(फोटो सौजन्य- इन्स्टाग्राम)
कलर्स मराठीवरील लोकप्रिय मालिका ‘पिंगा गं पोरी पिंगा’ प्रेक्षकांना खिळवून ठेवणाऱ्या एका महत्त्वपूर्ण वळणावर आली आहे. या मालिकेला प्रेक्षकांचं भरभरून प्रेम मिळत आहे. तसेच नुकत्याच झालेल्या मालिकेच्या भागात वल्लरी आणि तिचा पती मनोज पुन्हा प्रेम खुलताना दिसणार आहे. आगामी भागामध्ये वल्लरीची मनोजला खंभीर साथ देताना दिसणार आहे.
‘तुळजाभवानीचा आशिर्वाद म्हणूनच ही भूमिका मिळाली’, देवीच्या भक्तीत लीन पूजा काळे
कलर्स मराठीवरील पिंगा गं पोरी पिंगा या मालिकेत या आठवड्यात घटस्थापना पूजाच्या उत्सवाच्या वातावरणात गंभीर वळण घेताना दिसले आहे. मालिकेमध्ये मनोज अचानक पडतो, आणि घरात भीतीचे वातावरण तयार होताना दिसत आहे. वल्लारी, त्याच्या तब्येतीबाबत गंभीर चिंता व्यक्त करत, त्याला डॉक्टरकडे घेऊन जाते. मात्र डॉक्टरचे म्हणणे आहे यावर कोणताही उपचार नाही, आणि फक्त त्याच्या उरलेल्या दिवसांत काळजी घेणेच एकमेव पर्याय आहे.परंतु वल्लारीला हे मान्य नाही आणि ती मनोजला दुसरी ओपिनियन घेण्यास पटवते. तिचा हा निर्धार आणि त्याच्याबद्दलची काळजी दर्शवते कि मनोजला त्याच्या कठीण काळात वल्लरीची खंबीर साथ मिळते.
इंदुमतीला मात्र हे समजत नाही आणि वल्लारीला कारण न देता बाहेर गेल्याबद्दल खोटं बोलते. या क्षणी मनोज वल्लारीचा बचाव करतो, ज्यामुळे इंदुमतीला प्रश्न पडतो डायव्होर्स होण्याच्या परिस्थितीतही तो वल्लारीच्या बाजूने का उभा आहे? मालिकेत पुढे वल्लरी मनोजला कशी धीर देणार ? मनोजच्या अचानक बिघडलेल्या तब्बेतीच काय कारण असेल ? मनोजच्या आजाराचं कारण काय असेल ? वल्लरी ते कशी शोधून काढणार ? पुढे मालिकेत काय होणार हे सगळं मालिकेच्या आगामी भागामध्ये समजणार आहे.
दरम्यान, वल्लारीच्या दुसऱ्या ओपीनिनमध्ये एक ट्विस्ट समोर येतो. ज्यामुळे वल्लारी डॉक्टरच्या उद्देशांबाबत संशय घेते. सत्य समजून घेण्यासाठी ती मनोजकडे प्रश्न उपस्थित करते. या सर्व घडामोडींमध्ये, प्रेरणा अण्णा केदारच्या छळाखाली, तिचं आयुष्य धोक्यात आहे, तर दुसरीकडे तेजा वल्लारीकडे तिची काळजी व्यक्त करते. मनोज आणि वल्लारीच्या नात्यात तब्येतीच्या संकटामुळे वाढती जवळीक आणि वल्लारीच्या सत्य शोधण्याच्या प्रयत्नांमुळे प्रेक्षकांची उत्सुकता शिगेला पोहोचली आहे. वल्लारी मनोजच्या तब्येतीच्या खऱ्या सत्यापर्यंत पोहचेल का? हे संकट त्यांचे नाते टिकवू शकेल का, की गुपिते त्यांच्या नात्यात दुरावा आणतील? हे सगळं मालिकेमध्ये पाहायला मिळणार आहे.
