‘Indian Idol 12’ विजेता पवनदीप राजनचा भीषण अपघात; कशी आहे गायकाची तब्येत? जाणून घ्या अपडेट!

गायक आणि इंडियन आयडल विजेता पवनदीप राजन एका भीषण कार अपघाताचा बळी ठरला आहे. गायकाचे हॉस्पिटलमधून काही फोटो समोर आले आहेत, ज्यामध्ये तो बेडवर बेशुद्ध अवस्थेत पडलेला दिसत आहे.

(फोटो सौजन्य - इन्स्टाग्राम)

Follow Us:

Follow Us:

इंडियन आयडल सीझन १२ चा विजेता पवनदीप राजन बद्दल वाईट बातमी येत आहे. हा गायक कार अपघाताचा बळी ठरला आहे. अहमदाबादजवळ हा अपघात झाला आहे. अपघातानंतर, पवनदीप राजनला गंभीर अवस्थेत रुग्णालयात दाखल करण्यात आले आहे, जिथून त्याचे काही फोटो आता सोशल मीडियावर व्हायरल होत आहेत. या छायाचित्रांमध्ये पवनदीप राजन हॉस्पिटलच्या बेडवर बेशुद्ध अवस्थेत पडलेला दिसत आहे. तिथे डॉक्टर त्याच्यावर उपचार करत आहेत. ही बातमी ऐकल्यानंतर चाहतेही स्तब्ध झाले. चाहते आता सोशल मीडियाच्या माध्यमातून पवनदीप रजनक यांच्या लवकर बरे होण्यासाठी प्रार्थना करत आहे.

‘Sitaare Zameen Par’ च्या पहिल्या पोस्टरला प्रेक्षकांचा प्रतिसाद, जाणून घ्या कधी होणार चित्रपट रिलीज!

 

View this post on Instagram

 

A post shared by Sufiyan Pasha (@sufiyanpasha114)

सोमवारी पहाटे झाला हा अपघात
पिंकव्हिलाच्या रिपोर्टनुसार, इंडियन आयडल सीझन १२ चा विजेता आणि गायक पवनदीप राजन सोमवारी पहाटे ३:४० वाजता या कार अपघाताचा बळी ठरला. या भीषण अपघातात त्याला गंभीर दुखापत झाली आहे. गायकासोबत हा भीषण अपघात कसा घडला आणि त्याच्या तब्येतीची माहिती काय आहे? याबाबत अद्याप कोणतीही माहिती समोर आलेली नाही, परंतु व्हिडिओ पाहिल्यानंतर असा अंदाज लावला जात आहे की पवनदीप राजनच्या डाव्या पायाला आणि उजव्या हाताला गंभीर दुखापत झाली आहे. व्हिडिओमध्ये गायक पवनदीप राजन हॉस्पिटलच्या बेडवर पडलेले दिसत आहे. डॉक्टर तिथे त्याच्या पायाला पट्टी बांधत आहेत. त्यांची गंभीर प्रकृती पाहून त्यांचे चाहतेही खूप चिंतेत आहेत.

कन्नड चित्रपट इंडस्ट्री सोनू निगमवर घालणार बंदी, वादग्रस्त विधानानंतर गायक सापडला मोठ्या अडचणीत!

गेल्या महिन्यात गायकाने साजरा केला वाढदिवस
गायक पवनदीप राजन यांनी गेल्या महिन्यात २७ एप्रिल २०२५ रोजी त्यांचा वाढदिवस साजरा केला. त्याच्या वाढदिवसानिमित्त, त्याच्या एका जवळच्या मित्राने एक व्हिडिओ पोस्ट केला आणि गायकाला शुभेच्छा दिल्या. तसेच पवनदीप राजनबद्दल सांगायचे झाले तर तो २०२१ मध्ये इंडियन आयडल १२ ट्रॉफीचा विजेता आहे. यासोबतच त्याला २५ लाख रुपये रोख आणि एक चमकदार कार देखील मिळाली. आता गायकाला या अवस्थेत पाहून चाहते चिंता व्यक्त करत आहेत आणि तो लवकरात लवकर बरा व्हावा यासाठी प्रार्थना करत आहेत.

Web Title: Indian idol 12 winner singer pawandeep rajan had injured in car accident

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com