‘हार कर जीतने वाले को बाजीगर कहते हैं’; बॉक्स ऑफिसवर पुन्हा कल्ला करायला परततोय ‘बाजीगर’!

शाहरुख खानच्या नवीनच नव्हे तर जुन्या चित्रपटांचीही अजूनही चाहत्यांमध्ये खूप चर्चा होत असते. आता अश्यातच अभिनेत्याचा सुपरहिट चित्रपट 'बाजीगर' एकदा मोठ्या पडद्यावर परतणार असल्याची माहिती निर्मात्यांनी दिली आहे.

सातही खंडांवर मिळालेला गौरव हा त्यांचं जागतिक लोकप्रियतेचा स्पष्ट पुरावा आहे. आशिया पासून अफ्रिका, युरोप ते ऑस्ट्रेलिया आणि अमेरिकेपासून दक्षिण अमेरिकेपर्यंत SRK ने सर्वत्र आपलं अधिराज्य गाजवलं आहे. विशेष म्हणजे, हे करण्याचा भाग्य लाभलेला तो एकमेव अभिनेता आहे.

Follow Us:

Follow Us:

पठाण आणि जवानच्या यशानंतर किंग खानकडे अनेक मोठे प्रोजेक्ट्स आहेत. सध्या शाहरुख त्याच्या आगामी ‘किंग’ चित्रपटाचे शूटिंग करत आहे. सिनेप्रेमीही अभिनेत्याच्या चित्रपटांची आतुरतेने वाट पाहत असतात. दरम्यान, शाहरुखच्या ब्लॉकबस्टर चित्रपटाच्या सिक्वेलचे अपडेट समोर आले आहे. विशेष म्हणजे याला स्वतः निर्मात्याने दुजोरा दिला आहे. आणि आता या चित्रपटाचा सिक्वेल पाहण्यासाठी चाहते आतुर झाले आहेत.

शाहरुख खानच्या बाजीगर चित्रपटातील संवादही अजूनही चाहत्यांच्या आठवणीत आहेत. आणि त्या संवादांना प्रेक्षक अजूनही प्रेम देत आहेत. या चित्रपटात अभिनेत्याने अजय शर्माची भूमिका साकारली होती या चित्रपटामधील त्याचा प्रसिद्ध संवाद म्हणजे ‘हार कर जीतने वाले को बाजीगर कहते हैं’ आता या चित्रपटाच्या सिक्वेलशी संबंधित शाहरुखच्या चाहत्यांसाठी एक आनंदाची बातमी समोर आली आहे.

बाजीगरच्या सिक्वेलला निर्मात्याने मंजुरी दिली
बाजीगर चित्रपटाचे निर्माते रजत जैन यांनी पुष्टी केली आहे की बाजीगरचा सिक्वेल बनवण्याची तयारी सुरू करण्यात आली आहे. ज्यासाठी शाहरुख खानसोबत निर्मात्यांचे बोलणे सुरु आहे. मात्र, अद्याप या चित्रपटाची स्क्रिप्ट तयार झालेली नाही. सध्या बाजीगर 2 बनवण्याचा विचार अभिनेत्याकडे व्यक्त करण्यात आला आहे. रजत जैन यांनी बोलणे पूर्ण केले आणि सांगितले की येत्या काळात लोकांना बाजीगरचा सीक्वल नक्कीच पाहायला मिळेल. आमची टीम कथेवर चांगले काम करत आहे जेणेकरून बाजीगरचा वारसा कायम ठेवता येईल. ही बातमी ऐकून चाहत्यांना चांगलाच आनंद झाला आहे.

हे देखील वाचा- बिग बॉस संपल्यानंतरही निक्की-अरबाजचा बाँड कायम, Vacation Mood ऑन करत शेअर केले मनालीतले फोटो

बाजीगर चित्रपटाचे काम शाहरुखशिवाय अपूर्ण
लोकप्रिय निर्माते रजत जैन यांच्या वक्तव्यावरून एक गोष्ट स्पष्ट झाली आहे की, बाजीगरच्या सिक्वेलची शाहरुखशिवाय कल्पनाही करता येणार नाही. ही आनंदाची बातमी ऐकल्यानंतर चाहत्यांमध्येही चित्रपटाविषयीची उत्सुकता निर्माण झाली आहे. या चित्रपटामध्ये अभिनेता आता नक्की काय भूमिका साकारणार हे पाहणे आता चाहत्यांसाठी उत्सुकतेचे झाले आहे.

हे देखील वाचा- बर्थडे गर्ल निकिता दत्ताची 5 फॅशन लुक्स पहाच!

बाजीगरने शाहरुखला केले सुपरस्टार
1993 मध्ये रिलीज झालेल्या बाजीगर चित्रपटाने शाहरुख खानला सुपरस्टार बनवले होते हे सर्वांनाच माहीत आहे. या चित्रपटात शाहरुखने अजय शर्माची नकारात्मक भूमिका साकारली होती. तर, किंग खानची डायलॉग डिलिव्हरी आणि भावनिक भाव प्रेक्षकांना भावले. यानंतरच लोकांच्या हृदयात किंग खानसाठी एक खास जागा निर्माण झाली. या चित्रपटासाठी दिग्दर्शक अब्बास मस्तानची पहिली पसंती शाहरुख नसून सलमान होती अशीही कथा आहे. रेडिओ नशाला दिलेल्या मुलाखतीत दिग्दर्शकाने सांगितले होते की, ‘शाहरुखची प्रतिभा पाहून आम्ही त्याला हा चित्रपट ऑफर केला होता.’ आता पुन्हा हा चित्रपट मोठया पडद्यावर झळकणार आहे.

Web Title: Shah rukh khan baazigar sequel confirmed by producer ratan jain

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com