IND vs JAP (Photo Credit- X)
India Beat Japan: हॉकी आशिया कप २०२५ मध्ये भारतीय संघाची (Team India) दमदार कामगिरी सुरूच आहे. चीनला पराभूत केल्यानंतर आता भारताने जपानचाही धुव्वा उडवला आहे. एका थरारक सामन्यात हरमनप्रीत सिंग अँड कंपनीने जपानला ३-२ अशी मात दिली. या विजयासह भारताने स्पर्धेतील सलग दुसरा विजय मिळवला असून, आपले वर्चस्व सिद्ध केले आहे आणि सुपर ४ मध्ये प्रवेश केला आहे.
भारताचा कर्णधार हरमनप्रीत सिंग याची जादू पुन्हा एकदा पाहायला मिळाली. त्याने एकापाठोपाठ एक असे दोन गोल डागले. दुसऱ्या बाजूला, जपानने अखेरच्या क्षणी दुसरा गोल करून बरोबरी साधण्याचा पूर्ण प्रयत्न केला. मात्र, भारतीय संघाच्या मजबूत बचावाला ते भेदण्यात अपयशी ठरले.
🇮🇳 INDIA EDGE JAPAN 3-2 IN HOCKEY ASIA CUP THRILLER 🔥 Skipper Harmanpreet Singh struck twice as India battled past Japan in their 2nd pool match at the Asia Cup in Bihar. 📌 Earlier in their opening game, India had scraped past China 4-3 in another nail-biting contest. pic.twitter.com/4qZL4djGeW — Sports India (@SportsIndia3) August 31, 2025
भारतीय संघासाठी सामन्याची सुरुवात अत्यंत जोरदार झाली. खेळाच्या सुरुवातीलाच मनदीप सिंगने भारतासाठी पहिला गोल करून १-० अशी आघाडी मिळवून दिली. त्यानंतर लगेचच कर्णधार हरमनप्रीतने पेनल्टी कॉर्नरचा फायदा घेत भारताची आघाडी २-० अशी वाढवली. जपानलाही काही संधी मिळाल्या, पण त्या त्यांना साधता आल्या नाहीत. पहिल्या क्वार्टरच्या अखेरीस भारताने २-० अशी आघाडी कायम राखली.
दुसऱ्या क्वार्टरची सुरुवात भारतासाठी फारशी चांगली झाली नाही, कारण अमित रोहिदासला ग्रीन कार्ड दाखवण्यात आले. या क्वार्टरमध्ये दोन्ही संघांना एकही गोल करता आला नाही. त्यामुळे, पहिल्या हाफपर्यंत भारताची २-० अशी आघाडी कायम होती. तिसऱ्या क्वार्टरमध्ये जपानने दमदार सुरुवात केली आणि कोसी कावाबेने आपल्या संघासाठी पहिला गोल केला.
पण, काही मिनिटांतच कर्णधार हरमनप्रीतने पेनल्टी कॉर्नरवर गोल डागून भारताची आघाडी ३-१ अशी केली. ‘सरपंच साहेबां’ने पेनल्टी कॉर्नरच्या संधीचा पुरेपूर फायदा घेत सामन्यात आपला दुसरा गोल केला. यानंतर, अखेरच्या क्वार्टरमध्ये जपानने आणखी एक गोल केला, पण खूप प्रयत्न करूनही ते बरोबरी साधू शकले नाहीत.
