अयोध्येतील राम मंदिराच्या शिखरावर केशरी ध्वज फडकवण्यात आला असून ध्वजारोहण समारंभात पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ असे अनेक प्रमुख अतिथी सहभागी झाले. राम मंदिर हे भारतातील एक प्रमुख तीर्थस्थळ असून लाखो भाविकांची श्रद्धा आणि देणगी यामुळे याच्या बांधणीचे काम यशस्वीरित्या पूर्ण झाले. आता प्रश्न असा पडतो की, जगप्रसिद्ध राम मंदिराचा कायदेशीर मालक कोण आणि याची देखभाल नक्की करत? चला याचे उत्तर जाणून घेऊया.
अयोध्येतील राम मंदिराचे मालक कोण? मालमत्ता कुणाची... कुणाला मिळतात दान केलेले पैसे
आम्ही तुम्हाला सांगतो की, सर्वोच्च न्यायालयाने आपल्या ऐतिहासिक निकालात, वादग्रस्त राम मंदिर जमिनीचे खरे कायदेशीर मालक म्हणून "राम लल्ला विराजमान" यांना स्पष्टपणे मान्यता दिली. याचा अर्थ असा की भगवान रामाचे बालरूप हे या मंदिराचे वारसदार आहेत.
राम लल्ला मंदिराचे कायदेशीर मालक असले तरी त्याच्या देखभालीची, बांधकामाची आणि व्यवस्थापनाची संपूर्ण जबाबदारी 'श्री राम जन्मभूमी तीर्थ क्षेत्र ट्रस्ट' यांच्यावर सोपवण्यात आली आहे.
राम मंदिरासाठी भाविकांनी दिलेले प्रत्येक लहान-मोठे दान हे ट्रस्टच्या बँक खात्यात थेट जमा होते. राम मंदिरासाठी अनेकांनी रक्कम, सोनं तसेच अनेक मौल्यवान वस्तू दान म्हणून अर्पण केल्या आहेत.
देणग्यांच्या पारदर्शकतेसाठी मंदिर संकुलात देणगी काउंटर आहे, जिथे देणग्यांच्या पावत्या दिल्या जातात. दानपेट्यांमधून पैसे काढण्याचे काम स्टेट बँक ऑफ इंडियाचे अधिकारी आणि ट्रस्ट सदस्य संयुक्तपणे करतात.
ट्रस्टमध्ये जमा झालेला संपूर्ण निधी हा मंदिराची देखभाल, सुरक्षा भविष्यातील विस्तार आणि धार्मिक कार्यांसाठी वापरला जाणार आहे. दान केलेल्या प्रत्येक रुपयाचा योग्य वापर व्हावा यासाठी ट्रस्ट सातत्याने प्रयत्न करत आहे.
