फोटो सौजन्य - बीसीसीआय सोशल मिडिया
India vs South africa 2nd test : भारत आणि दक्षिण आफ्रिका यांच्यामध्ये दोन सामन्यांची मालिका खेळवली जात आहे. भारत आणि दक्षिण आफ्रिका दोन्ही संघांना गुवाहाटीच्या खेळपट्टीची माहिती नाही, परंतु माजी सलामीवीर आकाश चोप्राला असा विश्वास आहे की, अशा खेळपट्टीवर खेळण्याचा त्यांचा पूर्वीचा अनुभव असल्याने यजमान संघाला अजूनही थोडासा फायदा आहे. चोप्रा म्हणाला की, जर कर्णधार शुभमन गिल मानेच्या दुखापतीमुळे खेळू शकत नसेल तर साई सुदर्शनला तिसऱ्या क्रमांकाच्या महत्त्वाच्या स्थानावर फलंदाजीसाठी निवडले पाहिजे.
कोलकाता कसोटी ३० धावांनी गमावल्यानंतर, भारत दोन सामन्यांची मालिका बरोबरीत आणण्याचा विचार करत आहे, परंतु पहिल्यांदाच कसोटी आयोजित करणाऱ्या एसीए स्टेडियममध्ये खेळणे एक नवीन आव्हान निर्माण करेल. दुसऱ्या कसोटीपूर्वी, चोप्रा महणाला, गुवाहाटीत क्रिकेट कसे खेळेल हे कोणालाही माहिती नाही कारण ते एक नवीन कसोटी ठिकाण आहे. अर्थात, तेथे प्रथम श्रेणी क्रिकेट खेळले गेले आहे आणि अलिकडच्या महिला विश्वचषक सामन्यांमध्ये आम्ही बरेच बॉल स्पिन पाहिले. जर तुम्ही पहिल्यांदाच तिथे खेळत असाल तर खेळपट्टी शुभमन गिल, साई सुदर्शन किंवा ऋषभपंतसाठी तितकीच चांगली आहे जितकी ती टेम्बा बावुमा किंवा रायन रिकेल्टनसाठी आहे. त्यामुळे दोन्ही संघांसाठी हे आव्हान आहे.
#AakashChopra highlights how the young guns of Team India consistently show incredible mental toughness, especially after setbacks. 💪🏻🔥#INDvSA 2nd Test 👉 STARTS SAT, 22nd NOV, 8 AM pic.twitter.com/1WpodTFZrW — Star Sports (@StarSportsIndia) November 20, 2025
क्रिकेटमधील सर्वकालीन महान खेळाडू कोण आहे असे विचारले असता, बहुसंख्य चाहते सचिन तेंडुलकरचे उत्तर देतात . काही जण एमएस धोनीचे नावही घेतात, कारण त्याने कर्णधार आणि फलंदाज म्हणूनही उत्कृष्ट कामगिरी केली. त्याच वेळी, मोठ्या संख्येने लोक स्टीव्ह स्मिथचा देखील उल्लेख करतात. तथापि, माजी भारतीय खेळाडू आणि अनुभवी हिंदी समालोचक आकाश चोप्रा यांचे मत वेगळे आहे आणि त्यांनी इतर कोणाला तरी सर्व प्रकारच्या क्रिकेटमधील सर्वकालीन महान खेळाडू म्हणून नाव दिले आहे.
आपल्या फलंदाजी आणि हिंदी समालोचनाने चाहत्यांच्या हृदयात एक विशेष स्थान मिळवणारा आकाश चोप्रा अलीकडेच एका कार्यक्रमात आला. कार्यक्रमादरम्यान त्याने विविध गोष्टींवर चर्चा केली, ज्यात क्रिकेटच्या सर्व स्वरूपांमध्ये या पिढीतील सर्वोत्तम फलंदाज कोण आहे यावरही चर्चा झाली. आकाश चोप्राने सर्व फॉरमॅट लक्षात घेऊन विराट कोहलीचे नाव या काळातील सर्वोत्तम फलंदाज म्हणून घेतले आहे, जो आता कसोटी आणि टी-२० आंतरराष्ट्रीय क्रिकेटमधून निवृत्त झाला आहे परंतु अजूनही एकदिवसीय क्रिकेटमध्ये सक्रिय आहे.
