WWDC 2025: अ‍ॅपल ईव्हेंटमध्ये watchOS 26 लाँच, नवीन लूक आणि स्मार्ट फीटनेससह मिळणार हे धमाकेदार फीचर्स

Apple WWDC 2025 Updates: टेक कंपनीने ईव्हेंटमध्ये केवळ त्यांच्या आयफोन्ससाठीच नाही तर वॉचसाठी देखील अपडेट्स जारी केले आहेत. नवीन लूक आणि स्मार्ट फीटनेससह आता युजर्सना एक नवीन अनुभव मिळणार आहे.

WWDC 2025: अ‍ॅपल ईव्हेंटमध्ये watchOS 26 लाँच, नवीन लूक आणि स्मार्ट फीटनेससह मिळणार हे धमाकेदार फीचर्स

Follow Us:

Follow Us:

वर्ल्डवाइड डेवलपर्स कॉन्फ्रेंस (WWDC) 2025 मध्ये Apple ने त्यांच्या वॉच युजर्ससाठी देखील अनेक अपडेट्स लाँच केले आहेत. या ईव्हेंटवेळी कंपनीने watchOS 26 अधितकृतपणे लाँच केलं आहे. यावेळी लाँच करण्यात आलेल्या अपडेटमुळे युजर्सचा अनुभव पूर्णपणे बदलणार आहे. watchOS 26 दमदार फीचर्ससह लाँच करण्यात आलं आहे. यामध्ये कंपनीने Liquid Glass डिझाईन आणि एक नवीन Workout Buddy फीचर दिलं आहे, जे Apple Intelligence ने सुसज्ज आहे. अ‍ॅपल वॉच अधिक पर्सनल, यूजफुल आणि मोटिवेशनल व्हावी यासाठी watchOS 26 लाँच करण्यात आलं आहे.

WWDC 2025: iPhone ची Android सोबत पुन्हा स्पर्धा, गुगलने तीन वर्षांपूर्वीच सादर केलेलं फीचर Apple युजर्ससाठी केलं लाँच

Liquid Glass डिजाइनसह मिळणालर नवीन लूक

watchOS 26 मधील सर्वात मोठा बदल म्हणजे नवीन Liquid Glass डिझाइन लँग्वेज. आता Apple Watch चा इंटरफेस पूर्वीपेक्षा अधिक ट्रांसपरेंट, स्मूद आणि फ्यूचरिस्टिक होणार आहे. स्मार्ट स्टॅक, कंट्रोल सेंटर, फोटो वॉच फेस आणि अ‍ॅप्सचे नेविगेशन आता रियल-टाइम रेंडरिंग इफेक्ट्ससह येणार आहेत. एवढंच नाही तर वॉच फेसवर दिसणाऱ्या संख्यांना देखील नवीन लूक देण्यात आला आहे, ज्यामुळे डिस्प्ले स्पेसचा अधिक चांगला वापर होऊ शकतो.

Workout Buddy: AI मधून मिळाली प्रेरणा

watchOS 26 मध्ये एक नवीन स्मार्ट फिटनेस फीचर देखील आला आहे, ज्याचं नाव आहे वर्कआऊट बडी. हे फीचर तुमचे हार्ट रेट, स्पीड, आणि वर्कआउट हिस्ट्रीच्या आधारे लाईव्ह मोटिवेशन देतो. हे Apple Intelligence चा वापर करते आणि Fitness+ ट्रेनर्सच्या आवाजात डायनामिक स्पीच जेनरेट करते. जर तुम्ही धावत असाल तर हे फीचर बोलू शकते की, फक्त 18 मिनिटे बाकी आहेत आणि तुमचा व्यायामाचा टप्पा पूर्ण होणार आहे. किंवा – “गेल्या 28 दिवसांतील हा तुमचा सर्वात मोठा टप्पा होता.” हे यूजर्सना प्रॅक्टिकल आणि टाइम-सेन्सिटिव मोटिवेशन देते.  (फोटो सौजन्य – X)

आणखी नवं काय असणार?

• Smart Stack तुम्हाला दिवसभर प्रॅक्टिकल माहिती देते. जसं की, हवामान अपडेट, कॅलेंडर रिमाइंडर इत्यादी.
• नवीन one-handed gestures च्या मदतीने तुम्ही हात हलवून नोटिफिकेशन डिसमिस करू शकते.
• Messages अ‍ॅपला नवीन आणि आणखी रिस्पॉनसिव्ह डिझाईन देण्यात आलं आहे.
• Workout अ‍ॅप आता अधिक क्लीन आणि सोप्या लेआउटसह येणार आहे. याशिवाय, तुमच्या आवडीनुसार तुम्हाला म्युझिक रिकमेंडेशन देखील मिळतील

कधी मिळणार नवीन अपडेट?

watchOS 26 चा डेव्हलपर बीटा आता उपलब्ध आहे. पब्लिक बीटा या उन्हाळ्यात येईल आणि अंतिम रिलीज सप्टेंबर किंवा ऑक्टोबरमध्ये होईल. हे अपडेट Apple Watch Series 6 आणि नंतरच्या मॉडेल्ससाठी उपलब्ध असेल. लक्षात ठेवा की अनेक AI वैशिष्ट्यांसाठी तुम्हाला Apple Silicon असलेल्या iPhone सोबत जोडलेले घड्याळ आवश्यक असेल.

Web Title: Wwdc 2025 update watchos 26 launched in apple event tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com