तिलक वर्मा(फोटो-सोशल मीडिया)
IND VS PAK Asia Cup 2025 Final : रविवारी, २८ सप्टेंबर रोजी आशिया कप २०२५ (Asia Cup 2025 ) स्पर्धेचा अंतिम सामना खेळला गेला. अंतिम सामन्यात भारत आणि पाकिस्तान हे दोन संघ आमनेसामने होते. या सामन्यात भारताने पाकिस्तानचा ५ विकेट्स पराभव करून आशिया कप २०२५ चे जेतेपद जिंकले. भारत आणि पाकिस्तान यांच्यात रोमांचक सामना रंगला होता. भारताने पाकिस्तानने दिलेले १४७ धावांच्या लक्ष्य गाठत पाकिस्तानचा धुव्वा उडवला. तिलक वर्मा या विजयाचा खरा हीरो ठरला, ज्याने नाबाद ६९ धावांची शानदार खेळी खेळून भारताला असगिया कप २०२५ चा किताब मिळवून दिला. या दरम्यान तिलक वर्माने एक मोठा विक्रम देखील रचला. ३० टी-२० आंतरराष्ट्रीय डावांनंतर, तिलक वर्मा सर्वाधिक टी-२० सरासरीसह भारताचा फलंदाज बनला आणि विराट कोहलीचा विक्रम मोडीत काढला.
हेही वाचा : IND vs PAK Final : BCCI ‘ट्रॉफी चोर’ मोहसीन नक्वी विरोधात आयसीसीकडे निषेध नोंदवणार? अधिकाऱ्याने केला खुलासा
तिलक वर्माची टी-२० सरासरी ५३.४ आहे, तर विराट कोहलीची ५०.७ सरासरी असून त्यापाठोपाठ मनीष पांडेची ४३.१ आणि केएल राहुलची ४१.९ आहे. याव्यतिरिक्त, सूर्यकुमार यादवची सरासरी ३९.० आहे. तिलक वर्मा ने त्याच्या शेवटच्या १३ टी२० डावांमध्ये ९५.५ च्या सरासरीने ५०० पेक्षा जास्त धावा फटकावल्या आहेत. जे त्याच्या सातत्यपूर्ण फलंदाजीचे उदाहरण आहे.
तिलक वर्मा – सरासरी ५३.४, स्ट्राईक रेट १४९
विराट कोहली – सरासरी ५०.७, स्ट्राईक रेट १३६
मनीष पांडे – सरासरी ४३.१, स्ट्राईक रेट १२६
केएल राहुल – सरासरी ४१.९, स्ट्राईक रेट १४५
सूर्यकुमार यादव – सरासरी ३९.०, स्ट्राईक रेट १७३
तिलक वर्माने ३० टी२० डावांमध्ये १३ वेळा ३०+ धावा फटकावल्या आहेत. ज्यामुळे सुरेश रैनाचा विक्रमात बरोबरीत साधली आहे. विराट कोहलीने १६ वेळा ३०+ धावा काढल्या आहेत आणि सूर्यकुमार यादवने १४ वेळा ३०+ धावा करण्याची किमया केली आहे. या विक्रमावरून हे स्पष्ट केले की, तिलक वर्मा हा केवळ युवा खेळाडू नसून तो भारतासाठी एक विश्वासार्ह खेळाडू देखील बनला आहे.
आशिया कपच्या अंतिम फेरीत भारताची पहिल्यांदाच सुरुवात निराशाजनक झाल्याचे दिसून आले. भारताने पहिल्या पाच षटकांत २० धावांत तीन विकेट्स गमावल्या. तथापि, तिलकने सर्व जबाबदारी आपल्या खाद्यावर घेऊन भारताचा डाव सांभाळला, केवळ धावसंख्या वाढवण्याबरोबर त्याने संघाचे मनोबल देखील उंचावले. त्याने ५३ चेंडूत नाबाद ६९ धावा केल्या, त्याला संजू सॅमसनने २४ आणि शिवम दुबेच्या २१ चेंडूत ३३ धावांची साथ मिळाली. या भागीदारीमुळे भारताने सामना ५ विकेट्सने आपल्या खिशात घातला.
हेही वाचा : IND vs PAK: पाकडे नाही सुधारणार! दहशतवाद्यांना देणार आशिया कपमध्ये मिळालेले पैसे, मसूद अजहर मालामाल
