Dinvishesh : टायटॅनिक जहाजाच्या अपघाताने हादरवले जग! जाणून घ्या 15 एप्रिलचा इतिहास

15 एप्रिल रोजी अटलांटिक महासागराच्या बर्फाळ पाण्यात, टायटॅनिक बुडाले. जहाजावर पुरेशा संख्येने लाईफबोट्स नसल्याने अनेकांचा बुडून मृत्यू झाला होता. ही जगाच्या इतिहासातील अत्यंत दुर्देवी घटना मानली जाते.

15 एप्रिल 1912रोजी अटलांटिक महासागराच्या बर्फाळ टायटॅनिक जहाज बुडाले (फोटो - टीम नवराष्ट्र)

Follow Us:

Follow Us:

जगातील प्रत्येक कानाकोपऱ्यात हे जहाज माहिती नाही असा मनुष्य सापडणार आहे. टायटॅनिक जहाज आणि त्याचा झालेला अपघात हे एक दुर्दैवी इतिहासापैकी एक आहे. 15 एप्रिल रोजी 1912 मध्ये उत्तर अटलांटिकच्या बर्फाळ पाण्यात टायटॅनिक जहाज बुडाले. या अपघातामध्ये दीड हजारहून अधिक लोकांनी आपला जीव गमावला. यामुळे आजचा दिवस हा टायटॅनिक स्मृति दिन म्हणून लक्षात ठेवला जातो. या अपघातामध्ये बुडून जीव गमावलेल्या 1500 जीवांचे स्मरण करतो. “बुडणारे जहाज” म्हणून ओळखले जाणारे टायटॅनिक 14 एप्रिल 1912 रोजी रात्री 11.40 वाजता इंग्लंडहून न्यू यॉर्क शहराच्या पहिल्या प्रवासात एका हिमनगाला धडकले. नंतर, 15  एप्रिल रोजी अटलांटिक महासागराच्या बर्फाळ पाण्यात, टायटॅनिक बुडाले. जहाजावर पुरेशा संख्येने लाईफबोट्स नसल्याने अनेकांचा बुडून मृत्यू झाला होता.

15 एप्रिल रोजी जगाच्या आणि देशाच्या पाठीवर घडलेल्या महत्त्वपूर्ण घटना

• 1673 : मराठा साम्राज्याचे सरदार प्रतापराव गुजर यांनी बहलोल खान पठाण विरुद्ध मोठी लढाई जिंकली.
• 1892 : जनरल इलेक्ट्रिक कंपनीची स्थापना झाली.
• 1912 : आर. एम. एस. टायटॅनिक हे जहाज उत्तर अटलांटिक महासागरात बुडाले.
• 1923 : मधुमेह असलेल्या लोकांसाठी इन्सुलिन सामान्यतः वापरण्यासाठी उपलब्ध झाली.
• 1940 : दुसरे महायुद्ध – मित्र राष्ट्रांनी नाझी जर्मनीच्या ताब्यात असलेल्या नॉर्विक शहरावर हल्ला केला.
• 1955 : डेस प्लेन्स, इलिनॉय येथे पहिले मॅकडोनाल्डचे रेस्टॉरंट उघडले.
• 1994 : भारताची दर आणि व्यापारावरील सामान्य करार ( GATT ) प्रस्तावावर स्वाक्षरी झाली

15 एप्रिल रोजी जन्म दिनविशेष

• 1452 :  इटालियन चित्रकार, संशोधक, गणितज्ञ आणि भौतिकशास्त्रज्ञ लिओनार्डो डा विंची यांचा जन्म. (मृत्यू: 2 मे 1519)
• 1469 :  शिख धर्माचे संस्थापक आणि पहिले गुरू गुरू नानक देव यांचा जन्म. (मृत्यू: 22 सप्टेंबर 1539)
• 1707 : स्विस गणितज्ञ लिओनार्ड ऑयलर यांचा जन्म. (मृत्यू: 18 सप्टेंबर 1783)
• 1741 : चित्रकार, निसर्गवैज्ञानिक व सैनिक चार्ल्स विल्सन पील अमेरिकन यांचा जन्म. (मृत्यू: 22 फेब्रुवारी 1827)
• 1893 : चरित्रकार, टीकाकार, इतिहास संशोधक, संत साहित्याचे अभ्यासक व लेखक नरहर रघुनाथ तथा ‘न. र. फाटक’ यांचा जन्म. (मृत्यू: 21 डिसेंबर 1979)
• 1894 : सोविएत युनियनचे राष्ट्राध्यक्ष निकिता क्रूश्चेव्ह यांचा जन्म. (मृत्यू: 11 सप्टेंबर 1971)
• 1901 : भारतीय राजकारणी अजय मुखर्जी यांचा जन्म.
• 1912 : उद्योजक व वेदाभ्यासक मल्हार सदाशिव तथा बाबूराव पारखे  यांचा जन्म. (मृत्यू: 13 जानेवारी 1997)
• 1912 : उत्तर कोरियाचे राष्ट्राध्यक्ष ‘किम सुंग’ (दुसरे) यांचा जन्म. (मृत्यू: 8 जुलै 1994)
• 1922 : गीतकार हसरत जयपुरी यांचा जन्म. (मृत्यू: 17 सप्टेंबर 1999)
• 1932 : ‘कवी सुरेश भट यांचा जन्म. (मृत्यू: 14 मार्च 2003)
• 1963 : भारतीय क्रिकेटपटू  मनोज प्रभाकर यांचा जन्म झाला.

15 एप्रिल रोजी मृत्यू दिनविशेष

• 1794 : पंडीतकवी मोरेश्वर रामचंद्र पराडकर उर्फ मोरोपंत यांचे निधन.
• 1864 : अमेरिकेचे 16 वे राष्ट्राध्यक्ष अब्राहम लिंकन यांची जॉन बूथ याने हत्या केली. (जन्म: 12 फेब्रुवारी 1809)
• 1912 :  आर. एम. एस. टायटॅनिक जहाजाचा कप्तान एडवर्ड जे. स्मिथ यांचे निधन. (जन्म: 27 जानेवारी 1850)
• 1980 : फ्रेन्च लेखक, कवी, तत्त्वज्ञ आणि नोबेल पारितोषिक विजेते जेआँ-पॉल सार्त्र यांचे निधन. (जन्म: 21 जून 1905)
• 1990 : हॉलिवूड अभिनेत्री ग्रेटा लोविसा गुस्ताव्हसन’ ऊर्फ ‘ग्रेटा गार्बो यांचे निधन. (जन्म: 18 सप्टेंबर 1905)
• 1995 : तत्कालीन मध्यभारत राज्याचे पहिले मुख्यमंत्री पंडित लीलाधर जोशी यांचे निधन.
• 1998 : ‘कंबोडियातील 20 लाख नागरिकांच्या हत्याकांडास जबाबदार असणारा ख्मेर रुजचा नेता पॉल पॉट यांचे निधन. (जन्म: 19 मे 1925)
• 2013 : संत साहित्याचे अभ्यासक वि. रा. करंदीकर यांचे निधन झाले. (जन्म: 27 ऑगस्ट 1919)

Web Title: On april 15 1912 the titanic sank in the icy waters of the atlantic ocean

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com