शनिवार, 17 ऑक्टोबर 2026
फोटो सौजन्य- pinterest
सोन्याची अंगठी परिधान करणे ही एक सामान्य गोष्ट आहे. पण तुम्हाला माहिती आहे का ती कोणत्या बोटात परिधान करणे शुभ आणि अशुभ आहे. सोन्याचा संबंध सूर्य आणि गुरु ग्रहांशी आहे. यामुळे आपल्या जीवनात, आरोग्यात आणि आध्यात्मिक प्रगतीमध्ये यश मिळवण्यास मदत करते, अशी मान्यता आहे. जर सोन्याची अंगठी आपण योग्य पद्धतीने बोटात परिधान केल्यास त्याचे शुभ परिणाम आपल्याला मिळतात.
जर तुम्हाला तुमचे व्यक्तिमत्त्वात आत्मविश्वास, बुद्धिमत्ता आणि अध्यात्म वाढवायचे असेल, तर तर्जनीमध्ये सोन्याची अंगठी घालणे फायदेशीर आहे, कारण ती ज्ञान आणि नेतृत्वासाठी सर्वोत्तम मानली जाते. तर्जनी हे बोट गुरु ग्रहाशी संबंधित आहे, जे गुरु आणि ज्ञानाचे प्रतीक आहे.
मधले बोट शनि ग्रहाशी संबंधित आहे तर सोन्याचा संबंध सूर्याशी आहे, अशी मान्यता आहे. सूर्य आणि शनि यांच्यातील संबंध तणावपूर्ण आहेत, म्हणून या बोटावर सोन्याची अंगठी घातल्याने संघर्ष, अडथळा आणि नकारात्मक ऊर्जा वाढू शकते. म्हणून, चुकूनही या बोटात सोन्याची अंगठी परिधान करु नका.
सोन्याची अंगठी अनामिका बोटात परिधान करणे शुभ मानले जाते. अनामिकाचा संबंध सूर्य आणि शुक्र ग्रहाशी आहे. ज्यामुळे आकर्षण, सर्जनशीलता, प्रसिद्धी आणि नेतृत्व क्षमता वाढवते. लग्नानंतर महिला अनेकदा या बोटात अंगठी घालतात, जे एक शुभ चिन्ह आहे.
अंगठ्यामध्ये सोन्याची अंगठी परिधान केल्याने शक्ती, आत्मविश्वास आणि नियंत्रणाचे प्रतीक आहे, परंतु सावधगिरी बाळगणे आवश्यक आहे. परंतु ती जास्त काळ धारण केल्याने व्यक्तीमध्ये अहंकार, हट्टीपणा आणि राग यासारख्या प्रवृत्ती वाढू शकतात. म्हणून, ती मर्यादित काळासाठीच घालावी.
करंगळीचा संबंध बुध ग्रहांशी आहे. जो संवाद, बुद्धिमत्ता, तर्क आणि व्यवसायाचे प्रतीक आहे. जर एखाद्या व्यक्तीला संवादात पारंगत व्हायचे असेल किंवा त्याचे काम बोलणे, लिहिणे किंवा व्यवसाय यांचा समावेश असेल तर करंगळीत सोन्याची अंगठी घालणे फायदेशीर ठरू शकते. तसेच करंगळीमध्ये सोन्याची अंगठी परिधान केल्याने निर्णय घेण्यामध्ये स्पष्टता येते, असे मानले जाते.
ज्योतिषशास्त्रानुसार, उजव्या बोटात सोने घालणे नेहमीच शुभ मानले जाते, विशेषतः पुरुषांसाठी. तर महिला ते दोन्ही हातात घालू शकतात.
सोन्याची अंगठी परिधान करताना ‘ॐ ह्रीम बृहस्पतेय नमः’ या मंत्राचा जप केल्याने शुभ फळं मिळतात.
सोन्याची अंगठी परिधान करण्यासाठी गुरुवार हा शुभ दिवस मानला जातो, परंतु योग्य आणि पात्र ज्योतिषी किंवा पंडितांच्या सल्ल्यानुसार ती रविवारी आणि इतर दिवशी (शनिवार वगळता) देखील घालता येते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
