विजय देवरकोंडा-रश्मिका मंदाना अडकणार लग्नबंधनात? लवकरच साखरपुडा उरकणार असल्याची सिनेसृष्टीत चर्चा!

काही दिवसांपूर्वी, विजय देवरकोंडा व रश्मिका मंदानाने एकत्र नवं वर्ष साजर केल्याचं वृत्त समोर आलं होतं. त्यानंतर आता या रुमर्ड कपलच्या घरी लवकरच सनई-चौघडे वाजणार असल्याच्या चर्चांना उधाण आलं आहे.

Follow Us:

Follow Us:

नवीन वर्षात सध्या सिनेसृष्टीत लग्नाचे वारे वाहू लागले आहेत. नुकतचं अभिनेता आमिर खानची लेक इरा खाननं बॅायफ्रेंड नुपुर शिखरेसोबत लग्नगाठ बांधली. येत्या काही दिवसात अनेक सेलेब्रिटी लग्नबंधनात अडकणार आहेत. या यादीच दाक्षिणात्या अभिनेता विजय देवरकोंडा (Vijay Deverakonda)आणि नॅशनल क्रश अभिनेत्री रश्मिका मंदाना (Rashmika Mandanna) हे नाव आता समोर येत आहे. हे क्युट कपल लवकरच लग्न करण्याच्या असल्याची माहिती समोर येत आहे. गेल्या अनेक दिवसांपासून एकमेकांना डेट करत असून लवकरच त्यांचा साखरपुडा होणार आहे. त्यांच्या लग्नसोहळ्याची चाहत्यांना उत्सुकता आहे.

[read_also content=”‘अ‍ॅनिमल’ सारखे चित्रपट हिट होणं धोकादायक, जावेद अख्तर यांच वक्तव्य चर्चेत, म्हणाले- जर एखाद्या पुरुषाने महिलेला…. https://www.navarashtra.com/movies/javed-akhtar-controversial-statement-about-animal-nrps-495800.html”]

विजय-रश्मिका एकमेकांना करत आहेत डेट?

गेल्या कित्येक वर्षापासून विजय आणि रश्मिका एकमेकांना डेट करत असल्याच्या चर्चा सुरू आहेत. अनेकदा या कपलला एकत्र स्पॅाट करण्यात आलं. असं असलं तरीही या दोघांनीही त्यांच्या नात्याबद्दल मौन बाळगलं असून आतापर्यंत रिलेशनबद्दल अधिकृतरित्या भाष्य केलेलं नाही. मात्र, चाहत्यांनाही यांची जोडी आवडतं असून त्यांच्या लग्नाच्या चर्चांना सोशल मीडियावर उधाण आलं आहे. काही दिवसापुर्वी, विजय आणि रश्मिकने एकत्र नवं वर्ष सेलिब्रेट केल्याचं वृत्त समोर आलं होतं त्यामुळे आता त्यांच्या घरी लवकरच सनई-चौघडे वाजणार असल्याच्या चर्चा रंगू लागल्या आहेत.

 

View this post on Instagram

 

A post shared by Rashmika Mandanna (@rashmika_mandanna)

कशी झाली दोघांची पहिली भेट

विजय आणि रश्मिकाने गीता गोविंदम या चित्रपटात पहिल्यांदा स्क्रिन शेअर केली. या चित्रपटाला चाहत्यांचा तुफान प्रतिसाद मिळाला. तेव्हापाहून त्यांची जोडी चर्चेत आली त्यानंतर  डिअर कॅाम्रेड या चित्रपटातही दोघ एकत्र आले. हा चित्रपटही हिट ठरला. मात्र,गीता गोविंदम च्या सेटवर या त्यांच्यामध्ये जवळीक वाढली. तेव्हापासून या दोघांच नाव जोडलं जात आहे. चाहतेही त्यांना ऑनस्क्रिन एकत्र पाहिल्यानंतर आता ऑफस्क्रिन एकत्र पाहण्यासाठी उत्साही आहेत.  आता ही ऑनस्क्रीन हिट ठरलेली जोडी लवकरच साखरपुडा करणार आहे, अशी चर्चा रंगली आहे.

Web Title: Vijay deverakonda rashmika mandanna get married soon rumors goes viral nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com