Marathi News »
Religion »
Aja Ekadashi 2025 Donate These Things According To Your Zodiac Sign

Aja Ekadashi: आजा एकादशीच्या दिवशी तुमच्या राशीनुसार करा ‘हे’ उपाय, तुमची प्रत्येक समस्येतून होईल सुटका

आजा एकादशीचे व्रत मंगळवार, 19 ऑगस्ट रोजी पाळण्यात येणार आहे. या दिवशी तुम्ही तुमच्या राशीनुसार विष्णूंना काही गोष्टी अर्पण केल्यास त्यांचा फायदा होईल. आजा एकादशीच्या दिवशी राशीनुसार कोणत्या गोष्टी अर्पण करायच्या.

By प्राजक्ता प्रधान

Updated On: Aug 14, 2025 | 03:46 PM

फोटो सौजन्य- pinterest

हिंदू धर्मामध्ये प्रत्येक महिन्यामध्ये दोन वेळा एकादशी येते. एक शुक्ल पक्षाची आणि दुसरी कृष्ण पक्षामध्ये. प्रत्येक एकादशीला स्वतःचे असे महत्त्व आहे. वर्षभरामध्ये येणाऱ्या 24 एकादशी तिथीपैकी आजा एकादशीला विशेष महत्त्व आहे. असे मानले जाते की या दिवशी उपवास केल्याने भगवान विष्णू त्यांच्या भक्तांच्या सर्व इच्छा पूर्ण करतात. यावेळी कृष्ण पक्षातील एकादशी म्हणजे आजा एकादशीचे व्रत मंगळवार, 19 ऑगस्ट रोजी पाळले जाणार आहे. आजा एकादशीला सिद्धी योग आणि शिववास योग हे शुभ योग देखील तयार होत आहे. ज्यामुळे हा दिवस खूप खास असणार आहे. त्यामुळे आजा एकादशीच्या दिवशी तुमच्या राशीनुसार या गोष्टींचे दान करा.

मेष रास

मेष राशीच्या लोकांना आजा एकादशीच्या दिवशी लाल फुले अर्पण करावीत. त्यामुळे भगवान विष्णू प्रसन्न होतात.

वृषभ रास

वृषभ राशीच्या लोकांनी आजा एकादशीच्या पांढऱ्या रंगाच्या वस्तू दान कराव्यात. त्यामुळे तुमच्या कुटुंबामध्ये सुख समृद्धी टिकून राहील.

मिथुन रास

अजा एकादशीला मिथुन राशीच्या लोकांनी भगवान विष्णूंना प्रसन्न करण्यासाठी हिरव्या कपड्याचे दान करावे.

Janmashtami 2025: श्रीकृष्णाला कोणते फूल आवडते? जन्माष्टमीनिमित्त कोणत्या गोष्टींचा दाखवावा नैवेद्य, जाणून घ्या

कर्क रास

आजा एकादशीला कर्क राशीच्या लोकांनी खीर अर्पण करावी त्यामुळे भगवान विष्णू आणि देवी लक्ष्मी प्रसन्न होतात. तसेच कुटुंबामध्ये आनंदाचे वातावरण राहते.

सिंह रास

सिंह राशीच्या लोकांनी आजा एकादशीच्या दिवशी पिवळे कपडे अर्पण करावेत. तसेच या दिवशी पिवळे कपडे परिधान देखील करावे. यामुळे भगवान विष्णू प्रसन्न होतात.

कन्या रास

कन्या राशीच्या लोकांनी आजा एकादशीला पांढऱ्या मिठाईसह केशर अर्पण करावे. जे लोक आर्थिक संकटाचा सामना करत आहे ते दूर होतात. तसेच कुटुंबामध्ये सुख समृद्धीचे वातावरण राहते.

तूळ रास

तूळ राशीच्या लोकांनी आजा एकादशीला ढऱ्या रंगाचे दान करावे. ज्यामुळे वैवाहिक जीवन चांगले राहते. तसेच जीवनामध्ये येणाऱ्या समस्या दूर होतात.

वृश्चिक रास

आजा एकादशीला वृश्चिक राशीच्या लोकांनी गुळाचे दान करावे. त्यामुळे नोकरी आणि व्यवसायात अपेक्षित यश मिळेल. त्यामुळे भगवान विष्णू प्रसन्न होतील.

Janmashtami Predictions: जन्माष्टमीचा दिवस या मूलांकासाठी असेल शुभ, प्रत्येक क्षेत्रात मिळेल यश

धनु रास

धनु राशीच्या लोकांनी आजा एकादशीच्या दिवशी पिवळ्या रंगांचे कपडे आणि चंदन दान करावे. तसेच पिवळी फळे देखील दान करावीत. त्यामुळे भगवान विष्णू प्रसन्न होतात.

मकर रास

आजा एकादशीला मकर राशीच्या लोकांनी दही आणि वेलची अर्पण करावी. त्यामुळे भगवान विष्णू प्रसन्न होतील.

कुंभ रास

कुंभ राशीच्या लोकांनी आजा एकादशीच्या दिवशी पिंपळाच्या झाडाखाली तिळाच्या तेलाचा दिवा लावावा. त्यामुळे भगवान विष्णू प्रसन्न होतील.

मीन रास

आजा एकादशीच्या दिवशी मीन राशीच्या लोकांनी गरिबांची सेवा करावी. आपल्याला शक्य असेल तसे गरिबांना दान करावे. भगवान विष्णूंना साखरेचा नैवेद्य दाखवावा.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)