Rohit Sharma : 10 वर्षांची प्रतीक्षा संपुष्टात! रोहित शर्मा रणजी ट्रॉफीमध्ये करणार पुनरागमन

खराब फॉर्म आणि कर्णधारपदामुळे रोहित गेल्या काही महिन्यांपासून लोकांच्या रडारवर आहे. मंगळवारी सकाळी वानखेडे स्टेडियमवर होणाऱ्या रणजी ट्रॉफीच्या सराव सत्रात तो सामील होणार आहे.

फोटो सौजन्य - सोशल मीडिया

Follow Us:

Follow Us:

रोहित शर्मा-रणजी ट्रॉफी : भारताचा संघ नुकताच बॉर्डर गावस्कर ट्रॉफी ऑस्ट्रेलिया विरुद्ध खेळून आला आहे. यामध्ये भारताच्या संघाला ऑस्ट्रेलियाने ३-१ असे पराभूत करून मालिका जिंकली आहे. भारतीय संघ ऑस्ट्रेलियामध्ये पराभूत झाल्यानंतर कॅप्टन रोहित शर्माच्या कर्णधारपदावर त्याचबरोबर भारतीय संघाच्या फलंदाजीवर मोठे प्रश्न उपस्थित करण्यात आले होते. आता आगामी मालिकेमध्ये भारताचा संघ इंग्लंडविरुद्ध T२० मालिका आणि एकदिवसीय मालिका खेळणार आहे. त्यानंतर १९ फेब्रुवारीपासून चॅम्पियन ट्रॉफीला सुरुवात होणार आहे.

टीम इंडिया लवकरच चॅम्पियन्स ट्रॉफीसाठी संघाची घोषणा करणार आहे. या संघाचा कर्णधार म्हणून रोहित शर्माची निवड निश्चित आहे. खराब फॉर्म आणि कर्णधारपदामुळे रोहित गेल्या काही महिन्यांपासून लोकांच्या रडारवर आहे. त्याने आता आपला जुना फॉर्म परत मिळवण्यासाठी महत्त्वाचा निर्णय घेतला असून, मंगळवारी सकाळी वानखेडे स्टेडियमवर होणाऱ्या रणजी ट्रॉफीच्या सराव सत्रात तो सामील होणार आहे. याबाबत त्यांनी मुंबई संघ व्यवस्थापनाला माहिती दिली आहे. एवढेच नाही तर आगामी चॅम्पियन्स ट्रॉफीच्या तयारीसाठी त्याने एमसीए-बीकेसी मैदानावर पुन्हा सराव सुरू केला आहे.

🚨 ROHIT SHARMA IS BACK. 🚨

– Rohit has informed the Mumbai team that he’ll be coming for the Ranji Trophy practice session scheduled tomorrow at Wankhede. (Express Sports). pic.twitter.com/LHkv48Mmtu

— Mufaddal Vohra (@mufaddal_vohra) January 13, 2025

यामुळे आता या स्पर्धेपूर्वी रोहित रणजी सामना खेळणार का, याची उत्सुकता वाढली आहे. ‘इंडियन एक्स्प्रेस’ मधील एका वृत्तानुसार तो मुंबई रणजी करंडक संघासोबत सराव सत्रासाठी येणार असून तो जम्मू-काश्मीरविरुद्धचा पुढील रणजी सामना खेळणार की नाही हे अद्याप निश्चित झालेले नाही.

रोहितने शेवटचा सामना मुंबई संघासोबत २०१५ मध्ये उत्तर प्रदेशविरुद्ध खेळला होता. भारताच्या ऑस्ट्रेलिया दौऱ्यात त्याने खराब खेळी खेळल्या, जिथे त्याने चार कसोटी सामन्यांमध्ये ३, ९, १०, ३, ६ धावा केल्या, ज्याने त्याला १०.९३ ची सरासरी दिली. ऑस्ट्रेलियाविरुद्ध सिडनी येथे झालेल्या शेवटच्या कसोटी सामन्यासाठी त्याने कर्णधारपद सोडण्याचा निर्णय घेतला होता, त्यानंतर जसप्रीत बुमराहने संघाची धुरा सांभाळली होती.

Bangladesh Premier League : सामन्यादरम्यान भिडले पाकिस्तान आणि बांग्लादेशी खेळाडू! मैदानात गदारोळ, व्हिडीओ व्हायरल

गंभीरने देशांतर्गत क्रिकेटबाबत केले वक्तव्य

यापूर्वी भारतीय संघाचे मुख्य प्रशिक्षक गौतम गंभीर म्हणाले होते की, सर्वांनी देशांतर्गत क्रिकेट खेळावे अशी माझी इच्छा आहे. तो म्हणाला होता, ‘प्रत्येकाने देशांतर्गत क्रिकेट खेळावे असे मला नेहमीच वाटते. देशांतर्गत क्रिकेटलाही असेच महत्त्व दिले पाहिजे. जर कोणी खेळण्यासाठी उपलब्ध असेल आणि लाल चेंडूचे क्रिकेट खेळण्यासाठी वचनबद्ध असेल तर त्याने देशांतर्गत क्रिकेट खेळलेच पाहिजे. देशांतर्गत क्रिकेटला महत्त्व दिले नाही तर कसोटी क्रिकेटमध्ये हवे तसे खेळाडू कधीच मिळणार नाहीत.

Web Title: The 10 year wait is over rohit sharma will make a comeback in ranji trophy

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com