तिसरं महायुद्ध अटळ? उत्तर कोरियाने पुन्हा एकदा जगाला दिला युद्धाचा इशारा

North Korea News : गेल्या 48 तासांत दक्षिण आशियातील चार देशांना भूकंपाचे तीव्र धक्के जाणवले. भारत, नेपाळ, तिबेट आणि पाकिस्तान या देशांमध्ये भूकंपामुळे जमिन हादरली.

तिसऱ्या महायुद्धाची वेळ जवळ येतेय? क्षेपणास्त्र चाचणीनंतर किम जोंग उनने दिले Nuclear Attackच्या तयारीचे आदेश ( फोटो सौजन्य : सोशल मीडिया)

Follow Us:

Follow Us:

प्योंगयांग : उत्तर कोरियाचे नेते किम जोंग उन यांनी पुन्हा एकदा जागतिक शांततेला हादरा देणारा इशारा दिला आहे. अलीकडेच त्यांनी सामरिक क्रूझ क्षेपणास्त्रांची चाचणी घेतली असून, देशाच्या सुरक्षेसाठी अण्वस्त्र हल्ल्याची तयारी करण्याचे आदेश दिले आहेत. या घटनेने संपूर्ण जगाचे लक्ष उत्तर कोरियाकडे वेधले आहे.

शत्रूंना सावध करण्याचा इशारा

उत्तर कोरियाने केलेली क्षेपणास्त्र चाचणी ही देशाच्या सुरक्षेसाठी आणि शत्रूंना सावध करण्यासाठी करण्यात आल्याचे सरकारी वृत्तसंस्था KCNA ने म्हटले आहे. किम जोंग उन यांनी स्पष्ट शब्दांत सांगितले की, उत्तर कोरियाने स्वतःच्या सार्वभौमत्वाच्या रक्षणासाठी आण्विक शस्त्रांचा वापर करण्यास मागेपुढे पाहू नये. KCNA वृत्तसंस्थेनुसार, किम यांनी आपल्या वक्तव्यात म्हटले आहे की, “शक्तिशाली शस्त्रे हीच देशाच्या सुरक्षेची खरी हमी आहे.” त्यांनी उत्तर कोरियाच्या आण्विक सशस्त्र दलांना सज्ज राहण्याचे निर्देश दिले आहेत.

जागतिक घडामोडी संबंधित बातम्या वाचण्यासाठी येथे क्लिक करा : 48 तासांत चार देशांना भूकंपाचे जबरदस्त धक्के; भारत, नेपाळ, तिबेट आणि पाकिस्तानही हादरले

कोरियन द्वीपकल्पात तणाव वाढतोय?

बुधवारी उत्तर कोरियाने सामरिक क्रूझ क्षेपणास्त्रांची चाचणी केली, जी कोरियन द्वीपकल्पाच्या पश्चिम किनाऱ्यावरील समुद्रात करण्यात आली. दक्षिण कोरियाच्या लष्कराने शुक्रवारी जारी केलेल्या निवेदनात सांगितले की, बुधवारी क्षेपणास्त्र प्रक्षेपणाच्या हालचाली दिसून आल्या होत्या. सकाळी आठच्या सुमारास उत्तर कोरियाने अनेक क्रूझ क्षेपणास्त्रे समुद्रात डागली आणि त्यावर सतत नजर ठेवण्यात आली. दक्षिण कोरियाने तसेच अमेरिका आणि तिच्या सहयोगी देशांनी उत्तर कोरियाच्या या कृतींवर तीव्र नाराजी व्यक्त केली आहे. उत्तर कोरिया सातत्याने क्षेपणास्त्र चाचण्या करत असून, जागतिक शांततेला धोका निर्माण करत आहे.

उत्तर कोरियाच्या आण्विक महत्त्वाकांक्षा आणि जागतिक चिंता

उत्तर कोरिया अनेक वर्षांपासून सामरिक क्रूझ क्षेपणास्त्रांच्या विकासात गुंतला आहे. विशेषतः ही क्षेपणास्त्रे अण्वस्त्र वाहून नेण्यासाठी डिझाइन करण्यात आली आहेत. बॅलिस्टिक क्षेपणास्त्रांपेक्षा क्रूझ क्षेपणास्त्रांवर आंतरराष्ट्रीय समुदायाकडून कमी निषेध केला जातो, कारण संयुक्त राष्ट्र सुरक्षा परिषदेने त्यांच्यावर औपचारिक बंदी घातलेली नाही. तथापि, सुरक्षा परिषदेने उत्तर कोरियावर बॅलिस्टिक क्षेपणास्त्र आणि अण्वस्त्रे विकसित करण्यावर कडक निर्बंध लादले आहेत. या निर्बंधांचे उल्लंघन करून उत्तर कोरिया सातत्याने आपली सामरिक क्षमता वाढवत आहे, ज्यामुळे आशियाई देशांसह अमेरिका आणि युरोपियन राष्ट्रांमध्ये चिंतेचे वातावरण आहे.

तिसऱ्या महायुद्धाचा धोका?

उत्तर कोरियाची ही आक्रमक भूमिका आणि सतत वाढता आण्विक धोका पाहता, जागतिक सुरक्षा तज्ज्ञांनी महायुद्धाच्या शक्यतेवर चिंता व्यक्त केली आहे. अमेरिका आणि तिचे सहयोगी देश या परिस्थितीवर लक्ष ठेवून आहेत. दक्षिण कोरिया आणि अमेरिका लवकरच संयुक्त लष्करी सराव करणार असून, हा सराव उत्तर कोरियाला इशारा देण्यासाठीच आहे, असे मानले जाते.

आंतरराष्ट्रीय समुदायाची प्रतिक्रिया

अमेरिका आणि दक्षिण कोरियाने उत्तर कोरियाच्या या हालचालींवर तिखट प्रतिक्रिया दिली आहे. अमेरिकेच्या संरक्षण विभागाने उत्तर कोरियाच्या या कृतींना आंतरराष्ट्रीय शांततेसाठी गंभीर धोका असल्याचे म्हटले आहे. तसेच, संयुक्त राष्ट्र सुरक्षा परिषदेतही या विषयावर चर्चा होण्याची शक्यता आहे.

जागतिक घडामोडी संबंधित बातम्या वाचण्यासाठी येथे क्लिक करा : Bangladesh Politics: शेख हसीनाचे सरकार नेस्तनाबूत करणाऱ्या विद्यार्थ्याची मोठी घोषणा; बांग्लादेशात पुन्हा येणार राजकीय भूकंप?

जगाला शांततेचा संदेश की युद्धाची तयारी?

किम जोंग उन यांच्या या निर्णयामुळे आंतरराष्ट्रीय स्तरावर युद्धसदृश परिस्थिती निर्माण झाली आहे. उत्तर कोरियाने सातत्याने अण्वस्त्र कार्यक्रम चालू ठेवल्यास, भविष्यात हा संघर्ष मोठ्या युद्धात रूपांतरित होऊ शकतो. त्यामुळे तिसऱ्या महायुद्धाची शक्यता नाकारता येत नाही.

Web Title: After a missile test kim jong un orders nuclear attack readiness raising world war iii fears nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com