हे आहेत जगातील सर्वाधिक मोबाईल युजर्स असलेले टॉप 10 देश! भारत कितव्या क्रमांकावर?

Most Numbers Of Mobile Users: जगातील प्रत्येक व्यक्ती मोबाईलचा वापर करतो. पण तुम्हाला माहिती आहे का, जगातील सर्वाधिक मोबाईल युजर्स कोणत्या देशात आहेत? या देशांची नावं वाचून नक्कीच तुम्हाला धक्का बसणार आहे.

हे आहेत जगातील सर्वाधिक मोबाईल युजर्स असलेले टॉप 10 देश! भारत कितव्या क्रमांकावर?

Follow Us:

Follow Us:

आपण आपल्या वेगवेगळ्या कामांसाठी मोबाईलचा वापर करतो. फोटोग्राफी, कॉलिंग, मेसेजिंग, तर कधी गुगलवर सर्च करण्यासाठी आपण स्मार्टफोनचा वापर करतो. याशिवाय स्मार्टफोनवरील सर्वात महत्त्वाची गोष्ट म्हणजे सोशल मीडिया. जगातील प्रत्येक देशात करोडो मोबाईल युजर्स आहेत. या मोबाईल युजर्सच्या संख्येत दिवसेंदिवस वाढ होत आहे. चला तर मग जाणून घेऊया, जगातील सर्वाधिक मोबाईल युजर्स कोणत्या देशात आहेत. या यादीमध्ये भारत कोणत्या स्थानावर आहे, जाणून घेऊया.

Realme लाँच करणार तगडा Smartphone, ‘लाँग लास्टिंग बॅटरी चँपियन’ आणि असे असणार फीचर्स! किती असेल किंमत जाणून घ्या

चीन- सुमारे 1.32 अरब मोबाईल कनेक्शन

चीन जगातील सर्वात जास्त लोकसंख्या असलेला देश आहे. याशिवाय या देशात मोबाईल युजर्सची संख्या सर्वात जास्त आहे. येथे, शहरांपासून ते खेड्यांपर्यंत सर्वत्र मोबाईलचा वापर अगदी सामान्य आहे. चीनमधील सर्वात मोठी मोबाईल सेवा कंपनी चायना मोबाईल आहे, ज्याचे कोट्यवधी युजर्स आहेत. म्हणजेच चीन केवळ लोकसंख्येतच नाही तर मोबाईल युजर्सच्या संख्येत देखील अव्वल स्थानावर आहे.  (फोटो सौजन्य – Pinterest)

भारत- सुमारे 1.17 अरब मोबाईल कनेक्शन

मोबाईल युजर्सच्या बाबातीत भारत देखील सर्वात पुढ आहे. भारतात मोबाईलची प्रचंड क्रेझ आहे. इथे गाव असो किंवा शहर, तुम्हाला प्रत्येक ठिकाणी मोबाईल युजर्स पाहायला मिळणार आहेत. पण प्रत्येकाकडे स्मार्टफोन असेलच असं नाही. भारतातील बहुतेक लोकं फीचर फोनचा देखील वापर करतात. व्होडाफोन आयडिया, जिओ आणि एअरटेल सारख्या कंपन्या आघाडीच्या टेलिकॉम कंपन्या म्हणून ओळखल्या जातात.

अमेरिका- सुमारे 32.7 करोड मोबाईल कनेक्शन

अमेरिकेत देखील बहुतेक लोकं मोबाईलचा वापर करतात. टेक्नोलॉजीच्या बाबतीत हा देश इतरांपेक्षा पुढारलेला आहे. म्हणूनच येथे मोबाईल आणि इंटरनेट दोन्हीचा वापर जास्त होतो.

ब्राझील- सुमारे 28.4 करोड मोबाईल कनेक्शन

दक्षिण अमेरिकेतील सर्वात मोठा देश ब्राझीलमध्ये देखील मोबाईल युजर्सची संख्या खूप जास्त आहे. इथे लोकं अँड्रॉईड स्मार्टफोनचा सर्वाधिक वापर करतात. विवो नावाची कंपनी येथे सर्वात मोठी दूरसंचार सेवा प्रदान करते.

रशिया- सुमारे 25 करोड मोबाईल कनेक्शन

रशियामध्ये देखील मोबाईलची प्रचंड क्रेझ आहे. येथील आघाडीच्या टेलिकॉम कंपन्यांमध्ये MTS, Beeline आणि MegaFon यांचा समावेश आहे.

लाखो मोबाइल युजर्स असलेले इतर प्रमुख देश:

• इंडोनेशिया- सुमारे 23.6 करोड
• नाइजीरिया- सुमारे 16.7 करोड
• बांग्लादेश- सुमारे 15.7 करोड
• पाकिस्तान- सुमारे 15 करोड
• जापान- सुमारे 14.6 करोड

IRCTC बंद करणार या युजर्सचे अकाऊंट; पुढचा नंबर तुमचा तर नाही ना… तात्काळ करा हे काम

का वाढतोय वापर?

स्मार्टफोन किंवा मोबाईल फोन एक असं डिव्हाईस आहे, ज्याच्या मदतीने आपण अगदी कमी वेळात आपली कामं पूर्ण करू शकतो. फोटोग्राफी असो किंवा कॉलिंग, चॅटिंग असो किंवा ऑनलाईन पेमेंट, हल्ली प्रत्येक गोष्ट स्मार्टफोनच्या मदतीने अगदी सहज पूर्ण केली जाऊ शकते. याच कारणामुळे मोबाईल युजर्सच्या संख्येत वाढ होत असल्याचं पाहायला मिळत आहे.

Web Title: List of the country with highest number of mobile phone users in the world tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com