NZ vs ENG : इंग्लंडच्या विजयानंतर WTC गुणतालिकेत बदल, कोण आहेत फायनलमध्ये पोहोचण्याचे दावेदार

किवी संघ डब्ल्यूटीसी फायनलच्या शर्यतीत असल्याने, पहिली कसोटी गमावल्याने त्यांच्या आशांना मोठा धक्का बसला आहे. इंग्लंडच्या या विजयाचा कसोटी चॅम्पियनशिपच्या अंतिम फेरीच्या शर्यतीवर काय परिणाम झाला ते येथे जाणून घ्या.

फोटो सौजन्य - England Cricket सोशल मीडिया

Follow Us:

Follow Us:

न्यूझीलंड विरुद्ध इंग्लंड : न्यूझीलंड विरुद्ध इंग्लंड यांच्यामध्ये सध्या तीन सामान्यांची कसोटी मालिका सुरु आहे. यांच्यामध्ये नुकताच पहिला कसोटी सामना झाला आहे. इंग्लंडने पहिल्या कसोटीत न्यूझीलंडचा 8 गडी राखून पराभव केला आहे. इंग्लिश संघाच्या विजयात सर्वात मोठा वाटा ब्रायडेन कारसेचा होता, ज्याने सामन्यात एकूण 10 बळी घेतले. न्यूझीलंडच्या या पराभवामुळे जागतिक कसोटी चॅम्पियनशिपच्या गुणतालिकेत बरेच बदल झाले आहेत. किवी संघ डब्ल्यूटीसी फायनलच्या शर्यतीत असल्याने, पहिली कसोटी गमावल्याने त्यांच्या आशांना मोठा धक्का बसला आहे. इंग्लंडच्या या ऐतिहासिक विजयाचा कसोटी चॅम्पियनशिपच्या अंतिम फेरीच्या शर्यतीवर काय परिणाम झाला ते येथे जाणून घ्या.

क्रीडाच्या संबंधित बातमी वाचण्यासाठी येथे क्लिक करा.

वर्ल्ड टेस्ट चॅम्पियनशिप गुणतालिकेमध्ये इंग्लंड वर्ल्ड टेस्ट चॅम्पियनशिपच्या अंतिम फेरीच्या शर्यतीतून आधीच बाहेर आहे. पण त्याच्या हातात इतकी ताकद आहे की तो अंतिम फेरीत किवी संघाच्या सर्व आशा संपुष्टात आणू शकतो. इंग्लंड सध्या 43.75 गुणांसह गुणतालिकेत सहाव्या स्थानावर आहे. तर न्यूझीलंडच्या गुणांची टक्केवारी 50 आहे आणि संघ चौथ्या स्थानावर कायम आहे. क्राइस्टचर्चमध्ये खेळल्या गेलेल्या पहिल्या सामन्यात ब्रायडेन कारसेने 10 विकेट्स घेत आणि हॅरी ब्रूकने 171 धावांची शतकी खेळी करून खळबळ उडवून दिली.

रूटला पहिल्या डावात खातेही उघडता आले नाही. मात्र दुसऱ्या डावात कमी धावा करूनही त्याने एक मोठा विक्रम आपल्या नावावर केला. या सामन्यात इंग्लंड संघाने यजमानांवर पूर्णपणे वर्चस्व गाजवले. न्यूझीलंडचा संघ पहिल्या डावात 348 धावा करण्यात यशस्वी ठरला. इंग्लंडने पहिल्या डावात 499 धावा केल्या आणि 151 धावांची आघाडी घेतली. यानंतर न्यूझीलंडने दुसऱ्या डावात 254 धावा केल्या आणि इंग्लंडला 104 धावांचे लक्ष्य दिले, जे त्यांनी सहज गाठले.

🏴󠁧󠁢󠁥󠁮󠁧󠁿 ENGLAND WIN! 🏴󠁧󠁢󠁥󠁮󠁧󠁿

Brydon Carse takes 10 in the match and Harry Brook hits 171 in a brilliant victory in Christchurch 👊 pic.twitter.com/Zil5SWyW7Z

— England Cricket (@englandcricket) December 1, 2024

आपल्या 23 धावांच्या खेळीने रूटने सचिन तेंडुलकरचा मोठा विक्रम मोडीत काढला आहे. कसोटी सामन्यात चौथ्या डावात सर्वाधिक धावा करणारा तो फलंदाज ठरला आहे. रूट त्याची 150 वी कसोटी खेळत होता. आता चौथ्या डावात सर्वाधिक धावा करण्याच्या बाबतीत तो नंबर-1 बनला आहे. त्याच्या आधी हा विक्रम सचिनच्या नावावर होता.

वर्ल्ड टेस्ट चॅम्पियनशिपच्या गुणतालिकेत अव्वल स्थानावर

इंग्लंडच्या या विजयाचा भारतावर कोणताही परिणाम झालेला नाही. टीम इंडिया अजूनही 61.11 गुणांच्या टक्केवारीसह अव्वल स्थानावर आहे, तर दक्षिण आफ्रिका श्रीलंकेविरुद्ध 233 धावांनी मोठ्या विजयानंतर दुसऱ्या स्थानावर आहे, ज्याची गुण टक्केवारी 59.26 आहे. ऑस्ट्रेलिया तिसऱ्या स्थानावर घसरला आहे, ज्याची गुणांची टक्केवारी 57.69 आहे. न्यूझीलंड चौथ्या आणि श्रीलंका संघ पाचव्या स्थानावर आहे. न्यूझीलंडच्या या पराभवामुळे ऑस्ट्रेलिया आणि दक्षिण आफ्रिका संघांना दिलासा मिळाला असता. कारण त्यामुळे त्यांच्या फायनलमध्ये जाण्याच्या आशा वाढल्या आहेत. इंग्लंड आधीच बाहेर आहे, तर न्यूझीलंडने कसोटी मालिकेतील पुढील दोन सामने गमावले तर किवी संघ अंतिम फेरीच्या शर्यतीतून पूर्णपणे बाहेर पडेल.

Web Title: Nz vs eng world test championship standings changes after england win

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com