‘Sardaar Ji 3’ चा पाकिस्तानमध्ये डंका; दोन दिवसात निर्माते मालामाल, दिलजीतने दिली प्रतिक्रिया

दिलजीत दोसांझचा 'सरदारजी ३' हा चित्रपट पाकिस्तानमध्ये जबरदस्त कामगिरी करत आहे. गायकाने त्याच्या इंस्टा स्टोरीद्वारे याची झलक शेअर केली आहे. चित्रपटाने दोन दिवसांत बंपर कमाई केली आहे.

(फोटो सौजन्य - इन्स्टाग्राम)

Follow Us:

Follow Us:

पंजाबी गायक आणि अभिनेता दिलजीत दोसांझचा ‘सरदारजी ३’ हा चित्रपट भारतात प्रदर्शित झाला नसला तरी शेजारील देश पाकिस्तानमध्ये तो प्रचंड यशस्वी होत आहे. हा चित्रपट २७ जून रोजी चित्रपटगृहात प्रदर्शित झाला. अवघ्या दोन दिवसांतच त्याला पाकिस्तानी प्रेक्षकांकडून सकारात्मक प्रतिसाद मिळाला आहे. त्यानंतर दिलजीत दोसांझच्या आनंदाला सीमा नाही. अर्थातच, ‘सरदारजी ३’ मध्ये पाकिस्तानी अभिनेत्री हानिया आमिर दिलजीतसोबत आहे. यासाठी एकीकडे भारतात या गायकावर जोरदार टीका होत आहे. दुसरीकडे पाकिस्तानातही त्याचा चित्रपट वेगाने कमाई करत आहे.

जॅकी श्रॉफ यांना भाड्याने घ्यायचेय चाळीतलं ‘ते’ घर, पण मालक देतोय नकार; नेमकं कारण काय?

दोन दिवसांतच चित्रपटाची बंपर कमाई
गायक दिलजीत दोसांझने त्याच्या इंस्टाग्राम स्टोरीवर ‘सरदारजी ३’ या चित्रपटाच्या काही क्लिप्स आणि प्रेक्षकांच्या प्रतिक्रिया शेअर केल्या आहेत. आनंद व्यक्त करताना त्याने सांगितले की या चित्रपटाने दोन दिवसांत पाकिस्तान बॉक्स ऑफिसवर ११.३ कोटी रुपयांची कमाई केली आहे. ‘सरदार जी ३’ पहिल्या दिवशी ४.३२ कोटी रुपयांची कमाई करत प्रदर्शित झाला. दुसऱ्या दिवशी त्याने ६.७१ कोटी रुपये कमावले आहे.

गायकाने प्रतिक्रिया शेअर केली
दिलजीत दोसांझने त्याच्या इन्स्टाग्राम स्टोरीवर पाकिस्तानी प्रेक्षकांच्या प्रतिक्रियाही शेअर केल्या आहेत. अभिनेत्याने तेथील थिएटरमध्ये चित्रपट पाहणाऱ्या प्रेक्षकांची एक झलक शेअर केली आहे. स्क्रीनवर हानिया आमिर दिसत आहे. व्हिडिओसोबत दिलेले कॅप्शन असे आहे की, ‘देशातील सर्वात मोठ्या अल्ट्रा स्क्रीनवर १२ शो. सरदार जी ३ ला प्रेक्षकांचा जबरदस्त प्रतिसाद.’ असे लिहून अभिनेत्याने ही पोस्ट शेअर केली आहे.

मुंब्रा- दिवा रेल्वे अपघातावर मिलिंद गवळींची खरमरीत पोस्ट; म्हणाले, “भारतीय रेल्वे, पाकिस्तान आणि बांगलादेश पेक्षा”

चित्रपटामुळे सुरु झाला वाद
‘सरदार जी ३’ चित्रपटात पाकिस्तानी अभिनेत्री हानिया आमिरच्या उपस्थितीमुळे भारतात खूप गोंधळ उडाला आहे. पहलगाम हल्ल्यानंतर लोक विशेषतः संतापले होते. हानिया आमिरला चित्रपटासाठी का निवडले गेले असे प्रश्न उपस्थित झाले? या वादावर दिलजीत दोसांझ यांनी आपले मौन सोडले. त्यांनी एका पोस्टद्वारे सांगितले की जेव्हा हानिया आमिरला ‘सरदार जी ३’ साठी कास्ट करण्यात आले तेव्हा परिस्थिती ठीक होती. बऱ्याच गोष्टी हातात नाहीत. गायकाने असेही म्हटले की निर्मात्यांनी हा चित्रपट भारतात नाही तर परदेशात प्रदर्शित करण्याचा निर्णय घेतला आहे.

Web Title: Sardaar ji 3 massive hit pakistani theaters diljit dosanjh shares reactions amid controversy over hania amir

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com