क्रिकेटवरून एमएस धोनी आणि पत्नीमध्ये जुंपले भांडण; थर्ड अंपायरच्या निर्णयाने निवाडा; पाहा मजेदार VIDEO

MS Dhoni हा जागतिक दर्जाचा यष्टीरक्षक आहे, यामध्ये त्याने अनेक फलंदाजांना बाद केले आहे. जेव्हा त्याची बायकोच त्याला स्टम्पिंगचा नियम शिकवते, अन् बिचारा माही कसं रिअॅक्ट करतो, पाहा याचा मजेदार VIDEO

सौजन्य - m_s.dhoni क्रिकेटवरून एमएस धोनी आणि पत्नीमध्ये जुंपले भांडण, थर्ड अंपायरच्या निर्णयाने निवाडा, पाहा मजेदार VIDEO

Follow Us:

Follow Us:

MS Dhoni Sakshi argument ODI Match : क्रिकेटमध्ये स्टंपिंगबद्दल बोलताना एमएस धोनीपेक्षा चांगला कोणीही नाही. धोनीने त्याच्या क्रिकेट कारकिर्दीत एकूण 195 फलंदाजांना यष्टीचीत केले आहे, जो क्रिकेटमधील एक वेगळा विक्रम आहे. सध्या सोशल मीडियावर एक व्हिडिओ व्हायरल होत आहे, ज्यामध्ये धोनी त्याची पत्नी साक्षी धोनीसोबत स्टंपिंगबाबत झालेल्या वादाबद्दल सांगत आहे. 2015 मध्ये झालेल्या एकदिवसीय सामन्यावरून धोनी आणि साक्षी यांच्यात वाद झाला होता.

माहीचा पत्नीसोबतचा मजेदार व्हिडीओ

Only Sakshi can say this to Dhoni.
😭😭😭😭😭

That too specially when the Scenario was during Stumping

TBH : I LOVE HER ENERGY THOU'

pic.twitter.com/dKBbwsSE1G

— Its_Me_Maxeyyy 💛 (@maxeyyy_tweets) October 28, 2024

एकदिवसीय सामन्यातील वाद

या व्हायरल व्हिडिओमध्ये धोनी म्हणाला, आम्ही घरी 2015 चा एकदिवसीय सामना पाहत होतो, साक्षीही माझ्यासोबत होती. सहसा आम्ही दोघे क्रिकेटबद्दल बोलत नाही. गोलंदाजाने वाइड बॉल टाकला, फलंदाज पुढे गेला आणि मैदानात अंपायरने टीव्ही रिव्ह्यूसाठी इशारा केला. तेव्हा माझी पत्नी म्हणाली, ‘हे नॉट आऊट आहे, तुम्ही पाहत राहा कारण अंपायर बॅट्समनला परत बोलावतील पण स्टंपिंग होत नाही.’

धोनीने केले स्पष्ट
एमएस धोनीने पत्नीला समजावून सांगितले, वाईड बॉलवर स्टम्पिंग करून आऊट होऊ शकतो, पण नो बॉलवर नाही. साक्षी म्हणाली, ‘तुला काही कळत नाही, जरा थांब, पाहा थर्ड अंपायर त्याला परत बोलावेल.’ आम्ही हे संभाषण करीत असताना, फलंदाज सीमारेषेवर पोहोचला होता आणि तेव्हा साक्षी म्हणाली, नाही, पंचांना त्याला परत बोलावावे लागेल. पुढचा फलंदाज खेळायला आला तेव्हा ती म्हणाली, इथे नक्कीच काहीतरी गडबड झाली आहे.
प्रेक्षकांनी एमएस धोनीच्या मजेदार किस्साचा घेतला आनंद
यावेळी उपस्थित प्रेक्षकांनीही धोनी आणि साक्षीसोबत घडलेल्या या घटनेचा आनंद घेतला आणि खूप हसले. धोनी हा यष्टिरक्षक होता ज्याने जगातील सर्वाधिक (195) फलंदाजांना यष्टिचीत केले. या यादीत कुमारा संगकारा दुसऱ्या स्थानावर आहे, ज्याच्या नावावर एकूण 139 स्टंपिंग्ज आहेत.

IPL 2025 साठी सर्व फ्रॅंचायझींनी केले स्पष्ट

सर्व फ्रँचायझींना ३१ ऑक्टोबरपर्यंत कायम ठेवलेल्या खेळाडूंची यादी सादर करायची आहे. असे मानले जाते की CSK यावर्षी धोनीला अनकॅप्ड खेळाडू म्हणून कायम ठेवेल, ज्यामुळे त्याला संघात सामील होण्याचा मार्ग मोकळा होईल. धोनीने आयपीएल २०२४ पूर्वी सीएसकेचे कर्णधारपद सोडले होते आणि संघाची कमान रुतुराज गायकवाडकडे सोपवली होती, त्यामुळे त्याच्या भविष्याबाबत अटकळ बांधली जात होती. आता धोनीने स्वतः आयपीएल २०२५ मध्ये खेळण्याचे संकेत दिले आहेत. एक खेळाडू म्हणून गेल्या काही वर्षांत जे काही क्रिकेट खेळत आहे त्याचा आनंद घ्यायचा आहे, असे त्याने म्हटले आहे.

स्वतः माहीनेच सांगितले की क्रिकेट खेळणार की नाही

पुढे धोनी म्हणाला, माझ्या गेल्या काही वर्षांत जे काही क्रिकेट खेळू शकलो, त्याचा आनंद घ्यायचा आहे. लहानपणी जसा संध्याकाळी चार वाजता बाहेर पडून खेळायचो, तसाच खेळाचा आनंद घ्यायचा आहे. जेव्हा तुम्ही हा खेळ व्यावसायिकपणे खेळता तेव्हा कधी कधी त्याचा आनंद घेणे कठीण होते. मी करत असलेल्या प्रत्येक गोष्टीत भावना आणि वचनबद्धता गुंतलेली असते, परंतु मला पुढील काही वर्षे खेळाचा आनंद घ्यायचा आहे.

हेही वाचा : IPL 2025 Auction: कॅप्टन कुल आयपीएलमध्ये खेळणार! धोनीने स्वतः केले स्पष्ट

हेही वाचा : पाकिस्तान क्रिकेट डबघाईला; PCB च्या हुकूमशाहीला कंटाळून गॅरि कर्स्टननंतर आणखी एक खेळाडू होणार बाहेर; थेट निवृत्ती

Web Title: When ms dhoni clashed with his wife sakshi know who won the cricket debate between husband and wife

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com