शुभमन गिल ठरला चौथ्यांदा ICC Player of the Month चा विजेता! ‘या’ दोन मातब्बर खेळाडूंना दिला धोबीपछाड

भारतीय कसोटी संघाचा कर्णधार शुभमन गिल जुलै २०२५ महिन्याचा आयसीसी प्लेअर ऑफ द मंथ ठरला आहे. याबाबत आयसीसीकडून घोषणा करण्यात आली आहे. त्याने चौथ्यांदा हा पुरस्कार जिंकला आहे.

शुबमन गिल(फोटो-सोशल मीडिया)

Follow Us:

Follow Us:

ICC Player of the Month : भारतीय कसोटी संघाचा कर्णधार शुभमन गिलसाठी सद्याचे दिवस स्वप्नवत असे आहे. तो त्याच्या यशाच्या शिखरावर आहे. शुभमन गिल जुलै २०२५ महिन्याचा आयसीसी प्लेअर ऑफ द मंथ ठरला आहे. जुलै २०२५ महिन्यासाठी आयसीसी प्लेअर ऑफ द मंथसाठी गिलसह इंग्लंडचा कसोटी कर्णधार बेन स्टोक्स आणि दक्षिण आफ्रिकेचा अष्टपैलू खेळाडू विआन मुल्डर या तीन खेळाडूंना नामांकन देण्यात आले होते. यामध्ये भारताचा कसोटी कर्णधार शुभमन गिलने बाजी मारली आणि तो जुलै २०२५ महिन्याचा आयसीसी प्लेअर ऑफ द मंथ विजेता ठरला आहे. याबाबत त्याने विक्रमी चौथ्यांदा हा सन्मान पटकावला आहे. त्याने इंग्लंड दौऱ्यात आपल्या नेतृत्वासह बॅटने धावांचा पाऊस पडला होता.

भारतीय संघ नुकताच इंग्लंड दौऱ्यावरून आला आहे. तेंडुलकर-अँडरसन ट्रॉफी मालिकेत पाच सामन्यांची कसोटी मालिका खेळवण्यात आली होती. या मालिकेत भारतीय संघाची धुरा युवा शुभमन गिलच्या खांद्यावर देण्यात आली होती. शुभमन गिलने कर्णधार म्हणून आपल्या पदार्पणाच्या मालिकेत आपले नेतृत्व सिद्ध केले आहे. भारताने या मालिकेत २-२ अशी बरोबरी साधली आहे. ओव्हल येथे खेळवण्यात आलेल्या शेवटच्या आणि पाचव्या सामन्यात भारताने इंग्लंडचा ६ धावांनी पराभव करून मालिका २-२ अशी बरोबरीत सोडवली. या मालिकेत शुभमन गिलने शानदार फलंदाजी करत सर्वांचे लक्ष वेधून घेतले.

हेही वाचा : Women’s World Cup : ‘आयसीसी ट्रॉफीचा दुष्काळ संपवू…’, भारतीय कर्णधार हरमनप्रीत कौरने व्यक्त केला विश्वास..

शुभमन गिलची इंग्लंडविरुद्ध कामगिरी

शुभमन गिलने ५ सामन्यांमध्ये ७५४ धावा फटकावल्या आहेत. ज्यात जुलै २०२५ मध्ये झालेल्या पहिल्या तीन सामन्यांमध्ये त्याने ५६७ धावा केल्या. मालिकेत त्याने टीम इंडियासाठी प्लेअर ऑफ द सिरीज पुरस्कार देखील आपल्या नावे केला आहे. त्याने कर्णधारपद भूषवताना त्याच्या पहिल्याच मालिकेत चमक दाखवून दिली आहे. दबावाखाली सुरुवातीच्या विकेट्स पडल्यानंतर त्याने संघाचा आधारस्तंभ होऊन मोठं-मोठ्या खेळी खेळल्या आहेत. त्याच्या याच कामगिरीच्या जोरावर त्याने बेन स्टोक्स आणि विआन मुल्डरला मागे टाकून जुलै २०२५ महिन्याचा आयसीसी प्लेअर ऑफ द मंथ सन्मानावावर आपले नाव कोरले.

बेन स्टोक्सची कामगिरी

अष्टपैलू स्टोक्सने भारताविरुद्ध आश्चर्यजनक कामगिरी केल्यानं त्याला जुलै २०२५ महिन्याचा आयसीसी प्लेअर ऑफ द मंथसाठी नामांकन देण्यात आले. त्याने भारताविरुद्धच्या या मालिकेत इंग्लडच्या बेन स्टोक्सने देखील चमकदार कामगिरी केली आहे. बेन स्टोक्स शेवटच्या कसोटीत मात्र दुखापतीमुळे खेळू शकला नव्हता. शेवटच्या कसोटीतून बाहेर पडण्यापूर्वी, त्याने 50.20 च्या सरासरीने 251 धावा केल्या आणि 26.33 च्या सरासरीने 12 बळी देखील टिपले. त्याने चेंडू आणि बॅटने आपल्यासंघासाठी चांगले योगदान दिले.

हेही वाचा : फ्रांसच्या खेळाडूचा टी२० मध्ये विश्वविक्रम! ‘या’ पराक्रमाने क्रिकेट विश्वालाही केले चकित..

विआन मुल्डरने रचला इतिहास

दक्षिण आफ्रिकेचा अष्टपैलू खेळाडू विआन मुल्डरने झिम्बाब्वेविरुद्धच्या दोन कसोटी सामन्यांच्या मालिकेत ऐतिहासिक कामगिरी करून दाखवली होती. केली. त्याने २६५.५० च्या प्रभावी सरासरीने ५३१ धावा फटकावल्या आहेत. ज्यामध्ये पहिल्या कसोटीच्या दुसऱ्या डावात १४७ धावांच्या संयमी खेळीचा समावेश आहे. तसेच बुलावायो येथे खेळवण्यात आलेल्या दुसऱ्या कसोटी सामन्यात दक्षिण आफ्रिकेचे कसोटी सामन्यात प्रथमच नेतृत्व करणाऱ्या मुल्डरने नाबाद ३६७ धावांची ऐतिहसिक खेळी खेळून सर्वांना धक्का दिला. तसेच मुल्डरने गोलंदाजी करताना त्याने ७ बळी देखील टिपले. त्याची ही कामगिरी बघता त्याला जुलै २०२५ महिन्याचा आयसीसी प्लेअर ऑफ द मंथसाठी नामांकन मिळाले होते.

Web Title: Shubman gill wins icc player of the month for the fourth time

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com