Thalapathy Vijay (Photo Credit- X)
Thalapathy Vijay and Bouncer FIR: दाक्षिणात्य सुपरस्टार आणि आता राजकारणी बनलेले थलापती विजय (Thalapathy Vijay) पुन्हा एकदा वादाच्या भोवऱ्यात सापडले आहेत. आपल्या राजकीय कारकिर्दीच्या सुरुवातीलाच त्यांना कायदेशीर आव्हानांचा सामना करावा लागत आहे. एका कार्यकर्त्याला स्टेजवरून खाली फेकल्याचा व्हिडिओ व्हायरल झाल्यानंतर, विजय आणि त्यांच्या बाउन्सरविरुद्ध पोलिसांत FIR दाखल करण्यात आला आहे.
हा व्हिडिओ विजयच्या तामिळगा वेत्री कझगम (TVK) या राजकीय पक्षाच्या पेराम्बलूर जिल्ह्यातील एका रॅलीदरम्यानचा आहे. सोशल मीडियावर व्हायरल झालेल्या या व्हिडिओमध्ये स्पष्टपणे दिसते की, विजयचा एक बाउन्सर स्टेजवर असलेल्या एका व्यक्तीला उचलून थेट रॅम्पवरून खाली फेकून देतो. त्यानंतर लगेचच थलापती विजय त्याच रॅम्पवर येतात. या घटनेनंतर हा व्हिडिओ मोठ्या प्रमाणात व्हायरल झाला, ज्यामुळे मोठा वाद निर्माण झाला.
Seriously this is very very disgusting. Why our fellow human beings become so senseless? This guy Vijay was a film actor hence his face is recognised by every one and many youngsters have gone on to believe the movies and real life has connection. But throwing down and… pic.twitter.com/SL9m0WmOhc — ncsukumar (@ncsukumar1) August 24, 2025
ज्या व्यक्तीला बाउन्सरने खाली फेकले, त्याचे नाव सरथकुमार असल्याचे समोर आले आहे. या घटनेनंतर सरथकुमार यांनी जिल्हा पोलिस अधीक्षक कार्यालयात तक्रार दाखल केली. त्यांच्या तक्रारीच्या आधारे, कुन्नम पोलिसांनी विजय आणि त्याच्या बाउन्सरविरुद्ध एफआयआर नोंदवला आहे. सरथकुमार यांचा आरोप आहे की एका घटनेदरम्यान विजयच्या सुरक्षा कर्मचाऱ्यांनी त्यांना मारहाण केली. कुन्नम पोलिसांनी दिलेल्या माहितीनुसार, भारतीय दंड संहितेच्या तीन कलमांखाली त्यांच्यावर गुन्हा दाखल करण्यात आला आहे.
ही घटना अशा वेळी घडली आहे, जेव्हा विजयने नुकतीच २०२६ मध्ये होणाऱ्या विधानसभा निवडणुकीत मदुराई पूर्वेतून निवडणूक लढवण्याची घोषणा केली आहे, ज्यामुळे त्यांच्या राजकीय प्रवासाची सुरुवात वादाने झाली आहे.
