मंगळवार, 10 नोव्हेंबर 2026
टीम आरसीबी(फोटो-सोशल मिडिया)
IPL 2025 : इंडियन प्रीमियर लीग २०२५ उत्साहाच्या शिखरावर आहे आणि या हंगामातील ४४ सामने संपले आहेत. या हंगामात कोणते संघ प्लेऑफमध्ये पोहोचतील हे पाहिले तर चित्र पूर्णपणे स्पष्ट नाही कारण कोणत्याही संघाचा विजय किंवा पराभव संपूर्ण समीकरण बिघडू शकतो. तथापि, क्रिकेट तज्ज्ञांनी कोणते संघ प्लेऑफमध्ये पोहोचू शकतात याबद्दल त्यांचे मत देण्यास सुरुवात केली आहे. या हंगामाच्या कमेंट्री पॅनेलमध्ये समाविष्ट असलेले माजी भारतीय फिरकी गोलंदाज अनिल कुंबळे यांनी कोणता संघ प्लेऑफमध्ये पोहोचण्याची शक्यता आहे याबद्दल देखील सांगितले.
अनिल कुंबळे यांनी यावेळी प्लेऑफमध्ये पोहोचण्याचे प्रबळ दावेदार कोण आहेत हे सांगितले. त्यांनी शुभमन गिलच्या नेतृत्वाखालील गुजरात टायटन्सला त्यांच्या यादीत पहिल्या क्रमांकावर ठेवले. गुजरात संघाने या हंगामात पराभवाने सुरुवात केली होती, परंतु हा संघ आता चांगल्या स्थितीत आहे आणि ८ पैकी ६ सामने जिंकून १२ गुणांसह पॉइंट टेबलमध्ये पहिल्या स्थानावर आहे.
हेही वाचा : IPL 2025 : या खेळाडूंनी फ्रॅन्चायझींचे कोट्यवधी रुपये घालवले पाण्यात! भारताच्या या मोठ्या नावांचा समावेश
कुंबळे यांनी दिल्ली कॅपिटल्सना दुसऱ्या क्रमांकावर ठेवले. अक्षर पटेलच्या नेतृत्वाखाली दिल्लीने ८ पैकी ६ सामने जिंकले आहेत आणि त्यांचेही १२ गुण आहेत, परंतु नेट रन रेटच्या आधारे ते गुजरातच्या मागे आहे, ज्यामुळे ते दुसऱ्या क्रमांकावर आहे. कुंबळे यांनी मुंबई इंडियन्सलाही त्यांच्या यादीत स्थान दिले. हंगामाच्या सुरुवातीला मुंबईची कामगिरी खराब होती, परंतु संघाने पुनरागमन केले आणि सलग ४ सामने जिंकल्यानंतर, हा संघ सध्या १० गुणांसह ५ व्या क्रमांकावर आहे. या संघाला ५ सामने खेळायचे आहेत आणि जर या संघाने यापैकी ३ सामने जिंकले तर ते प्लेऑफमध्ये पोहोचेल हे जवळजवळ निश्चित आहे.
आयपीएल 2025 मध्ये काल झालेल्या सामन्यात रॉयल चॅलेंजर्स बंगळुरूने दिल्ली कॅपिटल्सला त्यांच्या घरच्या मैदानावरच 6 विकेट्सने पराभूत केले आहे. या सामन्यात दिल्लीच्या संघाची निराशाजनक कामगिरी पाहायला मिळाली. दिल्ली कॅपिटल्सच्या संघाने प्रथम फलंदाजी करत १६२ धावा केल्या होत्या. प्रतिउत्तरात यामध्ये रॉयल चॅलेंजर्स बंगळुरूच्या विराट कोहली आणि कृणाल पंड्या यांच्या अर्धशतकांच्या जोरावर दिल्लीवर विजय मिळवला. विराट कोहलीने ४७ चेंडूंमध्ये ५१ धावा केल्या तर कृणाल पंड्याने शानदार फलंदाजी करत ४७ चेंडूंमध्ये ७३ धावा केल्या. यामध्ये त्याने ४ षटकार आणि ५ चौकार लागावले. तसेच गोलंदाजीमध्ये देखील त्याने १ विकेट घतली.
