Head coach Majumdar’s comments on the World Cup victory : रविवारी, २ नोव्हेंबर रोजी आयसीसी महिला एकदिवसीय विश्वचषकाचा अंतिम सामना खेळला गेला. या सामन्यात भारतीय महिला संघाने दक्षिण आफ्रिका महिला संघाचा ५२ धावांनी पराभव केला आणि आपले पहिले जेतेपद पटकावले. दरम्यान, भारतीय महिला संघासह मुख्य प्रशिक्षक यांच्यावर आता अभिनंदनाचा वर्षाव होत आहे. अशातच दक्षिण आफ्रिकेविरुद्धच्या विश्वचषक अंतिम विजयाची तुलना १९८३ च्या पुरुष विश्वचषकाशी भारतीय महिला संघाचे प्रशिक्षक अमोल मजुमदार यांनी केली.
मजुमदार म्हणाले की, या विजयात भारतीय क्रिकेटमध्ये मोठा बदल घडवून आणण्याची क्षमता आहे. महिला विश्वचषक अंतिम सामन्यात दक्षिण आफ्रिकेचा ५२ धावांनी पराभव करून भारताने जागतिक जेतेपदाचा दुष्काळ संपवला. या संघाने यापूर्वी २००५ आणि २०१७मध्ये उपविजेतेपद मिळवले होते. १९८३ मध्ये कपिल देव यांच्या नेतृत्वाखालील भारतीय पुरुष संघ विश्वविजेता झाल्यानंतर देशात क्रिकेटची लोकप्रियता लक्षणीयरीत्या वाढली, ज्यामुळे पिढ्यांना हा खेळ स्वीकारण्यास प्रेरणा मिळाली.
अमोल पुढे म्हणाले की, मजुमदार म्हणाले, भारतीय क्रिकेटमध्ये ही एक महत्त्वाची चळवळ आहे (मोठ्या प्रगतीचे आणि सकारात्मक बदलाचे प्रतीक). शेवटच्या तीन सामन्यांसाठी स्टेडियम खचाखच भरले होते. लाखो प्रेक्षक टेलिव्हिजनवर हे पाहत होते. यातून काहींना प्रेरणा मिळाली असेल. १९८३ च्या विश्वचषक विजयाने अनेक पिढ्यांना प्रेरणा दिली आणि या विजयातही असेच करण्याची क्षमता आहे. विश्वविजेते म्हणून भारताचा विजय अविश्वसनीय असल्याचे सांगून ते म्हणाले की त्यांना ते आत्मसात करण्यासाठी थोडा वेळ लागेल. ही एक अविश्वसनीय भावना आहे आणि मला वाटते की दिवस जातील तसे मी ते आत्मसात करेन. स्पर्धेच्या साखळी टप्यात दक्षिण आफ्रिका, इंग्लंड आणि ऑस्ट्रेलियाकडून सलग पराभव झाल्यानंतर भारताला बाहेर पडण्याचा धोका होता, परंतु मजुमदार यांनी त्यांच्या उल्लेखनीय पुनरागमनासाठी संघाच्या भावनेचे कौतुक केले.
हेही वाचा : IND vs PAK : 16 तारखेला भारताचा सामना होणार पाकिस्तानशी, रायझिंग स्टार्स आशिया कपचे संपूर्ण वेळापत्रक जाहीर
