहे. इतकेच नाही तर लोक ‘सरदार जी ३’ वर बंदी घालण्याची मागणी करत आहेत. आता ही मागणी का केली जात आहे हे आपण जाणून घेणार आहोत.

राम चरणच्या ‘The India House’ चित्रपटाच्या सेटवर फुटला पाण्याचा टाकी, मोठ्या दुर्घटनेमुळे क्रू टीम जखमी!

‘सरदार जी ३’ वरून उडाला गोंधळ
गायक दिलजीत दोसांझने नुकतेच त्याच्या इंस्टाग्रामवर ‘सरदार जी ३’ या आगामी चित्रपटाचे काही बीटीएस फोटो शेअर केले आहेत. या फोटोंमध्ये गायक चित्रपटाच्या संपूर्ण स्टारकास्टसोबत दिसत होता. सोशल मीडियावर हे फोटो व्हायरल होताच काही लोकांनी दावा करायला सुरुवात केली की चित्रपटात पाकिस्तानी कलाकार देखील आहेत. काही वापरकर्त्यांनी असा दावा केला की या फोटोमध्ये पाकिस्तानी अभिनेत्री हानिया आमिर देखील आहे, जिचे फक्त डोळे आणि केस चित्रात दिसत होते. यामुळे हा चित्रपट आता वादात अडकला आहे.

चित्रपटावर बंदी घालण्याची मागणी
भाजप फिल्म वर्कर्स आघाडीने दिलजीत दोसांझच्या ‘सरदारजी 3’ या चित्रपटावर बंदी घालण्याची मागणी केली आहे. पाकिस्तानी स्टार हानिया आमिरशिवाय या चित्रपटात डॅनियल खवर, नासिर चिन्योती आणि सलीम अलबेला यांच्याही भूमिका आहेत. आता या चित्रपटाची कथा काय असेल हे पाहण्यासाठी चाहते उत्सुक आहेत.

‘…तरच आपलं भविष्य उज्ज्वल’; ‘हाऊसफुल ५’ फेम अभिनेता फरदीन खानने चाहत्यांना केलं ‘या’ गोष्टी टाळण्याचं आवाहन

प्रमाणपत्र देऊ नये अशी मागणी केली
इंडियन एक्सप्रेसच्या वृत्तानुसार, आयएएनएसशी झालेल्या संभाषणात, युनियनने म्हटले आहे की ‘आम्ही हिंदी चित्रपट उद्योगात कोणत्याही पाकिस्तानी कलाकाराच्या समावेशाला तीव्र विरोध करत आहोत.’ भाजप चित्रपट कामगार आघाडीने ‘सरदारजी ३’ वर बंदी घालण्याची मागणी केली आहे आणि दिलजीत दोसांझच्या चित्रपटाला सेन्सॉरने प्रमाणपत्र देऊ नये असे आवाहन केले आहे. ते पुढे म्हणाले की, ‘जेव्हा पाकिस्तान उघडपणे भारताला शत्रू देश म्हणतो, तर आपण त्यांच्या कलाकारांना आपल्या उद्योगात स्थान का द्यावे? आपण भारतीय चित्रपट उद्योगातील तंत्रज्ञ आणि कामगारांचे प्रतिनिधी आहोत. जर पाकिस्तानी कलाकार आपल्या उद्योगाचा भाग बनले तर आपण गप्प बसू शकत नाही.’

Web Title: Diljit dosanjh sardaar ji 3 controversy bjp wants ban over pakistani actress hania amir cast

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com