ENG vs ZIM : Joe Root चा टेस्ट क्रिकेटमध्ये धुराळा! ‘या’ दोन भारतीय दिग्गजांना केले ओव्हरटेक, बनला नंबर-१ फलंदाज..  

झिम्बाब्वे क्रिकेट संघ सध्या इंग्लंड दौऱ्यावर आहे. चार दिवसांच्या कसोटी सामन्याच्या पहिल्याच दिवशी इंग्लंडने आपला आक्रमक फॉर्म दाखवून दिला आहे. तसेच या सामन्यात इंग्लंडचा अनुभवी फलंदाज जो रूटने एक विक्रम केला आहे.

जो रूट(फोटो-सोशल मीडिया)

Follow Us:

Follow Us:

ENG vs ZIM : झिम्बाब्वे क्रिकेट संघ सध्या इंग्लंड दौऱ्यावर असून जिथे दोन्ही संघांमध्ये चार दिवसांचा कसोटी सामना खेळवण्यात येत आहे. या कसोटीच्या पहिल्याच दिवशी इंग्लंडने आपला आक्रमक फॉर्म दाखवून दिला आहे. ब्रिटिशांनी झिम्बाब्वेच्या गोलंदाजांचा धुव्वा उडवत पहिल्याच दिवशी ४९८ धावांचा डोंगर उभा केला आहे. इतकेच नाही तर जो रूटने या सामन्यात फक्त ३४ धावा करून मोठा  इतिहास रचला आहे. या सोबतच त्याने भारतीय महान खेळाडू सचिन तेंडुलकर आणि राहुल द्रविड यांना मागे टाकले आहे.

इंग्लंड संघाचा धोकादायक फलंदाज जो रूट एकामागून एक विक्रम खालसा करत आहे. तो कसोटी सामन्यांमध्ये दबदबा राखून आहे. दरम्यान, झिम्बाब्वेविरुद्ध ३४ धावा केल्यानंतर तो माघारी परतला, परंतु त्याने भारताचे दिग्गज फलंदाज सचिन तेंडुलकर आणि राहुल द्रविड यांना ओव्हरटेक केले आहे.

हेही वाचा : ‘माहित नाही कुठली हिंदी शिकून आलीय..’, Shikhar Dhawan चा गर्लफ्रेंड Sophie Shine वर राग अनावर अन् पुढे..; पहा व्हिडिओ

जो रूटने कसोटी क्रिकेटमध्ये रचला इतिहास

झिम्बाब्वेविरुद्धच्या कसोटीच्या पहिल्या दिवशी जो रूटने ४४ चेंडूत ३४ धावा केल्या होत्या, त्यानंतर त्याला माघारी परतावे लागले होते.  जरी त्याने छोटेखानी खेळी केली सळी तरी या दरम्यान त्याने एक मोठी कामगिरी केली आहे. त्याने आता कसोटी क्रिकेटमध्ये सर्वात जलद १३,००० धावा पूर्ण केल्या आहेत. जो रूटने कसोटी क्रिकेटमध्ये १३,००० धावा पूर्ण करण्यासाठी फक्त १५३ डाव खेळेल आहेत.

‘या’ दिग्गजांना टाकले मागे

जो रूटने आता दक्षिण आफ्रिकेचा माजी दिग्गज जॅक कॅलिस, भारताचा राहुल द्रविड आणि सचिन तेंडुलकर, ऑस्ट्रेलियाचा रिकी पॉन्टिंग यांना मागे सोडले आहे.  जॅक कॅलिसने कसोटी क्रिकेटमध्ये १५९ सामने खेळून १३ हजार धावा पूर्ण केल्या होत्या.  याशिवाय राहुल द्रविडने १६०, रिकी पॉन्टिंगने १६२ तर सचिन तेंडुलकरने १६३ सामने खेळले आहेत.

तीन फलंदाजांनी शतके केली

झिम्बाब्वेविरुद्धच्या पहिल्याच दिवशी इंग्लिश फलंदाजांनी झिम्बाब्वेच्या गोलंदाजांची चांगलीच धुलाई केली. इंग्लंडने तीन विकेटच्या मोबदल्यात ४९८ धावा उभारल्या. जिथे ३ फलंदाजांनी शतके झळकावली. ज्यामध्ये जॅक क्रॉलीने १२४ धावा, बेन डकेटने १४० धावा आणि ऑली पोपने १६९ धावा कुटल्या. तर, जो रूट ३४ धावा करून माघारी परतला.

हेही वाचा : RCB vs SRH : विराटच्या नावे नव्या इतिहासाची नोंद! T20 मध्ये ‘असा’ विक्रम करणारा ‘किंग कोहली’ जगातील पहिला खेळाडू..

भारताविरुद्धचा सामना २० जूनपासून होईल सुरू

२० जूनपासून भारत आणि इंग्लंड संघात ५ सामन्यांची कसोटी मालिका खेळवण्यात येणार आहे. यापैकी पहिली कसोटी 20-24 जून (लॉर्ड्स), दुसरा कसोटी सामना २ ते ६ जुलै (बर्मिंगहॅम), तिसरा कसोटी सामना 10 ते 14 जुलै (लॉर्ड्स), चौथा कसोटी सामना 23 ते 27 जुलै (मँचेस्टर) आणि पाचवा कसोटी सामना 31 जुलै ते 4 ऑगस्टदरम्यान (ओव्हल, लंडन) खेळवला जाणार आहे.

Web Title: Eng vs zim joe roots record in test cricket overtook these two indian legends

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com