सायबर सेलने बजावला समय रैनाला समन्स; १७ फेब्रुवारीला हजर राहण्याची नोटीस, आता काय करणार विनोदी कलाकार?

'इंडियाज गॉट लेटेंट' या शोमध्ये केलेल्या आक्षेपार्ह टिप्पण्यांवरून सुरू असलेल्या वादाच्या संदर्भात आज, गुरुवारी, महाराष्ट्र सायबर सेलने विनोदी कलाकार रामय रैना यांना दुसरी नोटीस पाठवली आहे.

(फोटो सौजन्य - x अकाउंट)

Follow Us:

Follow Us:

‘इंडियाज गॉट लेटेंट’ या मालिकेतील एका भागात युट्यूबर रणवीर इलाहाबादिया यांनी केलेल्या आक्षेपार्ह टिप्पण्यांप्रकरणी महाराष्ट्र सायबर सेलने आता दुसरे समन्स जारी केले आहे. शोचा निर्माता, होस्ट आणि विनोदी कलाकार समय रैना यांच्याविरुद्ध हे समन्स जारी करण्यात आले आहे. विनोदी कलाकाराला १७ फेब्रुवारी रोजी तपास अधिकाऱ्यांसमोर हजर राहण्यास सांगण्यात आले आहे. या प्रकरणात आता समयकडे कोणते पर्याय आहेत ते आपण आता जाणून घेणार आहोत.

Chhaava: चित्रपटाच्या यशासाठी विकी कौशल पोहचला महाकुंभात; ‘छावा’ला पहिल्याच दिवशी मिळेल का प्रतिसाद?

वकिलाने सांगितले होते- १७ मार्च रोजी परत या
बुधवारी, समय रैनाच्या वकिलाने सायबर सेलला कळवले होते की विनोदी कलाकार सध्या अमेरिकेत आहे आणि १७ मार्च रोजी परत येणार आहे. अलीकडेच समय रैनाने एका सोशल मीडिया पोस्टद्वारे सांगितले की त्याने त्याचे सर्व व्हिडिओ डिलीट केले आहेत. तसेच त्याला आता सायबर सेलने समन्स बजावला आहे. आणि १७ फेब्रुवारी रोजी तपास अधिकाऱ्यांसमोर हजर राहण्यास सांगण्यात आले आहे.

आसाम पोलिसांनी रणवीर इलाहाबादिया यांना समन्स पाठवले
याशिवाय, आसाम पोलिसांनी या प्रकरणात युट्यूबर्स रणवीर इलाहाबादिया आणि आशिष चंचलानी यांना समन्स पाठवले आहेत. जसप्रीत सिंग, अपूर्वा मखीजा, समय रैना यांनाही समन्स पाठवण्यात येईल, अशी माहिती आसाम पोलिसांच्या वरिष्ठ अधिकाऱ्यांनी दिली आहे. त्याच वेळी, मुंबई पोलिसांनी अश्लील टिप्पणी प्रकरणात अपूर्वा माखीजासह सुमारे सात जणांचे जबाब नोंदवले आहेत.

‘मी तिला खलनायिका म्हणायचे…’ बिग बीस संपून झाले ४ महिने तरीही निक्की अन् वर्षामध्ये आहे ‘त्या’ वादाची ठिणगी; नेमकं काय प्रकरण?

विनोदी कलाकाराला त्याचा दौरा रद्द करावा लागला
सध्या, समय त्याच्या अमेरिका आणि कॅनडा दौऱ्यात व्यस्त आहे. ६ फेब्रुवारी रोजी डलास येथे सुरू झालेला हा दौरा २ मार्च रोजी शिकागो येथे संपणार होता. तथापि, आता त्याच्याविरुद्ध समन्स जारी करण्यात आल्यामुळे, त्याला आपला दौरा रद्द करून देशात परतावे लागणार आहे. तसेच आता समय भारतात परतणार का याकडे सगळ्यांचे लक्ष वेधले आहे.

Web Title: India s got latent row maharashtra cyber cell sends second summons to samay raina to appear

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com